محورية سفر التكوين واهميته بين اسفار الكتاب

[walaa farouk]

عايزك تتخيل معايا كده ان الكتاب المقدس
مش بيبدأ بسفر التكوين، و أول سفر هو سفر الخروج،
الموضوع غريب و القصة مش راكبة.
. مين الناس دي و مين الله الي بيبهدل فرعون و شعبه ده!!🤔

حلو أوي ان احنا ندرس أحداث سفر التكوين
و نشوف تعاملات الله مع الناس دي،
لكن مهم جدا نبص على السفر ده مع باقي الكتاب
و باقي القصة الكتابية.🧐

أول سفر في الكتاب بيعرفنا حاجات كثير عن الله و صفاته
و طبيعته، فنشوف مثلاً انه خالق عظيم - إله بيحفظ وعوده -
إله قدوس ماعندوش تهاون مع الخطية
- إله شايف كل حاجة بتحصل و مفيش حاجة تفوته......

🌟كمان سفر التكوين بيورينا الإله ده
و الأساسات الي حطها لجوانب حياتنا كلها، فمثلاً بنشوف:
* عقوبة الخطية (موت)
* الغفران و الكفارة لما أدم و حواء اكلوا من الشجرة
و كان لازم يكون في ذبيحة عشان تستر عورتهم
* الزواج (رجل و امرأة فقط)
* التبرير (بواسطة الإيمان في قصة ابراهيم)
و غيرهم كثير، كلهم بيوضحوا اكثر مع قراءتنا
لباقي أسفار الكتاب العظيم الي بين ايدينا.

🌟السفر بيوضحلنا كمان الخطة اللي الله عملها
علشان الخلاص وبيرسمنا ملامح عن الصليب في أكثر من مشهد:
*فمثلا نشوف الكبش اللي اتقدم بدل إسحاق (البدلية)
(وبنشوف شرح كامل لمفهوم الذبيحة
واإزاي تتقدم وإيه شروطها في سفر اللاويين)
*كمان نشوف أنه علشان العالم كله يعيش
كان لازم يوسف يكون الضحية (يتباع ويبقي عبد ويتسجن كمان)
(المسيح هيكون بيموت من أجل أننا نعيش).