لغة التفاهم مع امراة اربعينية

[توتا كمال]

امرأة أربعينيه
بالتحديد عندي 42سنة
عندي 3بنات الكبيرة ليلى 17 سنة
لما كانت طفلة كانت مطيعة جدًا وأنا مسيطرة جدًا جدًا

لحد ما دخلت المراهقة
والحقيقة دخلتها بدري قوي عن أي بنت في سنها

بدري انفعاليًا (غضب،تمرد،اكتئاب وعزلة ساعات،صوت عالي........)
وكأنها مش بنتي و حد تاني
بسبب كده بدأت أتعصب كتير وساعات أعيط وادخل في احباط وإحساس بالذنب

مكنتش أعرف حبة حاجات مهمه وقتها زي

❌إن مينفعش أدخل المرحلة دي بنفس الأدوات التربوية بتاع مرحلة الطفولة أدوات تربية المراهقة مختلفة تمامًا

❌إن تمردها دلوقتي هو نتيجة طبيعية لسيطرتي الشديدة في مرحلة الطفولة

❌أصحابها خط أحمر عندها وبيهم ممكن أكسبها أو أخسرها
-----------------------------------

ولعدم علمي بكل الحاجات دي وغيرها

بدأت أكمل في سيطرتي وعنادي معاها وصوتي العالي قدام صوتها العالي لحد ما كنت خلاص هخسرها

ربنا ألهمني إني اتعلم عن المرحله
وبدأت بعدها الصورة المبكسلة توضح شوية بشوية

📌دلوقتي هي مبطلتش عصبية بس قلة كتير عن الأول ومبقتش بسمحلها برفع صوتها في حضوري بإني ببساطه بنسحب لحد ما نهدى إحنا الإتنين وبعدين أشوف العاقبه أو التصرف المناسب للموقف والحدود اللي محتاجه أضعها برحمه وحزم

📌مش بتنفذ أوامري بالحرف وفي لحظتها
بس بتحترم كلامي وبتعمل اللي بحتاجه منها في حدود قدراتها

📌مش بتمتنع عن كل حاجه مش عجباني بس مش بتعدي حدود وقواعد الأسرة الواضحه

📌مش بتلبس على مزاجي بس بتراعي شروط اللبس اللى حطيناها مع بعض واللي متفقه مع شروط الاحترام وباقي الإختيارات من ألوان وموضة وسعر لها كامل الحرية فيها

📌مش بتجيب الأولى على المدرسة بس ملتزمة بمذاكرتها معظم الوقت وبتقرأ في مجال ولا إتنين جمبها

📌والأهم إني مبقتش أم كاملة ومثالية ولكني بقيت أم بتسعى وبتحترم قدراتها وآدميتها .

[walaa farouk]

مشاركة رائعة
ربنا يفرح قلبك

[Mary Naeem]

ربنا يباركك