هام جدا وحصريا حوار صحفى

[اوفا]

ربنا يعوضك

[marit jesus]

ميرسى ياميرو ياقمر بس قولى ايه

[marit jesus]

المشاركة الأصلية كتبت بواسطة اوفا

ربنا يعوضك

ميرسى يافوفا بس قوليلنا ايه عجبتك

[بنتك انا]

فكرة امانة يوسف فكرتنى
بالاية اللى بتقول كن امنيا اللى المنتهى ساعطيك اكليل الحياة
يعنى مثلا اكليل الحياة زى التاج
انا هاخد التاج ده علشان امانتى
وكمان نقدر نقول انى علشان امانة يوسف ربنا حول الشر الى خير
ربنا يدينا ان نكون امناء على كل حياتنا فى كل شى


كمان لو هنكلم عن البركة اللى خدها فيطفار علشان يوسف كله ده من اجل امانته
لانه فضل امانته على كل شى
بسبب امانته القى فى السجن

[marit jesus]

هايل ياراندا تعليق جميل جدا
انا شخصيا ماكنتش واخدة بالى من
الحتة دى اللى انتى اتكلمتى عليها دى
ميرسى ليكى ياراندا ايوة كدا انا عايزة تفاعل
اى حاجة لو افتكرتيها اكتبيها علشان نستفاد منها
ميرسى ياقمر

[ماريا تى ثيؤتوكوس]

لا ده عايز قاعده علشان اقدر اقرا كل ده
افكارك جميله ماريت دايما

تسجيل متابعه

[marit jesus]

اقعدى براحتك ياقمر وخدى راحتك على الاخر
وميرسى على مرورك الغالى وتشجيعك ليا

[حنان بنت المسيح]

فكرة الموضوع دة جديده وجميله جدا
ربنا يبارك خدمتك المميزة

[marit jesus]

ميرسى ياحنون على تشجيعك

[marit jesus]

النهاردة ومعانا على منتدى الفرح المسيحى وحصريا وضيفتنا الجميلة وهى من اهم نساء الكتاب المقدس
واللى ذكرت فى الكتاب المقدس وتحنن الرب يسوع معها وانجبت اعظم الانبياء
وهـــــــــــــــــــــــــــى


وهــــــــــــــــــــــــــى


وهـــــــــــــــــــــــــــى


وهـــــــــــــــــــــــــــى


حنة والدة صموئيل النبى



انا: اهلا بيكى النهاردة ياحنة واحنا مبسوطين بلقائك الجميل
وطبعا احب انك توضحى لجمهورنا انتى مين ومن هو زوجك وماهو اسمه والبلدة الله هو عايش فيها

حنة: اهلا وسهلا بيكى وباعضاء المنتدى كلهم
انا اسمى حنة والزوجة الاولى لزوجى القانة وهو اسمه بالكامل القانة بن يروحام بن اليهو بن نوحو بن صوف هو افرايمى ومراته التانية يعنى بالبلدى كدا (دورتى) اسمها فننة وهى كان ليها اولاد والصراحة انا كنت عاقر مابخلفش ومش معايا اولاد للاسف الشديد

انا: طيب انا عايزة اعرف ياحنة انتى عملتى ايه مع ضورتك اللى هى زوجة زوجك وهى كانت بتعمل معاكى ايه وكان ايه دور زوجك معاكى كان مطنشك وسايبك ومش معبرك ولا كان مهتم بيكى وبيحبك وبيخاف على مشاعرك وبرضو عايزة اعرف ايه دور ربنا معاكى كنتى بتكلميه تحكيله على جرحك وعلى اللى جواكى ولا عادى ماكنش فارق معاكى ربنا ياريت تحكيلى تفاصيل عنك اكتر وتوضحى لجمهورنا اللى هما طبعا اعضا المنتدى فالكل مستنيكى

حنة: انا ماكنتش بعمل حاجة مع فننة ولا فى ايديا انى اعمل حاجة كنت هااعمل ايه يعنى العمل كان عمل ربنا وضرتى كانت بتغيظنى لاجل المراغمة علشان ربنا اغلق رحمى ولن انجب اولادا
زوجى القانة كان من عادتة يصعد بلده من سنة لسنة كدا ليسجد لربنا ويذبح لرب الجنود فى شيلوه فهو اعطى لفننة نصيبها هى واولادها وبناتها اما انا فزوجى اعطنى نصيب اتنين لانه كان بيحبنى اووووووووووى وكان بيخاف على مشاعرى جدا وماكنش بيعايرنى بعدم الانجاب فهو اطلاقا ماكنش مطنشنى ولا حاجة دا حتى لما لقينى زعلانة بسبب انى معنديش اطفال وانى فننة بتغيظ فيا وماكلتش راح قالى مالك زعلانة ليه وليه مش عايزة تاكلى وليه بتعيطى بس وقلبك ليه مكتئب انا مش افضل لك من عشر اولاد ولا ايه
فطيب خاطرى بكلمتين وبعد كدا روحت اكلت

بعد كدا هااقولك ربنا كان بالنسبة ايه كنت عارفة وعلى يقين انه حاسس بيا علشان كدا صهدت الهيكل قولت ابكيله اصرخله اقوله على المرارة التى اشعر بها وبكيت بكاء مر شكت له على انا فيه وحاسة بيه قولت له ادينى ابن واعطوهلك يارب يخدمك طول حياته وصليت الصلاة دى

يارب الجنود ان نظرت الى مذلة امتك وذكرتنى
ولم تنس امتك بل اعطيت امتك زرع بشر فانى
اعطيه للرب كل ايام حياته ولا يعلو راسه موسى



وكنت قد اكثرت الصلاة وانا لااتكلم شفتى فقط تتحركان فكان يوجد كاهن فى الهيكل يدعى عالى
فافتكرنى انى انا سكرانة فراح قالى لحد امتى تسكرين انزعى خمرك عنكى
فقلت لا انا مش سكرانة انى امرأة حزينة الروح ياسيدى ولا اشرب مسكرا ولا خمرا بل ساكبة نفسى امام للرب
لاتحسب امتك ابنة بليعال لانى من كثرة غيظى قد تكلمت الان فراح قالى اذهبى يابينتى بسلام واله اسرائيل يعطيكى سؤالك الذى سالتيه من لدنه فقلت له لتجد جاريتك نعمة فى عينيك ثم بعد كدا مشيت واكلت ولم يكن على وجهى اى تغييرا
بعد كدا رجعنا الى بيتنا الرامة وخلال السنة كنت حامل وانجبت ولدا وسميته صموئيل الذى تفسيره لان من الرب سالته

وبعد كدا صعدالقانة ليذبح للرب الذبيحة السنوية لكن انا ماروحتش معاه علشان ماكنتش فطمت ابنى عندما يفطم هاذهب معه واجعله هناك للابد فقالى اعملى اللى انتى شايفاه صح فارضعته حتى فطمته
ثم صعدت ومعى ابنى وثلاثة ثيران وايفة دقيق ورق خمر واتيت به الى الله وذهبت بالصبى الى عالى الكاهن وقلت له انا المرأة التى وقفت لديك اصلى الى الرب فاعطانى ربنا ما طلبته وانا جاية لاوفى نذرى اليه الذى نذرته واخذه عالى الكاهن وكان الصبى يخدم معه فى الهيكل

ودى الصلاة اللى صلتها بعد ما اعطيت ابنى الى الرب واوفيت نذرى
وقلت: فرح قلبي بالرب. ارتفع قرني بالرب. اتسع فمي على أعدائي، لأني قد ابتهجت بخلاصك

2 ليس قدوس مثل الرب، لأنه ليس غيرك، وليس صخرة مثل إلهنا

3 لا تكثروا الكلام العالي المستعلي، ولتبرح وقاحة من أفواهكم. لأن الرب إله عليم، وبه توزن الأعمال

4 قسي الجبابرة انحطمت ، والضعفاء تمنطقوا بالبأس

5 الشباعى آجروا أنفسهم بالخبز، والجياع كفوا. حتى أن العاقر ولدت سبعة، وكثيرة البنين ذبلت

6 الرب يميت ويحيي. يهبط إلى الهاوية ويصعد

7 الرب يفقر ويغني. يضع ويرفع

8 يقيم المسكين من التراب. يرفع الفقير من المزبلة للجلوس مع الشرفاء ويملكهم كرسي المجد. لأن للرب أعمدة الأرض، وقد وضع عليها المسكونة

9 أرجل أتقيائه يحرس، والأشرار في الظلام يصمتون. لأنه ليس بالقوة يغلب إنسان

10 مخاصمو الرب ينكسرون . من السماء يرعد عليهم. الرب يدين أقاصي الأرض، ويعطي عزا لملكه ، ويرفع قرن مسيحه

ثم باركنى عالى انا والقانة وقال لى يجعل لكى الرب نسلا من هذه المرأة بدل العارية التى اعارت للرب وافتقدنى ربنا وانجبت ثلاثة بنين وبنتين وكبر صموئيل عند الرب

ودى بقى حكايتى
انا: ميرسى ليكى ياحنة وعلى الوقت الجميل اللى انا قضيته معاكى وعلى قصتك الذى تبن عمل الله العظيم معاكى
اعزائى القارئون والذين سمعتم قصة حنة ان الرب يسوع تمجد معها فهو يتمجد معى ومعك ومع الجميع ويجهز خططه العظمية من اجل ابنائه الاحباء ولكنه بيحب يسمع صوتنا لنكلمه لنعاتبه لنحيى معه فقد الله يجربنا بتجربة ما وانا شخصيا تاكد من هذه النقطة واختبرتها بالفعل انه يجربنا بتجربه لنكلمه لنتقرب منه لاننا بنكون مبتعدون عنه بالفعل بيعرف اننا بنقترب الى منطقة الخطر فيسمح بتجربة قوية تنزل علينا تخبطنا علشان تبعدناعن هذة المنطقة الخطرة التى نسير فيها وهنا نرفع اعيننا اللى الله ونبكي له ونعاتبه حتى ندرك رحمته الكبيرة فلا اريد ان اتطرا كثيرا خارج الموضوع واتامل فى شخصية حنة

هذه الشخصية رايت فيها اشياء لفتت انتباهى

1- كم هى شخصية محتملة احتملت تزوج زوجها عليها وانجاب زوجتها ابناء واحتملت معايرتهاو غيظها لها بعدم الانجاب
2- زوجها ايضا كان شخص صالح بغض النظر انه متزوج ولكن كانت هذه هى عادات العهد القديم وعادات زمان ولكن لم يقوم بضربها ومعايرتها بانه لا تنجب له طفلها كما نسمع عن المشاكل الزوجية التى تحدث الان فى البيوت المسيحية ان رجلا يضرب زوجته لانها عاقر ولم تنجب ويهينها ويسبها وكذا ........... وكذا مش بس كدا دا القانة قالها انه افضل وخيرا لها من عشرة اولاد من يقول لزوجته انه افضل لها من عشرة بنين نادرا مايحدث هذا فى مجتمعنا الان
3- نا ربنا كان له دور عظيم وكبير فى حياتها ماكنتش من النوع اللى مش مهتم بربنا بل احبته وراحت تعاتبه عتاب المحبة وتبكله وتقول له شوف يارب المذلة اللى انا فيها شوف البهدلة اللى انا اتبهدلتها ضرتى بتعايرنى علشان مش معايا اطفال تحنن يارب عليا وانا مش ابخل بيه عليك وسالت الرب ان يعطيها سؤال قلبها ويفتح رحمها
4- ومش بس كدا حنة ربنا سمع صلاتها واعطها 3 بنين وبنتين غير صموئيل لانها اوفيت نذرهالانه يجعل العاقر ام اولاد فرحة
5- ومش بس كمان كدا دا ربنا جعل لصموئيل مكانة عظية وجعله نبى من انبيائه


الايات اللى عجبتنى جدا وبردد حاجات منها:-
لان الرب اله عليم وبه توزن الاعمال
الرب يفقر ويغنى يضع ويرفع
يقيم المسكين من التراب
ويرفع البائس من الزبلة للجلوس مع الشرفاء ويملكهم كرسى المجد

وبكدا انتهى حوارانا مع ضيفتنا ومستنية تعليقاتكم الجميلة وتاملاتكم وياريت
رجاء محبة كل اللى يدخل الموضوع يكتب ايه جميلة عجبته تعليق ولو كلمتين او حاجة صغيرة
لان الهدف من التامل ان كل واحد يفتح الانجيل ويطلع منه حاجة لمست قلبه وانا اولكم
كل هذا الحوار كتبته انا بقلمـــــــــــــــــــــــــــــــــى ماعدا طبعا صلاة حنة من الانجيل
واذكرونى يااخواتى الاحباء فى صلاتكم ويارب ينال اعجاب حضراتكم الكرام