عتاب وجواب

[فرونكا]

عتاب وجواب
انا جاى ليك النهاردة وليا عندك عتاب
جاى اقوله وعاوزة اعرف اية هو الجواب
لية قلت ما اكرب الطريق وما اضيق الباب
طب ما انت عارف اننا مخلوقين من تراب
طب ما انت شايف اننا ف الدنيا ف عذاب
الوصايا صعبة ومش قادرين ننفذ وصايا الكتاب
ولو فشلنا بنتعب ونبقي ف هم واكتئاب

لية الطريق لازم يكون صعب وطويل
لية لازم يبقي فيه صليب ولازم نشيل
احنا تعبنا ومش قادرين دة الحمل تقيل
ساعات نحس ان الطريق للسما مستحيل
وعمرنا ما هنقدر نعيش حسب الانجيل
دة اللى هيوصل للسما يادوب عدد قليل
رد عليا ومتسبنيش لافكار ى زليل

ياترى ياابنى خلصت عتابك وقلت كل كلامك
تسمحللى بقي دلوقتى ارد انا على سؤالك
مسالتتش نفسك ليه انا سبتك تقول عتابك
كان ممكن افنيك اول ما الكلام دة جة ف خيالك
انت نسيت انك من تراب وانك بتكلم الرب الهك
دة انا من محبتى ليك سيبتك تقول اللى ف بالك
ممكن اعاتبك واقولك ليه بتسيبنى واقف على بابك
وياترى كنت هتعمل كدة برضة مع حد من صحابك
يابنى دة انا تعبت وسفكت دم ثمين اوى عشانك
مش قادر انت تتعب عشانى شوية ف حياتك
اية يعنى لما تشيل الصليب ما انا شيلته بدالك

ايوة بجرح وبعصب واسحق ويداى تشفيان
وايوة الطريق صعب وطويل لكن بالتعزية مليان
وصحيح الباب ضيق بس بيوصل لبر الامان
دة اللى يصبر ليه عندى ف سمايا احلى مكان
هعوضه فية عن كل اللى شافه وكل اللى كان
معلش اتعب شوية وهترتاح معايا باقي الازمان
لازم تكون مستحق لدمى اللى سال زمان
الملكوت يا بنى اتدفع فية اغلي الاثمان
مش بسهولة كدة تدخله من غير ضيقات واحزان
واوعى تكون فاكر انى انا منك زعلان
لادة انا بحب ابنى يتكلم معايا وبكون بيه فرحان
عشان عارف يا حبيبي انك ف الدنيا دى تعبان
بس انا مش سايبك لوحدك تقاسي مع الشيطان
ومش لازم تفهم وتعرف كل حاجة يا انسان
سيبنى انا بحكمتى يا ابنى ادبر الاكوان

[Hany Meshel]

مشاركة اكتر من رائعة
يا فرونكا

[Rena Jesus]

جميله جدا
ميرسى ربنا يبارك تعب محبتك

[Mary Naeem]

مشاركة جميلة جدا

ربنا يبارك حياتك