انت فين طمنا ان البنت ها تخف !!؟

[بنت معلم الاجيال]

انت فين طمنا ان البنت ها تخف !!؟



الطفله / ش ع ج ( طلبوا عدم ذكر الاسم حدائق القبه

يحكي الدكتور ( ع ) والد الطفله ويقول رزقنا ربنا ببنت جميله جدا ولما كان عمرخا شهر اكتشفنا ورم في رجليها اليمين في حجم العنبه اسفل الفخد ولونه كان بيتغير من الاحمر الي الازرق فروحنا للدكتور محمد البربري طبيب اطفال وطلب مننا عمل سونار عشان نعرف نوع الورم ونتيجه السونار قالت انها كدمه تلوثت فرجعنا للدكتور محمد مره اخري فاعطانا مضاد حيوي وقال ان الاعراض ها تروح مع الوقت بس للاسف مع مرور الوقت كانت الكدمه حجمها بيكبر فروحنا للدكتور علاء فايز جراح اطفال فطلب عمل سونار وكانت نتيجته انه خراج ومش كدمه وحد لنا ميعاد لفتح الخراج وفي ميعاد العمليه المحدد لقيناه الدكتور علاء بيخرج من غرفه العمليات بعد 10 دقايق وقال ان ده مش خراج ده ورم وخذ منه عينه لمعرفه نوعه ما قدرناش نمسك نفسنا لما سمعنا كلام الدكتور وكانت صدمتنا الاصعب عندما ظهرت نتيجه تحليل العينه و علمنا ان الورم خبيث فقررنا وقتها نروح لدكتور متخصص الدكتور هشام اسماعيل وقبل ميعاد الكشف قررنا نروح نزور دير القديس مارجرجس للراهبات بمصر القديمه وكانت الساعه 5 بعد الظهر يعني بعد ميعاد الزياره لكن مار جرجس كان عايز يطمنا فادونا اذن بالدخول بعدما عرفوا ظروفنا وسمحوا ليناه نزور الكنيسه ووضعنا جسد مار جرجس علي البنت وخدنا بركه المزار ووضعنا السلسه علي البنت وصرخنا من قلوبنا الي مار جرجس سريع الندهه وتذكرنا وعد ربنا يسوع المسيح للشهيد ان اي طلبه بشفاعه الشهيد العظيم مار جرجس وذكر اسمه الرب يجيب طلبته ورمينا حمولنا علي ربنا الحنون بعدها بدءنا نشعر بالراحه بعد خروجنا من الدير روحنا علي طول للدكتور هشام في ميعادنا وقرر اجراء جراحه في اليوم التالي وفعلا تم ازاله الورم يوم 14/11/2005 واخذ عينه من حول هذا الورم للتاكد من عدم انتشاره مره اخري خرجنا من المستشفي وروحنا علي الدير علي طول لحضور عشيه عيد مار جرجس وفي اليوم التاني ذهبنا لحضور العيد وهناك اتقربنا من الدير ومن مار رجرجس وطلبنا منه يقف جنبنا وبدانا نضع من زيت مار جرجس كل يوم علي رجل البنت وبعد فك السلك باسبوعين لاحظنا ظهور الورم للمره الثانيه في نفس المكان بجانب الجرح الاول لكن الجراح طمنا وقال ده تليف مكان العميله وطلب مننا ننتظر لمده اسبوع ونتابع ولكن كانت صدمه للمره الثانيه لان الورم رجع وكان نشط فقلق الدكتر هشام وطلب عمل تحليل دم با ثلوجي وكلانت النتيجه انه ورم خبيث فقرر الدكتور عمل جراحه في اليوم التالي علي طول فروحنا للدير وبكيناه هناك وعاتبنا الشهيد مار جرجس اذاي يسبنا كده وبدء الدير يرفع صلاه من اجل ابنتنا اجرينا الجراحه التانيه في 10/12/2005 واحنا لم نتوقف عن دهن البنت بزيت مار جرجس وبعد ساعه من خروج البنت من غرفه العمليات بدءت رجلها تورم وتزرق فاستدعيناه الجراح المساعد فامر بفك السلك علي الفور لان الخياطه كانت علي شريان لان الدكتور هشام في المره التانيه اخذ جزء كبير من الفخذ لغايه ما وصل للعظم وامر بالغيار مرتين في اليوم علي الجرح وهو مفتوح وده كان افضل عشان يقدر يتابع نمو الخلاياه الجديده وملاحظه اي خلاياه غريبه لم نتوقف عن دهان البنت كل يوم بالزيت وزياره دير مار جرجس كل اسبوع عشان ناخد بركه السلسه والجسد لمده 3 شهور بدء الجرح يلتئم بسرعه حتي ان الدكتور كان مستغرب من السرعه وكان راي اللدكاتره انه يجب اجراء عميله ترقيع للجرح علشان مش مكن يلتئم لوحده لكن كان عندنا ايمان قوي ان ايد ربنا تمتد بشفاعه الشهيد مار جرجس حتي ان الدكتور هشام اقر ان اللالتئام كان معجزه وشكرنا ربنا والشهيد مارجرجس بعد 10 ايام لاحظنا وجود خط احمر غامق في وسط الجرح وبدء في التورم مره تانيه فما صدقناش نفسنا معقول الورم يرجع للمره الثالثه في نفس المكان فبكيناه بمراره وده كان يوم 13/3/2006 اسودت الدينياه في عنيناه ما قدرناش نعمل حاجه غير اننا نصلي ربنا يرشدنا للطريق الصحيح روحنا للدكتور عماد عبيد وقرر ضروره اخذ جرعات علاج كيماوي ثم نجري جراحه بعدها وبعدين نكمل العلاج لمده شهرين والدتها اول ما سمعت الكلام ده بكت بكاء هيستيري وكان قلبها مش مطمن واتفقنا ما ناخدش اي قرار الا بعد زياره الاديره وطلبنا من الدكتور عماد تاجيل العلاج الكيماوي لمده 4 ايام زرنا دير مار جرجس وقررنا نبعد عن الطب والادويه ونلتجا الي ربنا الطبيب الشافي وفي يوم 1/5/2006 وكان يوم عيد استشهاد مار جرجس بصيت لايقونه مار جرجس وانا ببكي وقلتله طمنا ان البنت ها تخف بعد كده بعتنا كل التحاليل والاشعه السابقه لعرضها علي اطباء متخصصين بالولايات الامريكيه وجه الرد بالفاكس انه ما كانش لاازم نسيب البنت المده دي كلها ( 3 شهور من غير علاج لان لو الورم وصل للعظم يجب بتر الساق بس احنا في خلال الفتره دي ما لاحظناش اي اورام زي قبل كده وحتي اللون الاحمر الغامق اختفي بس احنا بعد فتره قلقنا وحبيناه نعرف ايه الي حصل فاعادنا التحاليل يوم 17/6/2006 وكانت النتيجه انه لا يوجد اي اثر للورم وعشان زياده التاكيد عملنا اشعه رنين مغناطيسي وكانت النتيجه ان البنت خفت تماما
فشكرررررررررررررررااااااا اااااااااااااااا لك يا رب لانك استجبت لصلاتنا بشفاعه شهيدك امير الشهداء مار جرجس

شفاعتك يا مار جرجس