أنا مش قادر أقوم بس هو عارفني

[walaa farouk]

“أنا مش قادر أقوم … بس هو عارفني”
كل الناس كانت ماشية
كل واحد في حاله، وكل واحد بيجري على اللي وراه
وأنا؟
أنا كنت قاعد… أو بالأصح، مرمي
مش بإيدي، بس اتحطيت في المكان ده، وسكت
سنين وأنا بتفرج على الحياة
ناس داخلة الهيكل وناس خارجة
ناس بتتحرك، وأنا ثابت
مش قادر أعمل حاجة… لا لنفسي، ولا لحد
بس جوايا صوت بيهمس
“هو شايفك، ومش ناسيك”
كنت بسكت له… وقوله: “طب ليه سايبني كده؟”
وفي يوم…
جالي شخص، مختلف
ما سألنيش “مالك؟”
ولا قالي “بتتوجع؟”
ولا حتى استناني أتكلم
ببساطة قاللي:
“قُم، احمل سريرك، وامشِ”
وصدقني؟
أنا قمت
أيوه، أنا اللي كنت فاكر إني خلاص
أنا اللي قلبي اتعود عالعجز
أنا اللي كنت مستني حد يشيلني…
لقيته بيقومني!
⸻
يمكن انت كمان مشلول من حاجة
مش لازم تكون رجليك اللي مش بتتحرك
ممكن يكون قلبك اللي تعبان
أو رجاءك اللي واقع
أو خطية ربطاك ومش عارف تفكها
بس يسوع مش مستنيك تبقى قوي
هو جاي لك وانت واقع
وبيهمس لك:
“قُم… انا معاك”