انت واقف في صف مين

[walaa farouk]

كلنا عارفين قصة هيرودس ازاي انه لما سمع من المجوس
انهم رأوا نجمه في المشرق –
اضطرب و كل المملكة اتضربت معاه.
هيرودس كان عارف كويس انه مش مقبول وسط الناس
و لولا قوته و جبروته ماكانش هايحافظ على مكانته كملك،
لكن وجود ناس مش يهود و جايين من مكان بعيد
يقولوا انهم شافوا نجمه في مكان بعيد في الشرق
و قاطعين مسافة كبيره عشان يعلنوا ولائهم للملك الجديد.
. الامر ده هز عرش هيردوس و ارعبه جدا

الانسان اللي مش واخد تأييد من ربنا دايما عايش في خوف
و رعب و خايف من اي حد يهدد مكانه
لانه يوما ما هيواجه ربنا نفسه صاحب كل سيادة و قوه و سلطان

هيدروس كان قاعد على كرسيه بالسيف و التخويف
و بردو متهدد لكن يسوع قاعد على كرسي داوود ابيه الى الابد
و ليس لملكه نهاية
.. عشان كده سمعان قال للعذراء مرين بعد ما باركها انه
وَقَالَ لِمَرْيَمَ أُمِّهِ: «هَا إِنَّ هذَا قَدْ وُضِعَ لِسُقُوطِ وَقِيَامِ كَثِيرِينَ فِي إِسْرَائِيلَ، وَلِعَلاَمَةٍ تُقَاوَمُ." (لو 2: 34
ولادة يسوع كانت علامه هيرودس قاومها،
علامه ان ربنا سيد الارض و الموقف و سيد الزمان و المكان.
في الاخر هيرودس مات و يسوع حي الان و الي ابد الابدين
فكر في حياتك انت واقف في صف مين؟
عندك استعداد تسمع يسوع و تقبل ملكه في حياتك؟
عندك استعداد تشوف نور يسوع بيظهر من وسط كل الظلمة
اللي حواليك ويعلن ليك عن نفسه و يقدسك لانه قدوس؟
مجيئ يسوع يا اما لقيامتك او سقوطك..
شكل تجاوبك معاه هو اللي هايحدد شكل علاقتك بيه.