مزمور 16 نشيد الثقة والاتكال الكامل على ربنا

[walaa farouk]

المزمور رقم 16
احفظني يا الله لأني عليك توكلت

المزمور ده هو نشيد الثقة والاتكال الكامل على ربنا
، وفيه داود بيعلن إن سعادته كلها في القرب منه

داود النبي بيبدأ بطلب حماية،
بس بلهجة واحد واثق ومسَلم حياته كلها في إيد ربنا 👇🏻
«احفظني يا الله لأني عليك توكلت. قلت للرب أنت ربي
، لا سعادة لي غيرك»
(آية 1، 2)

هنا داود بيورينا إن فرحته الحقيقية مش في الدنيا،
لكن في الناس القديسين اللي بيحبوا ربنا،
هما دول اللي ليهم قيمة في نظره 👇🏻
«القديسون الذين في الأرض والأفاضل، كل مسرتي بهم»
(آية 3)

وبعدين بيبعد نفسه عن أي حاجة تبعده عن ربنا
، وبيرفض يمشي ورا أوهام أو آلهة تانية،
لأن نصيبه الحقيقي هو الله 👇🏻
«تكثر أوجاعهم الذين أسرعوا وراء آخر.
.. الرب نصيب قسمتي وكأسي. أنت تمسك قرعتي»
(آية 4، 5)

داود بيبص لحياته ويلاقي إن ربنا اختار له أجمل سكة،
فبيشكر ربنا حتى على التجارب اللي بتعلمه وتنبه قلبه طول الليل 👇🏻
«حبال وقعت لي في النعماء، فالميراث حسن عندي.
أبارك الرب الذي نصحني، وبالليل أيضاً تنذرني كليتاي»
(آية 6، 7)

وهنا بقى سر القوة، داود حاطط ربنا قدام عينه طول الوقت،
وعشان كدة هو مطمن ومفيش حاجة تقدر تهزه 👇🏻
«جعلت الرب أمامي في كل حين، لأنه عن يميني فلا أتزعزع»
(آية 8)

وفي الآخر، داود بيعلن فرحته بالقيامة والحياة الأبدية،
لانه واثق إن ربنا مش هيسيبه للموت، لكن هيفضل في حضرته للأبد 👇🏻
«لذلك فرح قلبي وابتهجت روحي.
جسدي أيضاً يسكن مطمئناً. لأنك لن تترك نفسي في الهاوية.
.. أمام وجهك شبع سرور، في يمينك نعم إلى الأبد»
(آية 9 - 11)

لما تخلي ربنا هو نصيبك يبقي لازم تطمن،
لأنه هو الوحيد اللي عينه عليك.
هتمشي في طريق الحياة
وأنت واثق إن النهاية هي فرح أبدي ملوش حدود.