صديقي المظلوم الباكي ليلاً والمكتئب نهاراً

[walaa farouk]

صديقي المظلوم ، الباكي ليلاً والمكتئب نهاراً

في لوقا اصحاح ١٦
ايه جميلة جدا ومريحه
بتأكد عدل الله ، وان الكل تحت الحساب
مهما فات من وقت ومهما مضى من الزمان
الايه بتقول :

"فَدَعَاهُ وَقَالَ لَهُ: مَا هذَا الَّذِي أَسْمَعُ عَنْكَ؟
أَعْطِ حِسَابَ وَكَالَتِكَ لأَنَّكَ لاَ تَقْدِرُ أَنْ تَكُونَ وَكِيلًا بَعْدُ."

ربنا مقالوش اعط حساب وكالتك على طول ، لاااااا
ده قاله ايه اللي انا سمعته عنك ده
( سمعته ) بتأكد ان كل الصلوات مسموعه
وكل البكى متشاف
وكل الجراح محسوسه

الله العادل يسمع اولاً ثم يجازي كل واحد حسب عمله
ما هذا الذي اسمعه عنك !!

مهما اتظلمت ، من اكتر انسان المفروض يكون عادل
مهما اتداس عليك من اكتر شخص المفروض يرفعك ويعليك
مهما اتطردت من اكتر انسان المفروض يحتويك
مهما اتجرحت من اكتر شخص المفروض يداويك
مهما مقدروش تعبك واخلاصك وقابلوهم بنكران الجميل
مهما اترفضت من اكتر شخص داير يوعظ في الناس

كل ده متشاف عند ربنا
هاتيجي لحظة ويقوله اعطني حساب وكالتك
يااااه كل دي ناس اتظلمت منك ودعت عليك
كل دي ناس اهملتها ودوست عليها
كل دي ناس اتجرحت بسببك

اذن انت لا تقدر ان تكون وكيلاً بعد ،،