افتح ღ قلبك ღ شاركنا امنيتك فى العام الجديد

[Ramez5]

كل سنة وانتم طيبين
happy new year



اكيد كلنا لينا امنيات نتمنى نحققها
كل واحد يدخل ويقول ايه امنيتة فى السنة الجديدة
ونصلى جميعاً من أجل ان ربنا يحقق امنية كل واحدة فينا
يالا أفتح قلبك وشاركنا أمنيتك فى السنة الجديدة

[Ramez5]

أمنيتى فى السنة الجديدة
أن تكون مصر فى أفضل حال هى وجميع الدول التى تعانى من الإرهاب
وأن يعم وينتشر السلام بين الجميع وتكثر المحبة الحقيقية بيننا جميعاً
وأن يدبر صاحب العام الجديد ( يسوع ) كل احتياجات الذين يطلبون معونته
وأن يفرح الجميع بهذا العام الجديد وبميلاد يسوع

[Marco]

المشاركة الأصلية كتبت بواسطة ramez5

أمنيتى فى السنة الجديدة
أن تكون مصر فى أفضل حال هى وجميع الدول التى تعانى من الإرهاب
وأن يعم وينتشر السلام بين الجميع وتكثر المحبة الحقيقية بيننا جميعاً
وأن يدبر صاحب العام الجديد ( يسوع ) كل احتياجات الذين يطلبون معونته
وأن يفرح الجميع بهذا العام الجديد وبميلاد يسوع

محدش بيتمنى اكتر من كده استاذى الكريم ... سنة سعيدة عليكى يارب بكل فرح وتكون السنة ديه احسن من اللى قبلها مع فرح مع رب المجد يسوع

[Ebn Barbara]

كل سنه والكل طيب وبخير
بتمني ان يبارك الله ارض مصر بالخير
ويبارك نفسي ايضا

[sama smsma]

امنيتى فى السنة الجديدة ان ربنا يلمس قلوب كتيره تايهة من غيره
ويرجعهم لحضنه من تانى
وانه يخفف كل التجارب الصعبه اللى عايشينها ويفرح قلوب اولاده ببشارة مفرحة

[Ƒ̐ὰ̗đƴ]

انا نفسى تكون سنة حلوووووووووة اووووى واحلى سنة فى حياتنا كلنا تكون مليان حب من كل الناس لربنا ويكون كلنا بتحب بعضها لبعض تكون مصر والكنيسة بخير تبقا فى رسالة مفرحة تفرح قلوبنا فى السنة جديدة ربنا يلمس قلوبنا عشان نقدر نوصل ونعيش وسط قديسيه آمين .

[اوفا]

انا نفسى تكون سنة سعيدة علينا بجد
وعلى مصر كلها ونفسى يرجع الامان زى الاول
واحسن بقوة ربنا ونفسى ربنا يحققك لكل واحد امنيته
ويخليلى كل الناس اللى بحبهم ويفرح قلوبنا جميعااااااااا

[بنتك انا]

كل سنة وانتم طيبيبن وبخير
انا بقى امنياتى كتير
اولا بالنسبة لمصر يعم السلام والخير فى البلد
لانها بلدك يارب وانت اللى قولت عليها
مبارك شعبى مصر
ونفسى بجد نكون اسرة واحدة نحب بعض ونخاف على بعض
حقيقى مش بالكلام بس
يعنى عايزة شوشو يمشى من مصر خالص
ههههههههه



ثانيا بالنسبة لبيتى الاول
انى ربنا يعم السلام والبركة والمحبة فى البيت
ويشفى امراضهم الروحية والجسدية
ونكون كنيسة صغيرة ليكى يارب
وانى ربنا يفرح قلبهم بيه
ويباركم ويفرح قلوب امى واخواتى


بالنسبة لبيتى التانى الفرح المسيحى
يكون اكبر منتدى على مستوى العالم
ويعم المحبة هى موجودة
بس تكبر وتزيد
ويشفى المريض فينا ويفرح كل قلوب المحتاجين فرحة
وتوصل منها كلمة الله لجميع العالم

ثالثا امنياتى العامة
انى ربنا يرجع كل اولاد وبنات المعمودية ليه
ويرجعوا لصلهم ولادة ومن فوق
وانى الناس كلها تعرف المسيح
ونفسى ربنا يشفى كل مريض فى العالم كله
ويفرح قلوب كتير محتاجين عطية وفرحة منك يارب
وصوت ربنا يعلو لفوق
ويدبر كل الخير والفرح للعالم كله
ويدى المحتاج والعالم كله يبقى مسبوط مفيش حد حزين
ويدبر الكل حسب مشيتئه


بالنسبة ليا انا
نفسى احقق ارادة ربنا فى حياتى
وابقى لربنا وبس
وافرحه بكل اعمالى وامجد اسمه فى حياتى
ونفسى يارب تدينى بركة من عندك
تبارك حياتى بايدك
ونفسى بجد اكون معاك وتخدنى عندك
يلا بقى ابقوا صلوا من اجل امنياتى
وربنا يفرح الكل وتكون سنة سعيدة
مع المسيح على الجميع

كل سنة وانتم طيبين
happy new year

[morcos20]

أمنيتى الحب والسلام يملأ العالم والقلوب
وربنا قادر يسحق الشيطان والناس تتــوب
والعـالم يتبع تعاليم يسوع الإلـه المصـلوب
وتتحد كنائس العـالم وكفـى فرقة وغـروب
ونشعر بالآمان والسلام فى وطنّاالمحبوب
ونساعد الفقراء والأيتام من أى ريح هبوب
هذه آمانى نتمنى الكـل فى نغـم طــروب
***
مرقس إسـكندر مقار

[ماريا تى ثيؤتوكوس]

اتمنى من ربنا ان يبارك فى اسرتى
ويكون هو القائد دايما فيها
واتمنى لمصر يبعد عنها الارهاب
وتكون بلد امنه بجد
وان الرب يسوع يلمس القلوب البعيده عنه
ويرجع الخرفان التايهه لحظيرته
موضوع جميل استاذ رامز ربنا يفرح قلبك
وكل سنه وحضرتك طيب