كافر انا ....ايوة كافر.....وباعترف

[Mary Naeem]

كافر انا ....ايوة كافر.....وباعترف



كافر انا ....ايوة كافر... ..وباعترف
ولو تسألنى... كافر... ولى الشرف
علشان انت بصورتك دى مؤمن
وانا كافر لمجرد انى مختلف

لو القتل و الترهيب.... عندك ايمان
يبقى انا كافر.... وقولها كمان و كمان
لو الاله فى عرفك.... يرضى بالظلم
يبقى انا كافر..... و كافر من زمان

انا... الاله الواحد الاحد الديان
فى ايمانى كله محبة كله حنان
اؤمن انه عادل و امين و قدوس
وان الغاية لا تبرر الفعل ايا كان

انا كافر ......و هاكفر بكل اللى تؤمن بيه
انت ربك مصلحتك مالك اللى بتتكل عليه
عضلاتك و صحتك و السلطة و الاغلبية
جهلك و بطنك او حتى تعاليم سعادة البيه

انا كافر .....و هاعيش و اموت كافر
فى نظرك و نظر غيرك من الاكابر
كفرنى ... اقتلنى ... عذبنى
اعمل اللى عاوزه انا مش هاعافر

انا عارف الهى و مؤمن فى عنيه
واللى بتعمله ده بيقربنى اكتر ليه
مايهمنيش تقول على كافر و شرير
المهم انى واثق و منقوش على كفيه

[يسوع حياتى]

كلام جميل جدا جدا يامارى
شكرا جدا حبيبتى

[Mary Naeem]

شكرا على المرور