سبحوا لالهنا الحى

[Ramez5]

سبحوا لإلهنا الحى قولوا وعدت وقلت أنا جاي
تتركنا يارب بس إزاي أنا واثق إن إنت معانا
معانا في الضيق والآلام تمنحنا يارب السلام
وإنت معانا كل الأيام أنا واثق إن إنت معانا
معانا في أتون النار تمنحنا يارب الاطمئنان
وإنت معانا في كل آن أنا واثق إن إنت معانا
معانا في جب الأسود تحفظنا يا خالق الوجود
دا إيماننا ربنا موجود أنا واثق إن إنت معانا
مع بطرس في السجن هناك ندخل فيه برضو راح نلقاك
دا إحنا شعبك وغنم مرعاك أنا واثق إن إنت معانا
معانا في الضيق والاضطهاد تحمينا يارب العباد
ده كل شيء عندك بميعاد أنا واثق إن إنت معانا
معانا يارب في كل حين تسمع صلوات القديسين
تدافع عنا وإحنا صامتين أنا واثق إن إنت معانا
معانا وإن كنا غير أمناء فأنت أمين للانقضاء
أنظر إلينا الآن برضاء أنا واثق إن إنت معانا
معانا ملجأنا وقوتنا ومعيناً لنا في ضيقتنا
دا إنت اللي في إيدك نصرتنا أنا واثق إن إنت معانا
معانا يارب في كل الأوقات وخصوصاً في وقت الضيقات
نرجع لك بالصوم والصلوات أنا واثق إن إنت معانا