راجل مصاب بفشل ف الكليتين الدكاترة قرروا انه يعمل زرع كلي
الراجل جهز نفسه من تحاليل واشعات
ليلة العمليه زاره قرايبه واحبائه وعطوه صور للبابا كيرلس السادس يتبارك بيها
دخل الراجل قبل ما ينام وقف قدام صورة البابا كيرلس بيعاتبه وبيقوله مش كنت انت اولي بال 65 الف جنيه (وقتها) تمن زرع الكلي كده بردو تسيبني تحت مشارط الدكاتره وسكاكينهم ودخل نام
وقبل ما ينام حزم نفسه برباط ولفه علي صورتين ستيكر للبابا كيرلس وتحتهم قطن ونام
وهو نايم حلم بالبابا كيرلس بيزعقله وبيقوله يا اخي قوم كده بدال ما انت كابس علي نفسي فالراجل قام مفزوع كانه حقيقه وولع نور الغرفه ووقف وفجأة لقي ايد بتضرب جنبه الشمال وايد بتضرب جنبه اليمين ومكان صوابع البابا كيرلس معلمه علي الجنبين
وفجأة شعر انه عايز يدخل الحمام بعد ما كان مش عارف خالص يتبول
وبالفعل اتبول كميه كبيرة من البول
خرج وقال البابا كيرلس اكيد شفاني طبعا بنعمة ربنا
بس لو حكيت اللي حصل ده هيقولوا عني مجنون انا هروح ميعاد العمليه بكره والدكاتره تقرر وبالفعل الصبح راح وقابل الدكتور بيقوله عايز اعمل حمام فالدكتور قاله حمام ايه اللي هتعمله استني يجيبولك قسطرة الراجل قاله لا مبوله عاديه واتبول فعلا مقدار لتر ونص من البول
الدكتور اتعجب وقاله لالا لازم نعيد كل حاجه من الاول الكلام ده مش معقول
عملوله كل التحاليل والاشعات فالدكتور قاله اتفضل استرجع فلوسك من المتبرع
وروح انت كليتك رجعت احسن من الاول
والراجل طار بالفلوس علي دير مارمينا يحط ال 65 الف جنيه تمن زرع الكلي
زي ما طلب من البابا كيرلس 🙏💖🙏 ليتمجد اسم الرب القدوس إلى الابد ااااااااااامين
بركة صلوات البابا كيرلس السادس لتكن معنا اااامين
