يمكن تكون المعجزه ده بسيطه بالنسبه للكثيرين بس صدقونى على رغم بساطتها لكن هتحس بان ربنا مهتم بينا فى ابسط الاشياء :
فى يوم خرجت مع والدتى وكنت ارتدى طقم من الفضه وكنت بحب الطقم ده خالص وكنت انا وماما فى محل ملابس وفعلا اشتريت من هذا المحل واكملت يومى عادى جدا وعندما رجعت الى المنزل اكتشفت ان فردة حلق وقعة منى حاولت ادور عليها فى البيت متوقعه ان من الممكن ان تكون وقعت فى البيت ولكن دون جدوى اضايقت جدا وخاصة ان كانت الساعه اللى بحبها ضاعت منى قبلها باسبوع حاسيت ياربى انا كل حاجه بحبها بتضيع وقلت فى نفسى ياربى طيب الساعه يمكن حد محتاج اخدها لكن فردة الحلق مش هتبقى مفيده لأى حد يا خدها صليت وطلبت شفاعة الانبا كاراس والشهيد ونس والبابا كيرلس وقولت للانبا كاراس انا اول مره اطلب منك حاجه ضايعه منى المهم نمت وانا مضايقه لكن عندى رجاء انى هلاقيها وقولت اروح المحل الصبح يمكن الاقيها مانكرش كان عندى أمل انى الاقيها وانى هرجع بيها ولكن عندما ذهبت للمحل وقولت للى بتشتغل هناك قالتلى ده احنا لسه منضفين ورمينا كل حاجه فى الشارع اضايقت اوى وقامت معايا وبصينا برضوا لكن الارض كانت نضيفه جدا مفهاش ولا اى حاجه مشيت وانا مضايقه وبقول فى بالى كده يا انبا كاراس ده انا اول مره اطلب منك انك ترجعلى حاجه ضاعت منى المهم رجعت البيت وقولت خلاص ربنا مش رايد الاقيها وكملت حياتى عادى وبعد اسبوعين خرجت ودخلت المحل ده تانى وافتكرت الحلق وطلعت وبعدين قابلت واحده صحبتى ودخلتنى المحل تانى روحت قولتلها ده المحل اللى ضاع منى الحلق فيه فلقيت البنت اللى بتشتغل هناك بتقولى هو انتى بتاعة الحلق قولتلها اه قالتلى انا لقيته وشايلهولك.....
ماتتصوروش فرحتى كانت ازاى مش بس لانى لقيت الحلق لكن حاسيت باهتمام من ربنا حاسيت انك يارب مايهنش عليك تشوفنى مضايقه وحتى لو مستحيل الحاجه ده تتلاقى تانى لكن عليك مش مستحيل وعلى الرغم من انهم نضفوا المحل تماما ورموا كل حاجه فى الشارع وانا شوفت ده بنفسى ربنا برضوا رجعلى الحلق بشفاعة الانبا كاراس والشهيد ونس و البابا كيرلس وانا وعدت الانبا كاراس انى لما الاقى الحلق اكتب المعجزه ده ليكم
اشكر ربنا على الرعايه اللى بجد هو محاوطنى بيها انا بجد ماستهل محبتك ده يارب شكرا ليكم يا قديسين ياللى شفاعتكم مقبوله وصلواتكم قويه .
اذكرونى فى صلواتكم لانى محتاجه اوى الايام ده
أمـــــــــــــــــــــين
