الحكومة عن أصحاب المعاش المبكر

[Mary Naeem]

الحكومة عن أصحاب المعاش المبكر

الوطن

وعود مضيئة ومفرحة ساقتها الدكتور غادة والي، وزير التضامن الاجتماعي، إلى أصحاب المعاشات المبكرة بتعديل القانون الخاص بهم وتطبيقه بأثر رجعي، مؤكدة على صدق حديثها بالتحسنات الحالية التي تم إدخالها على المعاشات.
"مفيش حاجة تمت بشأننا غير موضوع الخمسين في المية بتاع المتغير اللي مكانتش بتتحسب واتحسبت بناء على حكم محكمة الدستورية العليا، أما الزيادة فزي ما جات زي ما راحت"، هكذا أكد صلاح جمال سلمان أمين صندوق اتحاد أصحاب المعاشات.
الرجل الذي كان من بين الخارجين على المعاش المبكر بشركة أسمنت طرة، أكد أن الأخبار التي أعلنتها الوزيرة ما هي إلا مضمون اقتراحات سبق وأن تقدم بها اتحاد أصحاب المعاشات بالنص، لكن إعلان الوزيرة عنه لم يجعلهم يتفاءلون بتنفيذه، "الظروف اللي أحنا فيها دلوقتي مش عارفين تخلينا معندناش ثقة في أي حاجة، مش عارفين البلد ماشية ازاي، نعتبر في حالة حرب، مش عارفين إيه المتوفر لينا وأيه المتاح للمشاريع الجديدة، مش عارفين مصير الـ 770 مليار جنيه أموال أصحاب المعاشات عند الدولة فين".
يتذكر "صلاح" الزيادة التي حظي بها في معاشه الضئيل 10%، لكنه يتذكر أيضًا كيف ضاعت وضاع معها المعاش بالكامل: "خدناها من هنا ورفعوا الأسعار بجنون من هنا، ياريت الدولة تشوف مشاكلنا الحقيقية، وتساندنا في قضايانا على الشركات، أحنا مخدناش أرباح من سنة 1990 لحد ما خرجنا معاش 2005، ورافعين كمان قضية فرق مكافأة، لكن هاقول أيه لو هانصدق كلام الوزيرة في الحكومة دي، كنا صدقنا كلام الوزراء السابقين في حكومات تانية".
"لو الدولة عاوزة تساعد أصحاب المعاشات المبكرة فعلًا يغيروا المعامل المحاسبي اللي غيره يوسف بطرس غالي بقانون، وخفض قيمته وبالتالي قيمة المعاشات، والأهم يعيدوا الثقة للعمال في الدولة وحمايتها لمعاشاتهم وتأميناتهم، العمال دلوقتي بيخافوا يأمنوا على نفسهم، أصحاب مصانع كتير بيقولولي العمال بتترجانا نخفض قيمة التأمين لأقصى درجة، دا ضرر للدولة قبل ما يكون ضرر للعمال"، يتحدث عبد الرحمن خير الرئيس الأسبق لنقابة العاملين بالإنتاج الحربي، والقيادي العمالي الذي أكد أن الكثير من العمال قاموا بالفعل بتسوية معاشاتهم مبكرًا، ثم قاموا بالعمل لحساب نفس المصانع مقابل مكافأة شهرية: "هناك 75 ألف حالة لعمال قاموا بذلك خلال السنوات الثلاثة الماضية والنتائج كانت كارثية".