بابا يسوع بيحبنى

[Marina Greiss]

عزيزي بابا يسوع:
أنت عامل أيه كويس قوي يارب .. دي أول مره اكتب لك فيها جواب.. أنا أخذت أمبارح في مدارس الاحد انك بتدي كل واحد أي حاجه هوه محتاجها .. فلو سمحت يابابا يسوع ماما تعبانه قوي و عاوز عشره جنيه علشان أجيب لها الدوا .. ممكن تبعتهم لي.. بس بسرعة.
(ابنك عادل)
هذا الخطاب وجده احد موظفي مكتب البريد موضوع في ظرف مكتوب عليه (يسلم ليد بابا يسوع العنوان السماء) وقد شده هذا العنوان انتباه الموظف حتى فتحه ووجد فيه الرسالة السابقة وتأثر جدا شديدا بل وقراها علي بقيه زملائه من الموظفين الذين لم يكن تأثرهم اقل منه.. ثم جمعوا تبرعات فيما بينهم إلا أن ما جمعوه كان تسعه جنيهات فقط فقام هذا الموظف بوضعها في ظرف إلي عادل .
وبعد أسبوعين تسلم هذا الموظف بنفس الخط السابق و مكتوب عليه بنفس الخط الطفو لي (يسلم ليد بابا يسوع .. العنوان السماء)
فما كان من الموظف إلا أن فتح الظرف ووجد الرسالة التالية
عزيزي بابا يسوع :
أنا متشكر جدا علي الفلوس اللي أنت بعتها .. ماما بقت أحسن كتير .. لكن لو سمحت لو هاتبعتلي حاجه تاني بلاش تبعتها عن طريق البوسطه .. لان الموظفين اللي هناك حرميه.. (ابنك عادل)
(لا تهتموا بشي في كل شي بالصلاة والدعاء مع الشكر) فيليبي6:4
كن مؤمنا إن الله سوف يعطيك فان الإيمان ليس مجرد اقتناع عقلي . إنما هو عمل القلب
و هو ليس لحظه يقبل فيها الإنسان الله إنما هو عمل العمر كله فهو دائما الثقة بما يرجي و الإيقان بأمور لا تري.