12 - 07 - 2024, 07:18 PM
|
|
|
|
..::| الإدارة العامة |::..
|
|
|
|
|
|
انت ليه مستكتر على نفسك ان الله يستخدمك ؟!
دورك انك تقدم المسيح في اي وقت حتى لو انت شايف نفسك ضعيف
وزنة انك مسيحي كارز دي وزنة كبيرة ماتدفنهاش
الله مش طالب وعاظ طالب انك تكون شخص صادق وحقيقي بس في معاملاتك مع الناس علشان يبان المسيح فيك
حلم من احلامى ان العالم كله يصير شخصية كارزة
لازم تعرف انك مخلوق كارز مش مخلوق عادي
ماتستقلش بروحك لان الروح اللي جواك اكبر بكتير
من روح العالم ماتستقلش بروحك اقل حاجة بتعملها
بتظهر المسيح هي كرازة
الله بيختار الضعيف وعلشان تفضل طول الوقت الله مختارك
افضل بنفس حالتك. يعنى ايه ؟
مش حالتك انك ضعيف حالتك
انك عارف قيمتك انك انت ماتستهلش طول ما انا بقول ماستهلش
الله يديك اكتر من النعمة اكتر من كلامه اكتر يستخدمك
اكتر يباركك يفهمك كلامه اكتر تبقى شخص مميز شخص مختلف
ارفع قلبك وقوله يا رب بس استخدمنى
ارفع قلبك في العيد دا وقوله يا رب زي ما استخدمت الرسل وانت يا رب خليت الاعرج يمشي ادينى يا رب القوة واستخدمنى اكتر واكتر
|
