معجزات الشهيد ابو سفين

[بنت معلم الاجيال]

حكاية توبة
كنت فى كرير وباعمل إجتماعات للشعب يومياً لمد خمسة أيام .. أحكى لهم معجزات وبعد الإجتماع نأخذ بركة الحاضرين فى طابور واحد وأثناء وقوف الحاضرين فى الطابور لاحظت مدام تبكى بحرقه قلت لأمنا كيريا أحجزيها لى وسألتها ليه بتبكى ؟ قالت زوجى صعب خالص وأخلاقه وحشة جداً, عندنا ثلاثة أولاد على الرغم من ذلك يرجع من الشغل يأكل ويستحم ويخرج بعد ذلك ويجى ك يوم وش الصبح شارب ومترنح بيلعب قمار وخمرة ويروح الأماكن الوحشة ومصاحب ستات وحشين ولو كلمته كلمة واحدة يشتمنى ويضربنى لدرجة أنه كسر مره رجلى ومره يدى وأنا خايفه لو عرف أنى جيت الدير هايضربنى..تاماف قالت لها متزعليش هانصلى كلنا ونصوم 3 ايام وإنتى صومى معانا ونطلب صلوات أمنا العدرا والشهيد ..تانى يوم لم تحضر كذلك اليوم الثالث وفى رابع يوم جائت ومعاها زوجها وقال لى عايزك يا أمنا قلت له حاضر وقعدت معاه وقال لى أنا باعمل كل الخطايا والشرور وراح يحكى حاجة تقشعر لها الأبدان بقيت مش قادرة أسمع كلامه وأكمل قائلاً :لما رجعت من الشغل وسألت عن المدام وعرفت إنها ى الدير شتمت على الشهيد وعليكى لما قلت يا بس ولما رجعت المدام ضربتها علقة متينه وخرجت أسهر كالعادة وأشرب الخمر زى كل يوم ورجعت وش الصبح مترنح ونمت ولكنى صحيت على صوت دربكه جامده فى الغرفه فتحت عينى لقيت الشهيد أبى سيفين منوّر فى الضلمه وراكب على حصانه البنى وقال لى بتشتم علىّ وعلى امنا إيرينى ليه ؟ الحياة إن مهما طالت هتنتهى ويبقى الجسد تراب والروح تظل فى أبدية لا تنتهى , إما فى الفردوس لو أعمالها كويسة إما فى الجحيم والعذاب الذى لا يطاق .. لماذا لا تفكر فى أبديتك ! أين جدودك وأبوك وأمك ...كلهم ماتوا وإنت التانى هاتموت لماذا لا تستعد !؟ العمر بيجرى وبأعمالك ليس لك خلاص توب قبل ما تندم فى وقت لا ينفع فيه الندم مادمت حى لك الفرصه للتوبة لكن بعد ما تموت يتقفل باب الرحمة وأنت مش ضامن عمرك فى لحظة..صحبك الفلانى نام وماصحيش وكان مش عيان لماذا لا تستعد لاخرتك!؟ إنت بتعمل كذا وكذا وصارحه بخطاياه فإنسحق جداً وأخذ يبكى كالأطفال فقال له لا تحزن لك فرصة روح توب فسأل الشهيد هل ربنا يقبل توبتى طبعاً ربنا تجسد ليخلص الخطاه وكل إللى بيعملوا الشرور زيك لو ماتوا يروحوا الجحيم حيث الكآبه والحزن والآلآم والآنين والظلمه والتنهد والعذاب والدود الذى لا يموت والنار التى لا تطفىء والريحه الكريهة لكن اللى جاهدوا أو نفذوا الوصايا يروحوا الفردوس حيث الفرح والسلام والوجود الدائم فى حضرة الله. إستشهدت وأنا عمرى خمسه وعشرين سنه صحيح غتعذبت كتير من أجل الله لكن إتمتعت الآن بمجد لا ينطق به وأبدية لا تنتهى قال الرجل للشهيد إزاى أتوب قال له روح الدير وخلى أمنا إيرينى تقول لك حكايتى وتعرّفك إزاى تتوب . وأدينى جيت وإللى تأمرى بيه أنا هأعمله وقعد يبكى شوفوا إزاى الصلاة بإيمان والصوم تقرب البعيد وتتوب الشرير... قلت له يروح لأب إعترافه أبونا /متياس روفائيل ووصيته عليه فى التليفون فقال لها :ياما شتمته وطردته قالت معلش ده أب هيسامحك وانوى ماتعملش الشر تانى ولا تروح الأماكن الشريره دى تانى وتقطع كل علاقاتك الأثيمه وتبطل إللى بتشربه ده وتحب ربنا وتروح الكنيسة وتعترف وتتناول وتحب بيتك وأولادك وتعمل لآخرتك ... ويتمجد الرب دلوقتى بقى كويس قديس وخادم وبقينا بنتعلم منه والبركه حلّت فى بيته ويعطى الكنيسة بإستمرارومتخصص فى جذب الشباب المنحرف تاب توبه حلوه ياريت نتوب ونجاهد علشان نروح نتمتع بالمجد مع أولادنا فى سماء هرب منها الحزن والكآبه والتنهد والضيق ولا نظن قد فقدنا أولادنا بل ربحناهم فى السماء وصاروا لنا شفعاء وأكتر حاجة تضايق إللى فى السماء إن حد يبكى عليهم ويكون غير متعزى دى نظرة قصيره إنا نفكر بيهم إنهم فرحانين ومبسوطين وفى مجد عظيم وإحنا نتعزى ونتوب ونجاهد لنصل إليهم ولربنا كل المجد إلى الابد أمين

[بنت معلم الاجيال]

معجزات ابو سيفين : احدى معجزات القديس الطريفه

كان لآحد الفلاحين بقره نادرا ما كانت تعطى انتاجا؛
فاستاء منها وأراد بيعها...............

وبينما هو متوجه الى السوق للتخلص منها؛قابله أحد الآصدقاء؛ولما اعلمه بأمر البقره لم يوافق على بيعها؛بل اشار عليه بعمليه بسيطه تحميه من خساره كبيره؛وهى بأن ينذر للرب يسوع باسم الشهيد أبى سيفين نذرا فلابد وأن يستجيب له الرب...........

فسمع منه الفلاح ورجع مع صديقه؛وقصدا كنيسه القديس أبى سيفين وصليا معا؛ونذر صاحب البقره بأن يهب للكنيسه أول عجل يولد منها...............

ثم مضيا؛وبعد شهور ولدت البقره عجلين تؤام.........

ففرح الرجل بهما كثيرا...........لكنه نسى النذر؛ ولم
يدفع شيئا لبيعه القديس................

وذات يوم أرسل ابنه ليرعى البقره وولديها فى الحقل...........

وبينما هم هناك اذ القديس أبى سيفين يظهر له وهو راكب حصانا وفى شكل رئيس جند الملك؛وأخذ البقره وعجليها وساقها أمامه؛ثم أمر الصبى بأن يذهب لآبيه ويخبره بأن مرقوريوس أبا سيفين قد اخذها...............

ونظر الصبى فلم ير أحدا لا الفارس ولا البقر فأسرع الى أبيه وأعلمه بالآمر.............

فحزن وتذكر ندره وندم كثيرا..........ثم قام وأخذ صديقه معه وذهبا الى الكنيسه؛ولشده دهشتهما وجدا البقره وولديهما بجوار الكنيسه؛والناس من حولهم يتساءلون لمن هذه الدواب ومن الذ أتى بها الى هنا؟؟؟؟؟؟؟؟؟؟؟!!!!!!!!

فاعترف الرجل أمام الجميع بأمر النذر وسلم لكنيسه الشهيد ما كان قد نذره؛وشكر الرب؛وعاد الى منزله فرحا شاكرا عطف القديس عليه..........

[بنت معلم الاجيال]

معجزات ابى سيفين بصوت الام ايرينى


http://www.youtube.com/watch?feature...&v=VdkI-OCXK6c

[Mary Naeem]

شكرا على المشاركة المثمرة
ربنا يفرح قلبك

[بنت معلم الاجيال]

ميرسي يا ماري نورتي الموضوع بمرورك الجميل