الأسقف العلامه الأنبا ايسوذوريس ‏

[روشا الفرفوشه]

طبعا يا شباب انتوا متعرفوش مين الراهب ده ..ولا انا صدقوني بس هحكيلكم علي ايه سبب اهتمامي بنشر سيرته :
كان لي طلب من رب المجد و كنت اريد استشارته و معرفه الطريق المناسب و بعد طول الحاح في الطلب في يوم من ايام أغسطس 2010 نمت و انا في غايه الضيق و حلمت براهب لابس الفراجيه و قالي انا أسمي " أيسوذوريس " و انا الي ألفت " المرشد العابد " و كان طريقه كلامه في منتهي الحنان ..كان بنفس مظهره الي ف الصوره و كان لابس الصليب و الايقونه التانيه من ذهب و من كتر جمالهم ابديت اعجابي بيهم ..
صحيت طبعا من الطبيعي الشخص هيقول دي مجرد " تخاريف " من كتر الضيقه و لكن حدثت المفاجاه ..
بعدها بايام قمت بزياره طاحونه البابا كيرلس و اتفاجات في المكتبه بكتاب عليه نفس شكل الراهب و اسمه " الانبا ايسوذوريس " و شعرت بذهول رهيب و كان هذا الكتاب نسخه اخيره و من الواضح انها قديمه فلم اتردد في شرائها . وكانت المفاجاه التانيه بعد التقليب في صفحاته انه فعلا ألف كتاب أسمه " مرشد العابد ودليل القاصد الى وجوب العابد " ..
و بعدها في عيد الصليب سنه 2011 جاء القديس مره اخري و كان معاه صليب من خشب . لاني بدات اشعر بانها مجرد خيالات و كانت رسالته لي ليست واضحه و لكن تبدي بشي من الطمانينه ..
هذا الراهب القديس ليست له اي معجزات معلنه و كل ما اعرفه عنه هو كتبه التي ألفها و انه كان من المدافعيين عن الارثوذوكسيه ..
الي ان هداني فكري بان ننشر صفحه خاصه باسمه في محاوله صغيره بتكريم اسمه و محاوله صغيره جدا في نشر سيرته المقدسه ..
بركته تكون مع الجميع


و هذا غلاف كتاب سيره حياته

[Ebn Barbara]

بركته تكون معانا دايما
ميرسي كتير روشا
ربنا يباركك

[Mary Naeem]

شكرا على السيرة العطرة