🔥 روح الإحباط… العدو الصامت اللي بيكسر من جوّه 🔥 🕯️⚔️🔥

[لمسة يسوع]

🔥 روح الإحباط… العدو الصامت اللي بيكسر من جوّه 🔥
🕯️⚔️🔥

خلّيني أكلّمك ببساطة وبصدق:
روح الإحباط مش بييجي يصرخ…
بييجي يهمس.
بيقولك «ربنا سابك»…
بيخليك تحس إنك مش قادر تكمل.
يهدّي النار، يطفّي الشغف، ويخلّي الدعوة تقيلة على قلبك.

الإحباط هو اللحظة اللي تقول فيها:
كنت قوي… بس دلوقتي تعبت.
كنت شايف… بس دلوقتي مش قادر.

🔥 الإحباط بيعمي العين الروحية… ويخليك تشوف التراب أكتر من الرؤيا، وتنسى الهدف لأن بصرك اتسحب من السماء للأرض.
ولما تركز على التراب—الاحتياجات والضغوط الجسدية العيان—تموت الرؤيا، لأن التركيز على المنظور يقتل الإيمان ويقف ضد ما لا يُرى. 🔥

📖 نحميا 4:10
«فقال يهوذا: قد ضعفت قوة الحَمَّالين، والتراب كثير، ونحن لا نقدر أن نبني السور.»

المشكلة مش في العدو…
المشكلة مش في السور…
المشكلة بدأت لما القوة ضعفت من الداخل،
ولما الجملة خرجت: «لا نقدر».

دي لحظة الإحباط الكتابيه الصريحه.
لما اللي جواك يتكسر قبل ما اللي حواليك يقع

📖 أمثال 13:12
«الرجاء المُنتَظَر يُمرض القلب، والشهوة المُنجَزة شجرة حياة.»

الإحباط غالبًا مش من الضربة…
من الانتظار الطويل.
من وعد اتأخر…
من صلاة لسه ما اتجاوبتش.
ولما الرجاء يتأخر ... القلب بيتعب

كلمة الرجاء في العبرية هي:
Tikvah – تِكڤاه
ومعناها: حبل، رابط، شيء متعلّق بيه.
يعني الإحباط يحصل لما الحبل الداخلي يرخى…
مش لما الحلم يضيع.
ولو الإحباط سبناه يتحول لحاجه أخطر

📖 كولوسي 3:21
«… لئلا يفشلوا.»

كلمة يفشلوا في اليوناني:
Athymeō
ومعناها: القلب يفقد شجاعته، النفس تنخفض، الروح تنكسر من جوّه.
ده مش يأس كامل…
ده مرحلة قبله… وده أخطر مكان.

لكن اسمع الخبر الحلو دا

📖 2 كورنثوس 4:8–9
«مُكْتَئِبِينَ في كل شيء، لكن غير متضايقين؛ مُتَحَيِّرِينَ، لكن غير يائسين…»
بولس ماقالش أن الضغط مش موجود
قال .. أن الضغط مش مسموح له يتحول ليأس
يعني :
الضغوط برا.
لكن القرار جوه

📖 رومية 15:13
«وإله الرجاء يملأكم كل سرور وسلام في الإيمان، لتزدادوا في الرجاء بقوة الروح القدس.»
الرجاء مش بيتصنع
الرجاء بيتمليء
واللي يملاءه الروح القدس

📖 نحميا 4:14
«لا تخافوهم. اذكروا الرب العظيم المخوف.»
اول علاج الإحباط
افتكر مين إلهك
مش حجم الحمل اللي عليك

📖 فيلبي 4:13
«أستطيع كل شيء في المسيح الذي يقويني.»
الايه دي مش تشجيع نفسي
دي اعلان حرب ضد روح الإحباط

🔥 صلاة نارية: 🔥
🙏🔥🕊️

يا رب يسوع المسيح،
نقف الآن بجرأة الدم،
ونكسر كل روح إحباط،
كل Athymeō،
كل صوت قال: تعبت… خلاص… مش قادر.

نعلن:
القوة بترجع،
الرجاء بيتجدد،
والحبل الداخلي Tikvah مش مقطوع.

نسكب نار الروح القدس،
ليُشفى القلب،
ولتقوم النفس،
ولتشتعل الدعوة من جديد.

نرفض اليأس،
ونتمسّك بالرجاء،
ونعلن قيامة داخلية الآن.

باسم يسوع المسيح 🔥✝️
آمين.

[Mary Naeem]

رووووووووووعة
من أجمل ما قرأت
ربنا يفرح قلبك

[لمسة يسوع]

ينعاد عليكي
ميلاد مجيد