|
 |
 |
 |
|
رقم المشاركة : ( 1 )
10 - 07 - 2024, 01:31 PM
|
|||||||||||
|
|||||||||||
 انهرده الصبح فى الميكروباص وانا رايح الشغل ، استنينا حوالى نص ساعه عشان العربيه تكمل ، لغاية ما مبقاش فاضل غير كرسى واحد ، قولناله يلا ياسطى اتاخرنا على الشغل بتاعنا ، ابقى خد الكرسى ده من الطريق .. الحمدلله الراجل طلع كويس وطلع .. وكأنه وافق عشان يحصل الموقف اللى هاحكيه دلوقتى .. بعد ما اتحركنا بحوالى خمس دقايق ، ركب شاب فى بداية العشرينات وكان باين عليه انه مش مظبوط .. طلب انه يقعد جنب الشباك عشان يولع سجاير ، كلنا رفضنا انه يدخن فى العربيه ومش حتة عيل يعنى هايمشى كلامه علينا .. طلبنا كلنا انه ينزل ، الواد بقى كان مصمم ان مش هاينزل وكلبش فى الكرسى لما لقانا بنشد فيه عشان نخرجه .. ساعتها لاقينا واحد بيقول يا جماعه كلنا هانتاخر على الشغل ونتجازى بسببه ، سيبوه خلونا نشوف اكل عيشنا ... المهم بالفعل سيبناه عشان مانضيعش وقت اكتر من كدا ، لكن بعدها حصل موقف ريح كل واحد فينا وكأن القدر أخد بتارنا منه ... الواد مولع سيجاره ومش ساكت لا ده كمان بيعاكس فى البنات اللى فى الشارع بصوت عالى .. لدرجة ان فى بنت ماشيه هى ووالدتها وده بصوته العالى عاكسهم لدرجة انهم اتخضو منه .. ام البنت بعد ما اتخضت قالتله بصوت عالى انا سمعته .." تولع فى نار جهنم يابعيد"🤬🤬 الواد ضحك ورمى السجاره بطريقه مستفزه جداً ، لكن بسرعه اتحققت دعوة الست .. بسبب الهوا والعربيه ماشيه ، السيجاره طارت وردت تانى على الواد ده ، جات فى عينيه ولسعته جامد لدرجة انه كان بيتلوى من الوجع وعينيه سايله دموع بسبب اللسعه .. عزيزى القارىء رساله مهمه جداً لكل واحد ... لو شايف انك شبح ومسيطر وماحدش قدك وطايح فى الناس ، احب اقولك انك جايز تلاقى حد ضعيف مش قادر ياخد حقه منك وتكون مطمن جداً وانت بتظلمه لانك عارف انه مش هايقدر يرد لكن صدقنى رد ربنا اصعب مليون مره انت مش قده .. "مُخِيفٌ هُوَ الْوُقُوعُ فِي يَدَيِ اللهِ الْحَيِّ!" (عب 10: 31) 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| خطة ربنا فى حياتك أعظم من مليون خطة بترسمها لنفسك |
| ثق ان ربنا وسط مليون واحد |
| اصعب وجع لما يسيبك اللي كان بيقولك .. ربنا يخليك ليا |
| سكوت ربنا اصعب عليه من الكلام |
| شوف الصور دية واشكر ربنا مليون مرة |
العرض العادي
