لِيَكُنِ النَّاظِرُ إِلَيْكِ مُبَارَكًا |راعوث وبوعز

[walaa farouk]

لِيَكُنِ النَّاظِرُ إِلَيْكِ مُبَارَكًا.😇
راعوث إشتغلت فى حقل بوعز وبدأت تلتقط من السنابل القمح
وبوعز إنبسط بيها جداً وإنبسط بشغلها وإنبسط بفكرة
إنها سابت كل حاجه علشان خاطر حماتها وتقف جمب حماتها فمدحها بكده وإتقابلت مع بوعز
بمجرد ما إتقابلت مع بوعز ودخلت البيت نُعمى بصت كده
لقيت راعوث شكلها مش زى كل مرة شكلها أفضل بكتير وأجمل
وأحلى فقالتلها هو انتى إلتقطي فين النهاردة ؟!
لِيَكُنِ النَّاظِرُ إِلَيْكِ مُبَارَكًا. راعوث19:2
‏في كل مشوار تطلعه في حياتك قول العبارة الجميلة دى لِيَكُنِ النَّاظِرُ إِلَيْكِ مُبَارَكًا.
فى كل interview مثلاً فى شغلانة أنت داخلها فى شغل معين
وفيه مقابلة شخصية مع مدير الشغل أو مع الإدارة قوله لِيَكُنِ النَّاظِرُ إِلَيْكِ مُبَارَكًا.
لما تكون خايف من مقابلة شخص في مشكلة وانت مش قادر تقف قصاده
ومش عارف هتقول إي وممكن الكلام اللى تقوله يضرك قوله لِيَكُنِ النَّاظِرُ إِلَيْكِ مُبَارَكًا.