اعمل اية دلوقتى يا رب ؟؟

[kerstena]

اعمل اية دلوقتى يا رب ؟؟
جوايا احساس ناحيتك بالذنب
كل صلاتى ليك مابتخلاش من عتاب
كل يوم ازعل والومك على اتفة الاسباب
وكانة حق اكتسبتة وكانك مش رب الارباب!!!!!!
يااااااا يا رب بجد على دى بجاحة
ازاى بعد دة كلة بانام وانا مرتاح ازاى
قلبى يطاوعنى ويجرحك كل يوم
ازاى الومك واعاتبك وانا اللى عليا اللوم
بجد قسوة فى حياتى زيها ماشفتش
والاغرب حنيتك عليا اللى فى جمال طعمها ماذوقتش
غريب انت يا رب فى صبرك عليا
غريب محبتك ليا وانا مليانة اناني
تكون بتحبنى لشخصى وانا مش عارف
اصلى بابص حواليا وغيرى مش شايف
انا كمان بحبك اوى يا رب
رغم خجلى وكسوفى واحساسى بالذنب
انا بكلمك وعارف ان ماليش عندك اى عذر بس اعتمادى
على محبتك اللى مابتعرفش ابدا تضر
عايز اتكلم واتكلم ومابطلش كلام عايز قبل
ما اسيبك امتلىء بالسلام
عايز ضمة لصدرك تملانى امان
عايز اقولك بحبك لحد ما عنيا تغمض وتنااام

[ناردين]

صلاه في منتهى الروعه عاشت الايادي يا غاليه كرستينا

[kerstena]

شكرا لمرورك

[اوفا]

شكراً كيرستينا

[kerstena]

شكرا لمرورك

[Mary Naeem]

صلاه في منتهى الروعه

[kerstena]

ميرسي لمرورك

[ايريني]

كلمات في منتهي الروعة ميرسي كتير ليكي

[kerstena]

شكرا لمرورك