اللي ماسك حياتك أقوى من كل المتغيرات اللي بتدوخك

[walaa farouk]

ساعات بتتعلق بأحداث معينة وتقول:
“لما الحاجة دي تحصل حياتي هتتغير”،
أو تحط أملك في ظروف تمشي زي ما نفسك
، أو تستند على أشخاص فاكر إنهم السند الحقيقي. لكن كل ده بيتغير…
الأحداث ممكن تتأجل، الظروف تتقلب، والناس يتبدلوا أو يختفوا.
لكن في واحد بس ثابت، مايتغيرش، مايسيبكش،
ومايخذلكش. هو اللي يمسك بخطواتك
حتى لو الدنيا حواليك بقت عكس اللي كنت متوقعه.
هو اللي أمانك مش بيتأثر بالزمن ولا بالحال.
لو ركّزت ثقتك فيه، عمرك ما هتضيع،
لأن اللي ماسك حياتك أقوى من كل المتغيرات اللي بتدوخك.