|
 |
 |
 |
|
رقم المشاركة : ( 1 )
30 - 01 - 2013, 01:50 PM
|
|||||||||||
|
|||||||||||
|
طريقه هايله لحموم القطط بدون عض ولا خربشه ولا فلفصــه (^_^)  ونظرا لان القطـــه كائن بيمووووت فى الحموم  فهتلاقيها بتصوت وعايزة تجرى وتخربش و تبخخخخ الخ الخ الخ فانا بعد بحث وتدوير لقيت طريقه حلوة جدا لحمومهم وهتقدرى تتحكمى فيها كويس وتكون هاديه لحد ماتنتهى الحرب وتعدى بسلام ...  بصى ياستى منك ليها هتعملى ايه :- (1) تجيبى القطه وتدخلى بيها الحمام و تقفلى الباب (ويا قاتل يا مقتول النهاردة ههههه) وبعدين تقعدى جمب البانيو ويبقى جمبك فوطتين مخصصين للقطه بس شامبو كوبايه بلاستيك كبيرة (2) تعملى ايه بقى تملى البانيو مايه دافيه لا سخنه قوى ولا ساقعه ( مهم جدااااا) ومش تمليه قوى يادوب بس لحد رجل القطه وجيبى القطه طبطبى عليها وحطيها فى البانيو وانتى حاطه ايدك على رقبتها عشان متجريش ولو لاقيتيها عايوزة تمشى امسكيها من قفاها كدة ورجعيها مكانها وبعدين حطى من ميه البانيو بالكوبايه البلاستيك على فروها وبليها كلها ماعدا راسها وودانها وبالشامبو اغسليها كويس ومتكتريش الشامبو قوى علشان ميلزقش جامد فى فروها وبعدين حطى بالمايه بردو على جسمها علشان يتشال الشامبو (3) وامسكيها من قفاها باديكى وارفعيها نص رفعه يعنى رجلها لامسه ارض البانيو و ايديها فى الهوا (((ماتخافيش هى مش بتتوجع من المكان دة لان القطط من صغرها اصلا ماماتها بتمسكها باسنانها من هنا وكمان هتلاقيها مش بتتحرك خالص ))) المهم ارفعيها واغسلى ايديها بالشامبو ورجليها بردو فالسرييييييييييييييع كدة ونزليها وبالكوبايه ونزلى ميه عليها (4) ولما تلاقى ميه البانيو بقت شامبو كلها افتحى السدادة تنزل الميه القديمه وافتحى الحنفيه وبميه دافيه بردووو املى الكوبايه واشطفيها وبلى ايدك خفيف كدة وامسحى وشهاا (5) وبعدين اما تخلصى سيبيها فى البانيو واقفلى الميه وطبطبى عليها وفنفس الوقت حاولى تعصرى فروها كدة وانتى بتبطى عشان تنزل الميه وسيبيها شويه لو عايزة تطلع طلعيها لو لاقيتيها هاديه مكانها سيبيها وبعدين هاتى الفوطه ولفيها بيها كويس وشيليها لانها هتتغرق ميه والفوطه التانيه اقعدى انكشى شعرها كدة كانك بتلمعى ازاز  عشان شعرها يتنكش وينشفوبالفوطه المنديه التانيه دى امسحى ودنها من غير ماتعمقى قوى جوة وسيبيها بقى تنشف وسرحيها فى الاخر بسسسسسسس كدة فوائد الطريقه دى اللى لاحظتها :- * المايه الدافيه بتهدى القطه جدااااااا *طول ماهى فى البانيو والميه الدافيه حواليها حاسه دفا ومش بتقعد تترعش ويجيلها برد *البانيو بيخليكى تعرفى تتحكمى فيها اكتر احسن من الحوض او الطشط ومش هتعرف تهرب بسهوله * الحاجه بتكون جمبك وفى نفس الوقت تبقى متحكمه فيها ومش ملخومه نصاااااااائح هامه اخرى :- *بلاش فى الشتاء كتير علشان ماتبردش *القطه الحامل ممنوعه تماما وفى الفترة دى بفوطتها وشويه ميه وامسحى من فوق كدة وخلاص *القطه المرضعه ممنوعه بردة علشان متعديش اولادها لو جالها برد لحد ماولادها يكبروا بس شويه ويمشوا كويس * ماتجبيش ميه فى ودان القطه بتاتااااااا لانه غلط جدا * القطط الصغيرة ممنوعه 
|
 |
| أدوات الموضوع | |
| انواع عرض الموضوع | |
|
العرض العادي
