القصه الاولي
روحي نظفي دماغك
كان البابا كيرلس بعد القداس الناس واقفه تاخد منه البركه وفي الطابور كانت واحده واقفه عماله تدين في الاخرين في فكرها فكانت تنظر لواحده تانيه وتقول في فكرها البنت دي مش كويسة... وسيرتها وحشه والراجل ده كذا والست دي كذا فنظر اليها البابا كيرلس ونده لها وقال لها تعالي هنا فلما حضرت قال لها اخرجي برة نظفي دماغك وابقي تعالي فخرجت واستغربت كيف علم البابا بافكارها ثم بكت وندمت ودخلت الكنيسه مرة اخري فنظر اليها البابا كيرلس وقال لها مش كده احسن
القصه الثانيه
حمل بعد 25 سنه
ذات مرة والبابا كيرلس يوزع البركه نظرت اليه سيده وقالت له صليلي يا سيدنا انا متجوزة من 25 سنه و....وهنا قاطعها البابا قبل ان تكمل واعطاها لقمة بركه وقال لها السنه الجايه هيكون معاكي مريم فقالت له لا يا سيدنا انا جوزي صعيدي ولا يحب البنات فقال لها طب اديني اللقمه دي واعطاها لقمتين وقال لها هيكون معاكي مريم ومينا ( تذكروا انه اخد لقمه واعطاها اتنين )المهم بعد سنه جابت بنت وسمتها مريم فقام زوجها بتبكيتها كعادة الصعايده وحزنت فماتت البنت وبعد فترة حملت وجابت تؤام ولد وبنت مريم ومينا مش البابا خد اللقمه ( اللي ماتت ) واعطاها اتنين بعد كده
القصه التالته
هو انت بترسمني اسقف علشان اغرق
رسم البابا كيرلس الانبا اثانسيوس اسقفا لبني سويف واثناء سفرة لاحدي القري لعمل القداس اختلت العربيه في يد السائق وسقطتت في ترعه وقفز السائق ونزلت العربية بالاسقف في الترعه وهنا قال الاسقف في نفسه بقي كده يابابا كيرلس بترسمني اسقف علشان اغرق في الترعه المهم استغاث السائق بالناس اللي ساعدوه وقاموا بانقاذ الاسقف والسيارة من الترعه واذا بالاسقف يرفع المنديل او الطرحه اللي علي راسه واذ به يجد صورة للبابا كيرلس فاخذها وقال له هو انت قاعد علي راسي حقك انت عليا وانت فوق راسي ولما وصل الاسقف للقرية قال له الناس انت اتاخرت 10 دقائق يا سيدنا فقال لهم انا كانت طالعه لي شهادة وفاة والبابا كيرلس انقذني
بركة وشفاعة البابا كيرلس السادس تكون مع جميعنا
+ امييين+
