|
 |
 |
 |
|
رقم المشاركة : ( 1 )
27 - 06 - 2012, 04:18 PM
|
|||||||||
|
|||||||||
|
تأليف : تيمو / بيجول
انا وقاعد فى المدرج *** والدكتور قاعد وسطينا هو قاعد شغال يشرح *** وعينه دايما باصه علينا فجأه دماغى بدات تسرح *** وهو بيشرح الماده لينا بعدها دماغى لفت ولا عارف *** واتلخبطت مش فاهم حاجه ابص للسبوره مش شايف *** وكان دماغى فى التلاجه قولت انفض اقوم واروح *** بس خفت من الدكتور لحسن اخر السنه اتسوح *** ويرجعنى تانى دبلوم قلت احاول اركز من تانى *** يمكن اعرف اقدر اجمع لقيت صداع فى راسى جانى *** ومش عارف حتى اسمع فجاه لقيت اللى حواليا *** محدش فيهم مركز خالص واللى يقول ايه الماده ديه *** واللى يقول الشرح ده ناقص بعدها حسيت بحاجه غريبه *** ان العيب مش فى الطلبه قلت يالهوى دى تبقى مصيبه *** كده دماغنا هتبقى زلطه قعدت افكر العيب كان فين *** لقيت العيب فى التعليم طيب فين المسئول مين *** طلع ده سؤال كل المصريين عايزين حد يلحقنا يجاوبنا *** بجد حرام ده احنا تعبنا ارحمونا بقى من دكاترتنا *** وامتى هتنور تانى شمعتنا والتعليم يرجع تانى صح *** مش يبقى شحن وخلاص والدكوتر بضمير يرجع يشرح *** بكل امانه واخلاص وكده يبطل الطالب يسرح *** وينجح ويعيش مرفوع الراس وكله باذن الله ينجح *** والطالب بمستواه يتقاس بس ده حلم وحله واحد *** لما الكل يبقى عنده ضمير لما الناس كلها تتواحد *** وكله يتجمع ويعمل خير كده التعليم بينا هيكبر *** لما الدكتور يبقى شريف اكيد اللفساد كله هيتدمر *** والطالب يبقى مخه نضيف مع تحياتى : تيمو / بيجول 
|
| أدوات الموضوع | |
| انواع عرض الموضوع | |
|
العرض الشجري