وجبـــــــة روحيـــــ(†)ــــــــــة يوميـــــــــة

[Mary Naeem]

بيوت خربانة ممكن تتصلح

بعدما حلمت بالسعادة بارتباطي(بخطيبي او خطيبتي ).
وقلت اخيرا هتضحك الدنيا لي .اكتشف انها كانت اكبر كدبة ووهم كبير عشته في حياتي واجني الان الشوك .وافكر بجدية في (الانفصال) علي الرغم من الخسائر (العاطفية والنفسية والمادية والاجتماعية) التي اقابلها وساتحملها..
العلاج اجلسوا معا واعرف ما يضايق شريكة حياتك منك واشتغل علي نفسك واسعي للتغير وانتي ايضا وابتعدوا عن ( الانانية _القاء التهم والمسئولية علي الطرف الاخر _ الغضب والعصبية _الشتائم _المعايرة_ الاهانات_الاستخفاف بكلام الطرف الاخر _محاولة تغير الاخر بنفسك _التاجيل _فقدان الامل والرجاء في ان ينصلح الحال ويتغير الطرف الاخر ) وتاكدوا ان هناك بيوت وزيجات كثيرة محطمة اعادوا بنائها من جديد وعاشوا في سعادة وان لم تعرفوا عمل ذلك استعينوا بمتخصص اسري او دكتور نفسي .فحياتكم تستاهل بذل مجهود وتضحيات

[Mary Naeem]

اللي عند ربنا ... مش بيضيع

اي حاجه بتديها لربنا سواء

وقت او مجهود او تعب او فلوس ،

ربنا بيردهالك اضعاف اضعاف

و بركات فوق ما عقلك يستوعب
ï¸ڈالذي يُعطِى.....يُعطَى و يُزاد

[Mary Naeem]

نظرة الناس ليك .. ملهاش علاقة بيك ..

ليها علاقة بيهم هما .. بالمكان اللي اتربوا فيه .. بتربيتهم .. بمستوى ثقافتهم .. بمفهومهم عن الصح والغلط .. بمدى حبهم لنفسهم ..
بمدى سخطهم على العالم .. بنواقصهم .. بدوافعهم .. بسقف طموحاتهم ان وجد .. بمخاوفهم .. بتجاربهم .. بجرأتهم .. كل واحد شايفك بعنيه ..
بعنيه بس ..
هل من المنطقي أنك ترضي الناس دي كلها ؟!
عشان ترضي كل الناس .. هتتحول لشخص "معتوه"
و "منافق" و "بلا هوية" .. إنسان "تعيس" ..
تعمل ايه ؟!! متعملش حاجة .. ماتأذيش حد .. خليك في حالك .. وكون "أنت" ..
اللي شبهك يقرب .. والمختلف تجمعك بيه الإنسانية .. واللي يهينك ويقل منك .. لازم تبقى متأكد أنه "غير سوي"
وعنده مشاكل تتجاوز شخصك بكتير .. تجاهله .بس سامحه

[Mary Naeem]

لما بتنزل تحت الدش وتقف فترة طويلة تستحمى .. بتلاقى صوابع إيدك ورجلك كرمشت .. جسمك تحس أنه بيبوش صح .. ؟!!

يونان النبى وهو فى بطن الحوت فضل 3 أيام جوا بطنه والحوت طلعه من بقه ورماه ع الشط .. وكان جسمه بايش تماماً زى صوابع رجلك وايدك وانت بتاخد دوش وأكتر !!
شوف كمية الحنان اللي فى ربنا " لما انبتت بجواره شجرة يقطين " تخيل كده الشجرة وهى بتطلع جمب يونان النبى عشان تضلل عليه لأن الشمس لو لمسته وهو بالشكل دا هيأخذ ضربة شمس ويموت !!
لا و إيه دى شجرة طلعتله مخصوص !! واليقطين ده يعني شجرة ورقها تخين .. الورقة حجمها حجم ودن الفيل .
بحيث تكون ضله تماماً وتحميه من شعاع الشمس لحد ما يفوق وجسمه ينشف وترجع قوته من جديد ..
ربنا طيب .. هيضل عليك ويحميك .. مهما تبوشك الصعوبات .. ربنا هيطلعلك الخير من وسط الآزمات .. حتى لو انت مش شايف الخير ده زى يونان النبى مكنش شايف الشجرة !! صدقنى هتلاقى الحلول طلعتلك فجأه من حيث لا تدرى .
اسند على ربنا واستقوى بيه لأنه قوى وهيقويك وهيخليك تستعيد طاقتك وقوتك
وأوعى تقلق . ربنا مش هيخزلك وهيوفقك ويحققلك حلمك ..

[Mary Naeem]

كان ليا واحد صاحبي زمان .. كان غالي عندي .. عمل حاجه زعلتني وجرحتني .. وبعدنا عن بعض .. فضلت لوقت كبير كل ما اشوفه اتضايق وامشي م المكان اللي انا فيه .. ولما ييجي علشان يسلم اقوم واسيب القعده .. وارفض حتي اني اسلم عليه من بعيد .. لكن دلوقتي وبعد ما عدا ع الموقف ده أكتر من سنه .. لما بشوفه صدفه بسلم عليه وبحضنه كمان ..
زمان لما كان لسه فارق عندي كنت زعلان منه .. وعلي أد المحبه علي أد ما بيكون الزعل .. لكن مع الأيام لما غلاوته راحت و مبقاش يفرق .. بقيت بتعامل معاه عادي .. وأقل من العادي .. لأنه خلاص دلوقتي بالنسبالي مجرد ( غريب ) ..

اتعلمت من الموقف ده حاجات كتير ..
اتعلمت ان كل ما كانلك حد قريب منك بيعاتبك وبيخاصمك وبيزعل منك اعرف انه بيعمل ده لأنه بيحبك .. ولأنك فارق عنده .. لكن بمجرد ما عتابه يقل ويبطل يزعل منك مهما عملت يبقي غلاوتك اللي ف قلبه خلصت مع الأيام .. ومبقاش ف قلبه ليك نفس الشغف والحب بتاع زمان ..

لما تزعل من حد بتحبه ويصعب عليك منه يبقي انت لسه متمسك بيه ..
لسه عايزه ف حياتك ومحتاج لوجوده ..
لكن لما تبطلوا تتعاتبوا وتتخانقوا وتتضايقوا وتزعلوا من بعض ..
لما كلامكم يبقي هادي وبارد .. واللقا يبقي مطفي ومفيهوش مشاعر
اعرف ان علاقتكم خلصت ووصلت لأخر مشهد فيها ..
المشهد اللي بتتحولوا فيه ( تلقائي ) من اتنين قريبين من بعض ل اتنين اغراب !

[Mary Naeem]

مرارة ولوعة الانتظار

اصعب شئ ان تكون على موعد مع القدر فى انتظارك ( لبداية او نهاية موضوع مؤلم وقلب يعتصر حزنا- او نتيجة تحليل او اشعة طبية او مرض - نتيجة امتحان - نتيجة مقابلة عمل او رزق - قبولك للارتباط بفتاة - انتظار يرزقك الله بطفلك -احد يسئل عليك خلال جرس الهاتف او جرس الباب - عقاب لخطا ارتكبته فى بالماضى او بالحاضر- انتظار الموت ) وغيرها من مواقف يعيش الانسان مترقب ماذا سيحدث بعدها وقد تضيع اجمل لحظات واوقات عمرك فى الانتظار . لكن ثق فى محبة الله لك وكمل حياتك وعيشها كما هى واستمتع بكل ما فيها وبعدها ما سيحدث يحدث

[Mary Naeem]

مفيش حاجه في الدنيا دي من وجهه نظري أحلي من إنك تبقي حقيقي وبسيط في أفكارك
ومشاعرك وإحساسك بسيط في كل حاجة مع الناس و بالأخص مع القريبين منك. بحس إنه جزء كبير من الإحساس بالأمان مع الأشخاص إنك تقدر تخلع قناع الرسميات او السعادة المزيفة و تبقي علي راحتك خالص من غير قيود.
بساطة
إحساس إنك تتجرد من أي حاجه مش حقيقيه قدام الناس أعتقد إنه من أكتر الحاجات الجميله إللي ممكن تحس بيها. دا شكل الحياه اللي إحنا كلنا نستحق نعيشها...
بس مش دايما دا #هيتقدر، للأسف في ناس معينة كدة بقت بتحب الكدب و النفاق و الخداع
لكن متخليش دا يغير حاجه جواك.
هتدخل في مشاكل بسبب صراحتك وطبيتك ونيتك الصافية
لكن لأ
خليكوا حقيقين وبسطاء وبطبيعتكم وإللي ميقدرش دا يبقي ميستاهلش يكون فى حياتنا حتى لو كان اقرب حد

[Mary Naeem]

عود نفسك انك متحكيش حزنك لحد أو زعلك

اصلك مش هتاخد حاجة غير كلمه معلش
او ربنا معاك
او ما احنا كلنا زيك ياعم كبر دماغك كلها حجات هايفة وهتعدي

وبيبقي الكلام ده تقيييل علي قلبك اوي وانت بتسمعة وملهوش اي لازمة انه يتقال اصلا بدل ما تخفف وجعك بيتزيدو اكتر
اتعلم انك لما تبقي مضايق اقعد مع نفسك وحاول تتكلم مع ربنا وتحكيله اللي جواك محدش بيهتم يساعدك غيره
ووقت ما يشوفوك #مبسوط ولو خمس دقايق بيقولو اهو سعيد ومبسوط بس مبيعرفوش ايه اللي ورا القلب ده
بيحاول يخرج بيعافر علشان يخلي اللي حوالية سعدا وبيضحكوا
يعني مش عشانه هو
مبيعرفوش انك اتجزعت قد ايه وشوفت كتير بس بتقف مع غيرك وتسندهم وقت ما يكونو محتاجنيلك فيه وبعدين وقت لما تيجي تحتاج حد يسندك منهم مش بتلاقي
اتعلم انك تسند نفسك ،اتعلم انك لما تبقي مضايق متبينش للي قدامك انك مضايق
سيب همك لربنا وادعي من قلبك انه يرتاح بعد العذاب ده كله وقوله يارب متحوجنيش لحد غيرك ومش عايز حد غيرك يسندني لانه مفيش غيرك اللي حساسس بيا وعارف ايه الي جوايا
اتعلم ف وقت ضعفك انك تجري عليه وتشكيله كل همومك وهو هيحلها بمشيئته
اتعلم انك تقوله ارحمني يارب واغفر لي وكل طلبه طلبتها منه وميتحققش ف الوقت الي انت عايزه هتتحقق ف وقت معين مكنتش متوقعه انها ف يوم من الأيام ممكن تتحقق
ساعتها هتعرف ان ربنا معاك ف كل خطوة وكل ضعف انت فيه
اتعلم قوله يارب اشكرك علي كل حال اذا كنت مريض ،حزين،ضعيف،مكسور
هيستجيب وعمره ما هيقولك لا
يارب اشفي كل قلب حزين واسند كل اللي محتاج انك تكون جمبه ومعاه وفرح كل إنسان وخليه يكون قوي بايمانه بيك يارب

[Mary Naeem]

كتير من اصحابي بيقولولى بلاش كلامك يبقى كله تفاؤل وايجابية الناس هتحسدك وتفتكر ان حياتك مفيش فيها مشاكل والحقيقة ردى عليهم ان ربنا فتح لى باب رزق انى بكلمة حلوة ونظرة تفاؤل وبسمة أمل ممكن أسعد بها اللى حواليه واغير نظرتهم للحياة وكفاية الناس اللى بتدعيلي وكلمة ربنا يسعدك زى ما بتسعدينا ... الحمد لله حتى الأوقات اللى بمر فيها بظروف صعبة أو بشعر بالكأبة بحاول أكتب كلام متفائل انا نفسي بتأثر به لما بقراه واشوف صور مبهجة وجميلة بتغير حالتى المزاجية وتدينى طاقة أمل وتفاؤل وثقة ويقين وحسن ظن بالله وارجع افكر بشكل إيجابي .

أى حد يقدر يسعد اللى حواليه حتى لو بكلمة ده نوع من أنواع العطاء حتى لو لم تكن سعيد بس اسعدت غيرك تأكد إن السعادة هترجع لك مع احساسك بانك سبب فى سعادة من حولك مهما كانت الظروف صعبة ابعدوا عن الكلام السلبي المحبط وفكروا بإيجابية وانشروا التفاؤل والأمل وهينعكس عليكم لاننا فى عالم افتراضى بنحاول نبعد عن الضغوط والمشاكل اللى موجودة فى حياتنا والتفاؤل بيخلينا ننظر لها بشكل مختلف ونعرف نتعايش معاها إذا لم نجد لها حل رغم ان كل مشكلة لها حلول لكن المشاكل الحتمية اللى حلها مش فى ايدينا نسلمها لله ونتعلم كيف نتعايش فى ظل وجودها ...
نصائح نفسية

[Mary Naeem]

مش كُل حاجة تعبانا ينفع نحكيها




أحيانًا وجعنا بيكون أكبر من الكلام، ولو اجتمعت كُل حروف اللُغة مش هتقدر توفي ولا هتعبر عن إحساسنا وقتها، فلما حد يكون زعلان من حاجة وتلاقيه مش عارف يحكي، ما تاخُدهاش إنه مش عايز يشاركك أو بيخبي عليك، صدقني وقتها الموضوع ما بيبقاش بإيده ولا السكوت دا قراره، الموضوع بيكون أعمق بكتير من مجرد زعل.. تقدر تقول صدمة، خيبة أمل، أو شعور بالانطفاء، ومَفيش أبشع من إن الإنسان ينطفي.