السم/ هانى من اسيوط
عندما كنت بالصف السادس الابتدائى سنة 1985 م كنت من ابلد التلاميذ فى الفصل ( واخد 2 من 20 فى الرياضه , 3 من 20 في العلوم ، و هكذا باقى المواد ) و المعلمه بتاعتى سئلتنى انا عاوزه مامتك فقلت امى متوفيه من زمان فقالت طب ابوك قلت بابا فى القاهره علشان شغله المهم عرفت انى يتيم تقريبا روحت البيت وشكيت لامى العدرا لانى شفت نظره شفقه من المعلمه وازاى يحصل كدة و على فكره انا و بالامانه معرفش يعنى ايه مذاكره و معرفش ان المواد التى تدرس فى الفصل هيه هيه الموجوده فى الكتب معايا و معرفش ازاى فجاه بقيت اعرف كل حاجة فى الكتب و بالفعل خلال فترة ما قبل الامتحان النهائى كنت حصلت معظم المواد وفعلا جبت مجموع دخلنى اعدادى . ................ لسه فيه مفاجاه
وانا فى الصف الاول الاعدادى كنت متقد التركيز ( وهذا بشهادة مدرسه العلوم قريبتى ) فقد كانت تشرح درس جديد ( طحلب الكلاميدوناس ) و دخل الموجه فى نهايه الحصه و مسح الرسم و طلب من الطلبه مين يرسم الرسمه تانى فكنت الوحيد الى رافع ايدى وكنت جالس اخر الفصل وبالفعل رسمته بدون اخطاء ولسه هاكتب البيانات على الرسم قال لى استنه و سأل الطلبه مين يكتب البيانات ولم يرفع احد ايده غيرى و فعلا كتبت البيانات صحيحه المهم قريبتى كانت فرحانه جدا لانى شرفتها امام الموجه ......... و ايضا طلبت من امى العدرا ان اطلع من الاوائل فى الفصل و فعلا كنت بطلع الثانى او الثالث بالرغم من انى ضعيف فى العربى و الانجليزى و باخذ درجات النجاح فيهم بالعافيه و كنت زعلان من مدرس العربى لانه بيهزآنى امام الطلبه على انى بليد و بالصدفه مره ساءل مين الخمسه الاوائل فى الفصل فوقفت وكانت المفاجاه ليه انت انت انت من الاوائل مستحيل انت ابلد واحد فى الفصل المهم بعد الصدمه بقى يحترمنى و بطل يضربنى بل لما يسائلنى و معرفش اجاوب يقعدنى بكل احترام و بسبب معملته الحلوه حبيت العربى وحبيته ومن حظى درس لى فى الصف الثالث ع و اولى ثانوى و على فكره عمرى ما اخذت دروس حتى فى الثانويه العامه لم اخذ اى درس و دخلت كلية تربيه .... شكرااا لامى العدراااااااا
