|
 |
 |
 |
|
رقم المشاركة : ( 1 )
09 - 07 - 2024, 10:36 PM
|
|||||||||||
|
|||||||||||
 واحد من الخدام بيحكى : كنت فى مرة باخدم فى قرية من قري صعيد مصر البسيطة جدا وكنت باوعظ فى نهضة عيد شفيع الكنيسة وكان موضوع النهضة عن قوة اسم يسوع وفاعليتة للمصدقين فقط... ولو انت حاول الشيطان يخوفك ارشم صليبك وتقولة ياخوف انا بربطك بسم يسوع فى نفس اللحظة الله لازم يتدخل وينزع أى خوف وكانت فى أول دكة قاعدة ست عجوزة فى منتصف الثمانينات كانت بتسمع بتركيز عالى جدا واهتمام وعيونها مصدقة فى كل حرف وختمنا ٩مساء الليلة بصلاة وانصرف الجميع حوالى الساعة ١١ مساءا وطبعا الوقت دة فى الصعيد يعتبر قمة الليل لقيت الست جاية تخبط على بيت ابونا اللى كنت نايم فيه وبتقولة صحى الخادم ضرورى .. وبعد نقاش من ابونا واصرار من الست صحانى ابونا وقالى فى واحدة عايزاك نزلتلها انا وابونا وتوجهنا لبيتها بناءا على طلبها وهى فى الطريق حكتلنا القصة إنها بعد العظة روحت لبيتها أخر البلد وهى بتفتح الباب سمعت صوت حركة ولقت حرامى وافتكرت العظة وبكل إيمان قالتلة ياحرامى انا باربطك باسم يسوع زى ما الواعظ علمنا ... لقت الحرامى اتلزق فى الارض...!! وراحت له واخدت منه الاشياء اللى سرقها واطمنت عليها ورجعتها مكانها ورجعت للحرامى الملزوق و وعظتة بكل بساطة وبتقولة ليه يا ابنى بتسرق دة الواعظ النهارده بيقول اللى بيسرق هايدخل النار فرد عليها الحرامى انت ربطينى كدة ازاى فقالتلة الواعظ قال كل شئ مستجاب بإسم يسوع قالها واسم يسوع يقدر يلزقنى ويشل حركتى كدة انا مستغرب طب ممكن ياستى بعد مارجعتلك حاجاتك اللى كنت هاسرقها ممكن تفكينى بقة خلينى أمشى قالتلة مقدرش قالها ليه مش حاجاتك رجعتلك قالتلة أصل الخادم علمنا أزاى نربط وماقالش أزاى نفك أستنى اروح اناديه يفكك وبالفعل دخلنا البيت ولقينا الحرامى ملزوق فى الارض وقالتلى افكة ازاى قولتلها قوليلة انا بفكك بإسم يسوع فقالتلة كدة فتحرر الحرامى فى الحال وبدل مايطلب الانصراف طلب مننا نحكيلة عن صاحب الاسم اللى مجرد ذكر اسمة يصنع المستحيل وأتغيرت حياة هذا اللص وكله ببركة قوة أسم يسوع و إيمان وبساطة وتصديق الست العجوزة.. يسوع قال كل ماتطلبوة من الآب باسمى يعطيكم الى الان لم تطلبوا شيئا باسمى اطلبوا تجدوا لكى يكون فرحكم كاملا ..........j آمن بإسم يسوع وأستخدمة وأعمل بيه المعجزات كرر اسم يسوع وانت فى الشارع والبيت وانت قاعد وانت ماشى وصلى وقول ياربى يسوع المسيح أرحمنى أنا الخاطئ . 
|
 |
| أدوات الموضوع | |
| انواع عرض الموضوع | |
|
العرض العادي
