كارثة والصورة.. شاهد ماذا فعل "عبده موته" فى جيل ثورة يناير ؟!
موجة غضب عارمة تجتاح مواقع التواصل الاجتماعي "الفيس بوك وتويتر" بعد عرض فيلم "قلب الأسد" للفنان الشاب محمد رمضان فى ثالث أعماله كبطولة مطلقة مع السبكي بعد فيلمي "الألماني ، وعبده موته" واللذان حققا ايرادات عاليه خلال عرضهما بالسينمات .
وتداول نشطاء الفيس صورة لشبيه محمد رمضان فى فيلم قلب الأسد وهو يرقص بسلاح أبيض أعلى كوبري قصر النيل عقب خروجه من مشاهدة الفيلم ويظهر بلوك يشبه "فارس" وهى الشخصية التى يؤديها محمد رمضان بالفيلم .
وعلقوا على الصورة قائلين :" نتيجة افلام السبكي ، حالق نفس حلقة محمد رمضان ، لابس نفس البنطلون و قالع التي شيرت ، واقف يلعب بالمطوة في نفس الكوبري الي اتصور في المشهد .. مبروك نجحتهم ف افشال جيل" .
وقال أخر :"مين اللى دمر الشباب المصرى ونشر السفالة وقلة الأدب والقذارة ؟ ... مين اللى بيتكلم ليل نهار عن حرية الأبداع ؟ ... مين اللى سمح بهذا العته السينمائى اللى بيعرض فى السينما فى العيد ؟... محدش يقول مش عاوزين رقابة أخلاقية على الأعمال الفنية ... لما أغنية تبقى قمة الابتذال والفجور كده وتعدى علشان توصل للجمهور .. يبقى محدش يتكلم عن السلوكيات فى الشارع ولا التحرش الجماعى !!
لما ممثل يعمل فيلم والتانى والتالت بيمثل فيهم دور بلطجى وصايع وفتوه وزفت وهباب ... ويتقال ده خليفة العملاق الراحل .... وأفلامه تجيب فلوس للمنتج ... يبقى لازم المنتج ده هايكمل خراب فى الزوق المصرى ... وتولع أم البلد !!
أرحمونا وتدخلوا يا سادة يا مسئولين عن المجتمع المصرى ... صمتكم أصبح جريمة.. الفنانين والمثقفين ... لما تشوفوا المهزلة دى وتلتزموا الصمت .... دى جريمةياشعب ... ثورتكم ضد الفساد والخيانة والظلم والقهر ... لازم يضاف للثورة ... الفن الهابط وكل العاملين بهأنتشار البلطجة والسلاح وكل أعمال الفتونه مش بتيجى من فراغ ... مصدرها واضح وضوح الشمس .... يارب تفتحوا عنيكم بقى.
أما محمد رمضان .... الممثل لما يبقى عنده موهبه ربنا مديهاله ويسئ استخدامها علشان فلوس ولا شهرة .... فعمرك الفنى أنتهى قبل أن يبدأ .... استمتع بالفلوس والعربية وشوية الشهرة عند المعجبين بيك ...... فقد خرجت من منطقة الفن بلا رجعه.
الفجر 
