سلسلة المسيح يحب الخطاة

[Ramez5]

متابعة ...
ربنا يبارك حياتك

[مورا مرمر]

شكرا على المرور والمتابعة

[مورا مرمر]

المرأة الخاطئة اللى راحت للرب يسوع فى بيت سمعان الابرص لم تخف من سمعان الفريسى المتعصب ولا من عبيده ان يطردوها لم تخف اة تخجل من نظرات الناس بل وثقت فى حماية المسيح ليها وانه قادر ان يحميها من كل اذى علشان كدا راحت للمسيح .
شابة مسيحية من قرية فى الصعيد وكانت عائلتها كبيرة وليها علاقة قوية بالمسيح وتوجد روابط المحبة بينهم ذهبت هذه الابنه الى الدراسة فى القاهرة ومن بساطتها وعدم خبراتها فى الحياة بدأت ارجلها تدخل فى شباك العدو البداية كانت من صديقاتها الغير مؤمنين ثم صديق غير مؤمن وتدرج الموضوع خطوة خطوة حتى تركت المسيح وعندما بدأت تشرب كأس المرارة والذل بدأت تفوق وتتنتبه لنفسها وكانت اكبر مشكلة تواجهها هو موقف عائلتها هل سيقبلوها ؟ولا هايرفضوها ويقتلوها ؟هل هايقدروا يحموها ولا هيسبوها تتقتل ؟ودى اكتر حرب كانت بتحاربها كان ابليس بيخوفها ويقولها "اهلك هايقتلوك اهلك هايخلصوا منك ومن عارك ومحضرين لك القبر انتى جبتى ليهم العار حتى لو مش هما اللى هايقتلوك مش هايقدروا يحموك ولا هايدافعوا عن واحدة خاينة زيك "ولكن لانها كانت تعرف محبة اهلها لها وايضضا كانت واثقة فى انهم هايقدروا يحموها مهما كان الثمن اخذت القراروقامت بالليل وسافرت لاهلها وارتمت فى احضانهم وهناك وجدت قبول ومحبة وتجمعت العائلة كلها وقالوا ليها "نموت كلنا لكن مش ممكن نسمح لك باى اذى اوعى تخافى من حد ابدا ".
فثقة الحماية تشجع الانسان وتعطيه طمأنينة الرجوع فالله مش ضعيف وبنفخة واحدة منه يبيد ابليس وكل حيله اش (59 : 19 ).ومن يرجع اليه من اولاده يعطيه القوة والحماية الكاملة زى اللى بيعمل لجوء سياسى لاى دولة فتكون هذه الدولة مسئولة عن حمايته ونحن لانقوم بلجوء نحن نرجع لموطننا الاصلى نرجع لبيتنا السماوى وابونا الحبيب .

قلت : صراحة يا ابى اكثر شئ يخوفنى هو افلام القدسين ؟!

قال :ازاى يا ابنى ؟!

قلت :لما بشوف الشياطين بتحاربهم وتظهر ليهم اقول فى نفسى مش عاوز يحصل ليا كدا

قال : انت على حق يا ابنى فالنقطة دى محتاجة الى توضيح كبير علشان ميحصلش خوف عند الاطفال والشباب من ابليس وحروبه فاولا الشيطان ملهوش مطلق الحرية مالهوش الحق ان يظهر لى اللى عاوز يظهر له ويحارب اللى عاوز يحاربة دا ليه حدود يعمل فيها فلو عنده الحرية المطلقة ماكنش يسمح لحد انه يصلى فكان كل ما الواحد يجى يصلى يظهرله بشكله القبيح ويخوفه او يقف على باب الكنيسة بذيله الطويل ويمنع الناس من الدخول لكن اخر ابليس انه يعرض علينا الكسل والتراخى ويحاربنا بالافكار اللى معنا السلطان ان ندوسها جميعا بنعمة وقوة المسيح وهذه الحروب فى الحدود التى تستطيع ان تحتملها فالمسيح وعد بذلك .

قلت :فين يا ابى ؟!

قال :فى رسالة كورنثوس الاولى يقول ان " الله امين الذى لم يجعلكم تجربون فوق ما تستطيعون بل يجعل مع التجربة ايضا المنفذ لتستطيعوا ان تحتملوا "1كو (10 : 13 )وايضا يقول "فيحاربونك ولا يقدرون عليك لانى انا معك يقول الرب لانقذك "ار (1 :19 )يعنى مش ممكن ابدا الله يسمح لك بأى تجربة تكون اقوى منك ومش نممكن ابدا يسيب للشيطان مطلق الحرية انه يحاربك ويبهدلك لكن القصص اللى بتقول انه بيظهر ويحارب فهى خاصة بالقديسين اى عندما تكون فى قامة القديسين ممكن يبقى يحاربك زيهم وانت ترشم عليه الصليب وتحرقه .

قلت : تمام انا اطمئنيت انى مش هايظهر لى الشيطان زى القديسين لكن عاوز تدريب عملى على ثقة الحماية امله لما اتحارب من ابليس يا ابى ؟

قال : هو تدريب بسيط لما تتحارب بالخوف تغنى او ترنم اغنية الانتصار موجود فى رو (16 : 20 )

اله السلام ........سيحق الشيطان
تحت اقدامكم سريعا .

وتفضل تكرر هذه الترنيمة لحد ما يختفى الخوف

نلخص ما قلناه يا ابنى عرفنا ان المسيح يحب الخطاة

اولا: من كلامه (الكتاب المقدس )وكان المرة اللى فاتت واليوم تكلمنا عن
ثانيا :تعاملاته مع الخطاة .

وتكلمنا عن الدوافع التى تجعل الانسان الخاطى يذهب الى المسيح

اولا :ثقة ان الله بيرحب بيا ومش قرفان منى (قبول )
ثانيا :ثقة فى انه قادر يحمينى والمرة القادمة نتكلم عن الدافع الثالث ان شاء الله

*ولا تنسى التدريبات بتاعت انهارده

1_تدريب على ثقة القبول وهو عندما تسقط ترجع بسرعة وثثق فى قبولك وتصلى وتطلب الغفران والمعونة .

2 _تدريب على ثقة الحماية عندما تشعر بالخوف تردد الايه او الترنيمة "اله السلام سيسحق الشيطان تحت اقدامكم سريعا "

مع المواظبة على تدريبات المرة اللى فاتت الخاصة بالكتاب المقدس والقطاعى خلى بالك التدريبات دى تراكمية يعنى بنكمل على اللى فات مش بننساه .

قلت : طيب ممكن تفكرنى بتدريبات المرة اللى فاتت

قال : تدريبات المرة اللى فاتت كانت

1_الكتاب المقدس ايه كل يوم لكل واسبوع والاسبوع التانى ايتين والثالث فقرة والرابع نصف اصحاح لمدة سنة

2 -الصلاة كل يوم دقيقة لمدة اسبوع ثم دقيقتين لمدة اسبوعين وثبت خمس دقائق لمدة ثلاثة شهور ايضا لا تزود ولا تنقص وتطلب من الله يعلمك الطريق ويعطيك ثقة القبول والغفران .

3- تكلم ربنا فى كل وقت فى الشغل فى الشارع وانت نايم وانت صاحى .

تم الجزء الثانى من السلسلة
غدا ان شاء الله وعشنا
سوف نبدأ فى الجزء الثالث من سلسلة المسيح يحب الخطاة

[Mary Naeem]

تكلم ربنا فى كل وقت فى الشغل فى الشارع وانت نايم وانت صاحى .
آمين يا رب

[بنت معلم الاجيال]

اله السلام ........سيحق الشيطان
تحت اقدامكم سريعا .

وتفضل تكرر هذه الترنيمة لحد ما يختفى الخوف

نلخص ما قلناه يا ابنى عرفنا ان المسيح يحب الخطاة

[مورا مرمر]

ميرسى على المرور

[مورا مرمر]

سرت فى الطريق الى ابى وفى داخلى فرح بالكلام الذى كل مرة اسمعه ان المسيح يحب الخطاة ولكن جائنى صوت يهمس فى اذنى اشبه بفحيح الافعى انت خاطى يعنى نجس يعنى قذر يعنى المسيح مش بيحبك دا قرفان منك "هاهاها"حاولت ان اتخلص من هذا الصوت ولكن اخذ يزن ويرن كما لو ان صوت الاف من الدبابير يلف حول اذنى ويقول "خاطى نجس خاطى نجس "ويذكرنى بخطاياى القديمة جدا كنت افتكر انى نسيتها ولكنه كان يعرضها امامى كشريط ذكريات كما لو انها تحث الان ويقول "كله قاعد تفتكر كده بيحبك انت نجس وقذر وخاطى يحبك ازاى هاهاها.اخذت اصرخ من قلبى ياربى يسوع ياربى يسوع حتى وصلت الى ابى وانا متعب من الفكر مجهد من التعب النفسى فشعور الذنب فعلا قاتل وله تأثير صعب اكثر من كل امراض الجسد .فرأنى ابى وقال لى مالك يا ابنى شكلك متعب ومجهد اليوم فحكيت بالتفصيل

فقالى فعلا عندك حق يابنى فحرب الشعور بالذنب من اصعب الحروب التى تواجهنا فى الحياة الروحية وابليس يستخدمها ليشككنا فى محبة وقبول المسيح لينا واليوم سنشرح هذه النقطة بالتفصيل :
اول دليل على محبة المسيح للخطاة هو كلام الكتاب المقدس تانى دليل لمحبة المسيح للخطاة هو تعاملات الرب يسوع للخطاة .
وتوجد ثلاثة مؤشرات لحب المسيح للخطاة اول مؤشر هو ثقة الترحيب وتانى موشر هو ثقة الحماية والمؤشر الثالث للقبول
هو ثقة الغفران الكامل

فلو وثقت ان الله هايقبلنى لابد ان اثق انه هايسامحنى وهايغفرلى كل خطاياى وهايعطينى رداء الخلاص وثياب البر اش (61 :10)اى جلباب الخلاص وعباءة البر يعنى ان كلل انسان سيكون نظيف تماما وطاهر "ابيض فى ابيض ".زى الطفل بعد المعمودية او حتى الشخص الكبير بعد المعمودية يلبس ثوب ابيض فى ابيض رمز النقاء والطهارة اللى نأخذه بالمعمودية

قلت :وهل اتعمد كلما اخطئ حتى اكون "ابيض فى ابيض "؟!

قال :طبعا لالكن زى مابيقولوا الاباء "التوبة هى معمودية تانية "فكل ماتتوب وتقول "اخطأت "وترجع للمسيح تأخذ ثياب بيضاء وتكون ابيض فى ابيض زى ماكنت بعد المعمودية تماما ويكون مغفور لك كل خطاياك واثامك ولو وثقت فى كدا دا اللى هايخليك تجاهد علشان تحافظ على الثوب الابيض الجميل والغفران الكامل (كامل يعنى 100%)لكن الشيطان فى منتهى الخبث يحاول ان يشككنا فى غفراننا .ويقول اكيد مش غفران حقيقى ممكن نسميه توبة لكن مش غفران كامل مش معقول ويفضل يشكك ولو صدقته تفضل وتعبان مديون لابليس وعبد للخطية .

فى قرية ذهب احدى البسطاء الى السوق لكى يشترى خروف صغير قبل العيد بشهرين لكى يذبحونه على العيد بعد ان يعلفوه ويكبر وهو فى الطريق الى القرية كان يجر الخروف فى طريق طويل وسط القصب فثلاثة من اللصوص ارادوا ان يأخذوا منه الخروف ولكن لم يستطيعوا ان يأخذوه منه بالقوة لانهم كانوا بالنهار ومن الممكن يشوفهم الناس لو صرخ الرجل وممكن يتقبض عليهم ففكروا فى حيلة جديدة يضحكوا بيها على الشخص البسيط فقابله احداهما فى بداية الطريق وسلم عليه كما لو انه يعرفه من زمن وهما سائرين فى الطريق قاله ايه دا ؟قاله :خروف هاندبحة على العيد انشاء الله قاله (باستغراب واستهزاء )دا كب ازاى يضحكوا عليك ويبعولك الكلب على انه خروف دا نوع جديد من الكلاب الصينى يالا ربنا يعوض عنك "يقول ازاى دا خروف وكل الناس قالوا انه خروف قاله "لا ياراجل دا كلب شوف شكله شبه الكلب ازاى وبكرة ممكن يعضك او يعض العيال واثناء الكلام قابله الشخص التانى من العصابة وسلم على الرجل كما لو انه يعرفه وسلم على الحراى كما لو انه شخص غريب عنه ولما نظر للخروف قال (باستغراب )ايه دا يافلان انت اشتريت كلب ولا ايه قال له دا خروف ضحك بصوت عالى وقاله "عملوها فيك وضحكوا عليك وباعولك اتلكلب الجديد على انه خروف مش مشكلة ربنا يعوض عليك دى كلاب صينى "استغرب الرجل ولم يكملوا الكلامى حتى ظهر الشخص الثالث فى العصابة وسلم على الرجل واخذ فى الضحك هاهاها وقالوه خدعوك وباعولك الكلب انت خامس واحد انهارده يبعوله الكلب دا ويقولوا خروف "واخذ الثلاثة فى الضحك والرجل الساذج لم يحتمل وقال فى نفسه "باين على اضحك علي بجد احسن حاجة اسيب الكلب هنا بدلا من الفضيحة فى البلد كلها "وبالفعل ترك الخروف فى وسط الطريق ورجع حزين ومهموم ويقول فى نفسه "خدعونى وادونى الكلب على انه خروف ربنا ينتقم منهم "وهنا التفت الى ابى وقال :تقول ايه على الرجل ده

قلت :سامحنى يا ابى ممكن عبيط او ساذج .

قال :والمشكلة انه عندما رجع للبلد ابتدا يقول للناس فى كلاب صينى زى الخرفان ولماواحد اشترى خروف زى اللى اشتراة اقنعه انه كلب شوية شوية مع مرور الزمن اتضحك على البلد كلها وكل ما يشوفوا خروف يقولوا عليه كلب صينى ولو حد عنده خروف يعامله كأنه كلب ولو حد جاء من بلد تانى وحاول يقنعهم يضحكوا عليه ويقلولوه جاهل ومش فاهم وعاوز يضحك عليهم .

قلت : خدعة كبيرة اوووووى يا ابى وكلام خطير !!

غدا بأذن الله سوف نكمل معا
صلوا لاجلى ...

[اوفا]

ربنا يعوضك حببتى

[Mary Naeem]

ربنا يبارك حياتك

[بنت معلم الاجيال]

جميل جدا ربنا يباركك موضوعاتك مميزة