اجتماع طابيثا | للصلاة والترنيم والتأملات الروحية للخدام والخادمات ( كنيسة الفرح المسيحى )

[nasser]

احنا عارفين طبعاً فى أعمال الرسل 36:9
وكان فى يافا تلميذة اسمها طابيثا..هذه كانت ممتلئة أعمالاً صالحة وإحسانات كانت تعملها
هنعرف أكتر ليه احنا اطلقنا على الاجتماع هذا الاسم وكلنا عارفين التلميذة طابيثا..هى واحدة من النساء الفاضلات فى الكتاب المقدس شرّفها الرب بأن آلاف الاجتماعات الروحية-فى كل العالم-تُسمّى باسمها.وهناك دروس عديدة:
1-اسمها:(طابيثا الذى ترجمته غزالة) و"غزالة" بمعنى"جميلة"
وكم تميّزت هذه الأخت الفاضلة بالجمال الأدبى وسمو الأخلاق
كانت زينتها هى زينة الروح الوديع الهادىء الذى هو قدام الله كثير الثمن.
2تلميذة:لقد جاءت كلمة"تلميذ" فى العهد الجديد مرات كثيرة بالارتباط بالرجال مثلما جاءت عن يوسف الرامى وحنانيا وشاول الطرسوسى وتيموثاوس.لكن لم تأتِ هذه الكلمة الجميلة إلا عن امرأة واحدة فقط هى طابيثا.
3-أعمالها:يلفت النظر التعبير الجميل أنها(كانت مُمتلئة أعمالاً صالحة وإحسانات كانت تعملها) كما يقول بولس الرسول كانت مُكثرة فى عمل الرب كل حين لم تعش حياة الكسل والتراخى.
4-قلبها المُتسع:بعد ما ماتت طابيثا وأحضر بطرس من لُدّة إلى يافا نقرأ عبارة جميلةفقام بطرس وجاء معهما...فوقفت لديه جميع الأرامل يبكين ويُرين أقمصة وثياباً مما كانت تعمل غزالة وهى معهن) لاحظا أحبائى التعبير الهام(جميع الأرامل) كم كانت تملك طابيثا قلباً مُحباً حانياً وكانت مشغولياتها بالأرامل طابع عيشة ومنهج حياة.من أين لها الوقت والطاقة لكل هؤلاء؟
ذلك لأن محبتها كانت محبة حقيقية عملية وليست مجرذد محبة كلامية.يالها من امرأة فاضلة وعيّنة فريدة عاشت وأحبّت وعملت فأثرت أبلغ الأثر.
كم نتمنى أن يجعل الرب هذه الدروس بركة لكل منّا ليغيّر فينا ما يستوجب التغيير وليملأ قلوبنا بالمحبة العملية لنعش ما يقوله الكتاب:"الديانة الطاهرة النقية عند الله الآب هى هذه:افتقاد اليتامى والأرامل فى ضيقتهم"
+
بمناسبة بدء الصوم المقدس
يوم الخميس 10 مارس 2016م
الساعة التاسعة(9) مساءً
الحضور الساعة الثامنة ونصف(8 ونصف)
كنيسة الفرح المسيحى
تدعوكم
لاجتماع طابيثا الروحى
هايكون المسيح حاضر وسطينا وهايستقبلنا
بنفسه داخل الكنيسة
ان اجتمع اثنان أو ثلاثة بإسمى
فهناك أكون فى وسطهم
الدعوة مفتوحة للجميع بدون استثناء
تعالوا وادعوا الآخرين
يسوع منتظركم يوم الخميس 10 مارس
الساعة 9 مساء
ونبقى موجودين فى الكنيسة ابتداء من 8 ونصف
علشان نقدر نروّح بدرى

انتظروا الملاحظات والتعليمات
وبرنامج الاجتماع

[nasser]

التعليمات

1-برنامج الاجتماع هانلتزم به حرفياً وبنظام علشان نقدر نمشى بدرى
الملاحظة2 و3 مهمين جداً
2-فى حاجة مهمة جداً عايزين نقولها لما يكون حد مثلاً منزل ترنيمة ومدتها 5 دقائق مثلاً المفروض يبقى فى فترة صمت بوقت الترنيمة علشان كلنا بنسمعها أو نشاهدها فى نفس الوقت نفس الكلام يتقال على أى موضوع حد منزله وكلنا نبقى موجودين فى الكنيسة والنقطة دى مهمة جداً
3-علشان النظام ممنوع أى حد ينزل فقرته حتى ولو جه دوره الا لما أنا أقدمه واقوله اتفضل وكمان النقطة دى مهمة جداً
4-احنا عارفين اننا هانبقى داخل كنيسة الفرح المسيحى وف اجتماع روحى جميل وعلشان كده عايزين نعيش فى جو روحى خالص يعنى عند ما الاجتماع يبتدى كلنا نبقى موجودين ولا نترك الكنيسة(يعنى لا نترك الموضوع)الا فى النهاية وف الحالات الطارئة ممكن الاستئذان لكن نتمنى إن الجميع يكونوا موجودين حتى نهاية الاجتماع
5-اللى عايز ياخد فكرة عن آخر اجتماع عملناه يدخل على موضوع اجتماع طابيثا ابتداء من الصفحة 16 حتى آخر صفحة
6-الدعوة للجميع للاشتراك فى الاجتماع سواء بتقديم موضوعات أو ترانيم أو الوجود فى كنيسة الفرح المسيحى
7- قبل صلاة الختام هانوزع 3 صور هدية على المشتركين فى الاجتماع كتذكار لهذا الاجتماع الروحى
8- مسموح بالتعليقات السريعة على المواضيع لكن فى نفس الوقت البرنامج مستمر

انتظروا برنامج الاجتماع كاملاً

[nasser]

برنامج(اجتماع طابيثا) الروحى
الخميس 10 مارس 2016م
الساعة 9 مساءً

+ صلاة افتتاحية-ناصر
+ ترنيمة(جايين من تانى نرنم)-أستاذ رامز
+ قصة عجيبة(قاعد مع نفسى فجأة........رن موبايلى لقيت رسالة)-أختنا ماجى
+ دوّرت فى كل مكان-أختنا ولاء
+ موضوع(ربى يسوع محتاجلك)-أختنا بنتك انا
+ موضوع(المشاكل...التى تواجهنا)-أختنا ماريت
+ حديث موجه إلى البابا شنودة الثالث-أختنا مريم ميرو
+ ترنيمة(خلّنى قرب الصليب)-أختنا ماجى
+ موضوع روحى(كنوز الصوم الكبير)-أستاذ رامز
+ موضوع(الابتسامة الحقيقية الصادقة)-أختنا مورا مرمر
+ صور للسيد المسيح-أختنا ولاء
+ صور للبابا كيرلس بمناسبة ذكرى قديس القرن العشرين-أختنا ميرو
+ موضوع(الحُضورُ المفرح)-ناصر
+ ترنيمة(لما بصوم)-أستاذ magdy-f
+ تأمل روحى(سعيد هو الإنسان الذى لا يطول به النوم...)-أختنا ماجى
+ موضوع روحى(فضائل مصاحبة للصوم)-أختنا بنتك انا
+ ترنيمة(واحد اتنين)-أختنا ولاء
+ ترنيمة(سمحت انى)-أختنا ماريت
+ ترنيمة(يا طيبة يا حنينة)-أختنا مريم ميرو
+ توزيع الهدايا على المشتركين
+ ختام وصلاة

الوجود الساعة 8 ونصف
والاجتماع الساعة 9 مساء
واللى يدخل قبل الاجتماع يسجل نفسه فى موضوع اجتماع طابيثا بكلمة:
أنا موجود/موجودة

[nasser]

شكراً ماجى على المرور الجميل

[sama smsma]

امييييييييييين ربنا يفرح قلوبنا كلنا اميييييييييييين
تعيشوا وتصلوا

[ماريا تى ثيؤتوكوس]

امين ثم امين فى اسم يسوع

بجد حاسه انى اخدت بركه كبيره
من المواضيع والترانيم والقصص الجميله
ربنا يبارك الجميع و يفرح قلبكم

[walaa farouk]

ميرسي جدا على الاجتماع الرائع ده وبشكركوا انكوا سمحتولى اكون معاكوا ربنا يبارك خدمتكوا

[sama smsma]

مبسوطة بجد وسطيكم يا احلى اخوات انتوا

[walaa farouk]

بجد انا فرحانة انى معاكوا لانكوا احلى اخوات واصحاب ربنا يديم محبتكوا

[sama smsma]

واحنا فرحانين بوجودك معانا يا ولاء