|
 |
 |
 |
|
رقم المشاركة : ( 1 )
13 - 01 - 2026, 11:18 AM
|
|||||||||||
|
|||||||||||
|
بس امانه عليك خليه يدعيلى عشان الولد ده دعواته مستجابه قوى ❤️ أسرع دعوه مستجابه ... واحد صحبى بيحكيلى .. الاربع اللى فات كنت راجع من شغلى حوالى"" الساعه ٣ نص الليل ، واقف مستنى اى ميكروباص مافيش خالص ، المسافه من الشغل لبيتى حوالى ساعتين مشى .. قولت امشى لغايه مالاقى اى مواصله فى السكه بدل مانا واقف كدا .. وانا ماشى لاقيت ورقه ب٢٠٠ جنيه واقعه فى الارض .. خدتها وحطيتها فى جيبى وطبعا كنت مبسوط جدا اول مره الاقى فلوس فى الارض .. كملت مشى ..لغايه ماوصلت موقف المكروباصات ، ركبت ومستنى العربيه تحمل .. وانا راكب جنب الشباك .. لاقيت راجل كبير واقف مستنى مواصله ولابس جلابيه، تقريبا فوق ال٥٠ سنه ومعاه عيل صغير .. الولد بيقوله يا جدو جعان قوى .. والراجل قاله ربنا هايبعت دلوقتى بس انت ادعى .. رد الولد وقاله انا بدعى من الصبح وكأن ربنا مش سامعنى.. الولد سال جدو بتلقائيه شديده وقاله .. " اعلى صوتى يمكن يسمع!؟" رد الجد وقاله لا هو سامعك حتى لو ماتكلمتش ، دلوقتى يبعت ماتقلقش ، احنا مش معانا غير ٢٠ جنيه هانروح بيها " انا سمعت الحوار ده وحسيت ان ربنا بعت ال٢٠٠ جنيه دى فى طريقى عشان خاطرالولد الصغير ده .. نزلت ومن غير مافكر حطيت الفلوس فى جيب الولد .. لاقيت جدو بيقولى لا انا مش شحات ايه اللى انت بتعمله ده .. ضحكتله وقولتله ، انت مش قولت للولد ادعى وربنا هايبعت انا الدليفرى 😉 .. بس امانه عليك خليه يدعيلى عشان الولد ده دعواته مستجابه قوى ❤️ 
|
 |
| أدوات الموضوع | |
| انواع عرض الموضوع | |
|
العرض العادي
