اسكتش داود النبى والملاك المهلك

[Mary Naeem]

اسكتش داود النبى والملاك المهلك


احصاء الشعب
اسكتش الملاك المهلك
( الشخصيات : الشيطان الاول والثانى - داود النبى - جاد النبى - يؤاب - الحارس - ارونة اليبوسى )

عن قصة الوباء بعد ما احصى داود الشعب مناسب لاعدادى ثانوى ومن خلالها يجب ان نتعلم ان هدف القصة فى النهاية .

- يجب على المخدوم معرفة القصة والاستفادة منها .

- الطاعة من خلال المرشدين الروحيين كهنه خدام ...الخ .

- الصلاة والتوبة ومداومة الحضور فى الكنيسة وسماع كلمة الرب .

البداية :-
موسيقى رعب وخوف يدخل الشيطان الاول والثانى .

الشيطان الاول / احنا لازم نشوف حل للزم نشوف حل .
الشيطان الثانى / خير مالك احكى احكى .
الاول / انت بتقول خير قول شر او قتل قول ضرب هقعد لامتى افهم فيك .
الثانى / طيب ضرب كسر حرق قول بقى فى ايه مالك ؟
الاول / الملك يا سيدى .
الثانى / عفركوش ماله ؟
الاول / ياعم مش عفركوش عفركوش مين ده كمان .
الثانى / اومال مين الملك هو فيه غيرنا ملوك تانى ولاايه؟
الاول / الملك داود يا سيدى اوعى كمان تقول مش عارفه .
الثانى / اها داود بن يسى طيب ما تقول كدا من بدرى بس ايه رايك يا ملك فى اللى عملته فيه عجبك ولالا ؟
الاول/ ياااه انت عملت حاجات من ورايا ولا ايه ؟
الثانى / كتير كتير وقعته فى الزنا والقتل وحجات كتير اوعى وشك بس انت من افكارى الجهنمية محدش هيقدر يرفع راسه عليا دلوقتى .
الاول / غبى غبى غبى .
الثانى / يوه غبى هو انا عملت خير ولا ايه ؟
الاول / ياد انت مش عايش فى الدنيا ولا ايه .
الثانى / انا معاك يا ملك وعايش فى الدنيا كلها .
الاول / انت متعرفش ان داود تاب عن الخطية واتقبلت توبته والموضوع خلص خلاص ده انت قديم اوى .
الثانى / اممممم شكلى علطول فاشل ولا ايه طيب ايدينى فرصه يا ملك ومليكش دعوه سيبنى عليهم .
الاول / فرصه يا بيه هو احنا مش ورانا غير الفرص وكمان انت فيها ؟
الثانى / اسمع بس انت شكلك مسمعتش الاخبار الجديدة اللى لسه عارفها .
الاول / انت اخبارك كلها قديمة يا بيه مفيش مره تجيب خبر طازة كلها مستعمله .
الثانى / اسمع بس دلوقتى الملك داود ماشى فى اتجاه والهه شكله غضبان ع الشعب كله والدنيا هتولع وهنهيص كمان .
الاول/ ايوه ادينى فى الاخبار الجهنمية شكلك هتتعلم منى الشطارة يا مضروب
الثانى / تلميذك يا معلم المهم دلوقتى مسموح لينا اننا ندخل فى الحوار ونديه بقى من نياتنا واوعى وشك بقى .
الاول / ايوه هو كدا يلا يا عم افرح هديك فرصة عمرك عشن تبقى الريس الجهنمى . الثانى / بص طيب دلوقتى الهه غضبان على اسرائيل واحنا لازم ندخل المباراة دى وناخد الكاس بقى ونهزم الخير خالص .
الاول/ ورينا شطارتك يا سيدي .
الثانى / طيب goodbye .
الاول / goodbye يا سيدي .

( يخرج الاثنين ) ينادي الحارس مع موسيقى دخول الملك الملك داود ملك اسرائيل ( يدخل داود النبى ويجلس ع العرش ) ( يدخل الشيطان وراه ويدخل فى حوار معاه )
الشيطان الثانى / يا قوتك يا داود محدش دلوقتى ادك العالم كله خلاص انت قربت تسيطر عليه انت هو الملك لازم كمان تسوع المملكة لازم تسيطر على البلاد كلها لازم تورى الملوك دى سلطانك وقوتك بهاءك وتتباهى قدام كل البلاد بعظمتك توريهم عدد جيشك الرماه المجانيق رامى الاسهم وريهم ازاى تغلب الأعداء خلى البلاد كلها ملكك انت .

( يفكر داود فى الكلام ويخرج الشيطان ) ينادى داود .

داود / يا حارس يا حارس .
الحارس/ امر مولاى .
الملك داود / ابعتلى يؤاب رئيس الجيش .
الحارس / امرك سيدى الملك .

( يدخل يؤاب وينحى للملك )

يؤاب / السلام لسيدى الملك داود .
داود / يؤاب اممم عايزك فى مهمه عسكريه .
يؤاب / كلنا فى خدمة مولاى الملك داود .
داود / امضى واحصى المملكة اسرائيل يهوذا .
يؤاب باستغراب / اى ازاى يعنى ؟
داود / عايزك تطوف فى جميع اسباط اسرائيل من دان لبئر سبع وعايزك تعد وتعمل احصاء للجيش الشعب ازاى عايز اعرف العدد .
يؤاب / بس يا مولاي ليزد الرب الهك الشعب امثالهم مئة ضعف وعينا سيدى الملك ناظرتان ولكن لماذا يسر الملك بهذا الأمر ؟
داود/ يؤاب لا تناقش فى هذا الامر يؤاب .

( غير راضى ووجه مكبد ) امرك سيدى الملك .

( يخرج الملك داود ويواب ) (يدخل يؤاب ومعه رؤساء الجيش)

يؤاب لرؤساء الجيش / هيا بنا بنعد الشعب لنعبر الاردن وناخدها من عروعير الى ما ننتهى .

( تبدا موسيقى ويشرح يواب بالخريطه امامه الطريقه ويسجل بدون كلام لمدة 3 دقايق وتنتهي الموسيقى) .

يؤاب / تمام كل واحد عرف ماذا سيفعل هيا بنا .

( يخرج يواب والرؤساء ) (يدخل يواب ويحدث نفسه ) .

يؤاب / كفايه كدا انا تعبت كفايه احنا لينا تسع شهور فى موضوع الاحصاء مش عارف كله ده ليه انا هدخل للملك واعطيه العدد.

يخرج يؤاب ويدخل ومعه داود النبى .

يؤاب / اتفضل سيدى الملك ده كل ما قمنا به اخر تسع شهور الاعداد والاحصاء .
داود / عظيم عظيم العدد .
يؤاب / 800 الف سيدى الملك عدد الرجال ذى بأس محاربين عظماء .
داود / عظيم عظيم عفارم عليك يؤاب .
داود / فى خدمة سيدى الملك اسمح لى بالخروج .

داود يشاور بيده ويخرج يؤاب وداود .

( يدخل الشيطان الاول والثانى ) .

الشيطان الثانى / نجحت نجحت نجحت .
الاول / عملت ايه احكيلى .
الثانى / نجحت فى المهمه سيدى .
الاول /:بسرعه كدا يعنى .
الثانى/ ايوه مفيش وقت هو داود عك الدنيا والكبرياء دخل والعمليه لخبطتت معاه هههههه وشكلها جاية مصيبة عليهم من فوق .
الشيطان الاول/ عظيم اهو كدا هتبدا المصايب ترف عليه عشان يعرف انه مش ادينا يلا بينا نكمل المصايب بتاعتنا .

(يخرج الشيطان الاول والثاني ) .

(يدخل داود النبى ويتحدث لنفسه) .

داود/ انا اى اللى عملته ده ازاى اعمل موضوع زى كدا واوصل لمرحلة زى كدا وافكر اغضب ربنا واعد الشعب ازاى ازاى ده انا كنت فى الاول ايه وبقيت ايه ياااااه .
( ينحنى على رجليه ويبكى ) .

داود / لقد اخطات جدا فى ما فعلت والان يارب ازل اثم علدك لانى انحمقت جدا .

( يخرج داود ) .

( يفتح الستر وداود جالس على العرش ويدخل الحارس) .

الحارس : سيدى الملك داود جاد النبى يريد الدخول ويطلب الاذن .

( يهز راسه بالموافقة ويدخل جاد النبى ) .

جاد النبى / السلام لسيدى الملك داود .

( انحناء للملك) .

داود النبى/ سلام .
جاد النبى / ماذا فعلت سيدى ؟
الملك داود / ماذا ؟
داود/ تحدث بسرعة .
جاد/ هكذا قال الرب ثلاثه انا عارض عليك فاختر لنفسك واحدة منها فافعله بك .
داود / بخوف مع موسيقى/ ماذا !!!!
جاد / اختار .

1- الاول سبع سنين جوع فى ارضك ( موسيقر خطر ) .

2- تهرب ثلاثه اشهر امام أعدائك وهم يتبعونك .

3- ثلاثه ا يام وباء فى ارضك .


يركع داود ع الأرض ويبكى .

جاد النبى / فالان اعرف وانظر ماذا ارد جوابا على مرسلى ؟
داود النبى وهو راكع / قد ضاق بى الامر جدا فلنسقط فى يد الرب لان مراحمه كثيره ولا اسقط فى يد انسان .
جاد / ينظر الى فوق نظره ثاقبه ويقول وهوكذلك بدا التنفيذ .

يدخل الشيطان الاول والثانى فرحانين .

الشيطان الاول / انت بقيت شيطان مجرم شايف اللى بيحصل واللى عملته .
الثانى/ شايف سيدى الملك الملاك شغال خبط وضرب فى الناس وباء شغال بيموت فى الناس زى الرز خليها تولع عشن تعرف الناس انها مش ادينا .
الاول / الوباء ده شكله هيطحن طحن الناس تعال نشوف اللى هيحصل ايه .

يخرج الاثنين ويدخل داود يبكى ومعه يؤاب

داود / ماذا حدث يا يؤاب ؟

يؤاب يحنى راسه ويتحدث بتردد .

داود / تحدث يؤاب ماذا حدث ؟
يؤاب / سبعون الف رجل من دان الى بئر سبع قد ماتوا بسبب الوباء حتى الان .
داود / يبكى ماذا ماذا ؟ اخرج يؤاب اتركنى لوحدى .

يبكى داود وينظر من الطاقه الشباك ليرى ملاك الرب من بعيد .

داود / ملاك الرب !!! ببكاء. يارب ها انا اخطأت وانا اذنبت واما هؤلاء الخراف فماذا فعلوا فلتكن يدك على وعلى بيت ابى .

يبكى داود ويدخل الحارس .

الحارس / مولاى الملك جاد الرائى يرد الدخول .
داود / ارسله اليا .
جاد / قم يا داود كفاك قم .
داود / ماذا سوف يحدث بعد كل هذا جاد ؟لقد اخطات واذنبت اخطات جاد اخطات .

جاد/ قم اصعد واقم مذبحا للرب فى بيدر ارونه اليبوسى لتكف الضربه عن الشعب قم .
داود يهز داود راسه بالموافقة ويخرج الاثنان .

يدخل داود ومعه ارونه اليبوسى يسجد ارونه لداود .

ارونه / لماذا جاء سيدى الملك الى عبده ؟
داود / اريد شراء البيدر الذى عندك ارونه لكى ابنى مذبحا للرب فتكف الضربه عن الشعب والرب يرحم شبعه من الوباء .
ارونه / فلياخذه سيدى الملك ويصعد ما يحسن فى عينه انظر البقر للمحرقه والنوارج وادوات البقر والحطب الرب الهك يرضى عنك .
داود/ لا بل اشترى منك بثمن ولا اصعد لالهى محرقات مجانيه خد خمسين شاقل من الفضه ثمن الجميع البيدر والبقر .

يخرج داود النبى وارونه ويدخل داود لوحده .

داود / سامحني يا الهى اخطات اخطات .

ويركع وتنتهى المسرحية