هو الواحد بيحزن ليه؟

Mina Mandoo · رقم المشاركة : ( 1 ) 09 - 03 - 2013, 10:46 AM

هو الواحد بيحزن ليه؟

عندك مشاكل كتير و ملهاش حل ؟!!
طب ما عادى اكيد فى يوم هتلاقى ليها حل و تخلص منها

ولا ممكن بنحزن عشان حبيبته او حبيبه سبها ؟
طب ماهو عادى اصلا ومع الف سلامه و القلب دعيلو كمان هيجى الاحسن و الافضل منه مليون مره ولو مجاش ده لوحده خير ده الجواز ده قرف

ولا ممكن بنحزن عشان الشغل اللى احنا فيه اقل من مستوانا ؟
طب ماهو عادى مش يمكن الشغل اللى من مستوانا ده يخلينا ملقيش العيش الحاف اصلا ولا انت بتدور ع الحزن و السلام

ولا ممكن بنحزن عشان مراتك متاخره فى الخلفه شويه و انتى بتزعلى عشان مش لسه خلفتى ؟
يا شيخه ده انتى تعملى فرح هو العيال بيجى من وراهم ايه غير وجع القلب و فلوس دروس و مدرس و اكل و شرب و لبس ده طبعا غير الملحق شايفه المفروض تعملى فرح ازاى

ولا ممكن بنحزن عشان النتسيق جبلك كليه مش عاوزها ؟
طب ماهو عادى ماهو لو جبلك الكليه اللى انت عاوزه ممكن تبقى فاشل و بدل ماتكون كلية سعدك تبقى كلية الحزن و الندمه و بعدين كده كده مفيش شغل

ولا يمكن بنحزن عشان عندك مرض ؟
طب ماهو عادى انه يكون عندك مرض اصلك تراب و بعدين عندك مرض و عايش تصلح البلوى بتاعتك احسن ماتموت و تدخل جهنم بطياره

من الاخر كده الحياه دى انت داخل ليها فاضى و اعمل حسابك انك طلع منها فاضى اللى هيفرق معاك بس رسالتك اللى مطلوبه منك توصله للناس لو وصلتها صح و بيما يرضى الله مبروك عليك ولو وصلت نقصه حسابك عند ربنا بقى ماليش انا دعوه

بقلمى