29 - 02 - 2024, 10:02 PM
|
|
|
|
..::| الإدارة العامة |::..
|
|
|
|
|
|
من وقت قريب بالليل، صحيت مخضوض
على تنميل في أيدي الشمال ومش حاسس بيها إطلاقًا.
قضيت أكثر من عشرين ثانية في حالة هلع وخوف لا يوصف
، وحاسس إن أيدي مش هتتحرك تاني.
عشرين ثانية كانوا وقت طويل جدًا لدرجة إني فكرت
إني فقدت أيدي تمامًا، وبعد الوقت دا
ابتديت أحس بأيدي وابتدت تتحرك.
كنت نايم تقريبًا عليها غلط، بعدها قعدت أعيط
وكنت ممتن لربنا قوي وبشكره جدًا إني رجعت أحس بأيدي.
أيدي دي بقالها ثلاثين سنة في جسمي 😂
، عمري ما فكرت أشكر ربنا عليها، ومن وقتها بجد
وأنا كل يوم بحاول أشكر ربنا وأقوله إني ممتن
على كل حاجة صحيحة في جسمي.
للأسف من كتر تعودنا على النعم دي بنحس
إنها حق مكتسب ميستاهلش الشكر عليه.
درب نفسك من دلوقتي كل يوم غمض عينك
عشر ثواني وفكر في حاجة معاك وقوله:
يارب، ممتن قوي ليك إنك أدتني النعمة دي. 🥰
"يَنْبَغِي لَنَا أَنْ نَشْكُرَ ٱللهَ كُلَّ حِينٍ"
تَسَالُونِيكِي ٱلثَّانِيةُ ١:٣
|
