وجبـــــــة روحيـــــ(†)ــــــــــة يوميـــــــــة

[Mary Naeem]

على الصليب حملت عاري فيه افتخاري
إنت إلهي إنت حبيبي ومخلصي
على الصليب صرت شفايا
من الخطايا والظروف ومن العيوب اللي صابت
جوه القلوب
إنت رضيت تتجلد علشان تشفيني
إنت رضيت تتصلب وتموت علشان تحييني
أنا مش هابص ورايا وهادوس على الخطايا
وبقوة دمك لي نصرة ولي حياة
ولا هاسمح لعدوي يجيي في يوم يكسرني
ولا يطرح العمر اللي ربي افتداه
في الصليب رفعت راسي إنت خلاصي يا سيدي

[Mary Naeem]

+ تذكار اسمك، يكون مثل الطيب، يُفرِح قلوبنا، يا أنبا هيرمينا السائح.
+ لأن يوحنا الرسول، قادك في جهادك، وأخبرنا بسيرتك، والمجد الذي أخذته من يد الرب.
+ منذ كان سنك عشر سنوات، كنت تصلي وتصوم للغروب، وبينما ترعى خرافك، كنت تضيف الفقراء بفرح.
+ استحققت أن تضيف، بطرس ويوحنا الرسولين، اللذان رسماك راهباً، مع بولس وداود الملك.
+ صلواتك كانت بلا فتور، وأصوام عظيمة بنُسك، ألف ومئتان ميطانية، كنت تصنعها ليلاً وباكر.
+ لما هاج الشيطان ضدك، ليجعلك تترك عملك المُقدّس، ربطته بصلواتك، فصرخ مُتألماً بخزي.
+ رآك أباهور، والملائكة يكرمونك، يداك منيرة كالمصابيح، رائحتك عطرة كالبخور.
+ اطلب من الرب عنّا، يا أبانا القديس الناسِك، أنبا هيرمينا السائح، ليغفر لنا خطايانا.
ذكصولوجية للقديس أنبا هرمينا السائح

[Mary Naeem]

+ بطرس الأسقف، منارة المسيح، من بطن أمه، مِثل صموئيل.
+ صار صخرة، الكنيسة المُقدَّسة، ورعى شعبه، بتعاليمه المُقدَّسة كل حين.
+ وصار ضد الهراطقة، على الإيمان المُستقيم، وكشف له المسيح، أسراراً عظيمة.
+ طوباك أنت بالحقيقة، يا أبانا القديس أنبا بطرس، لأنك أكملت أقوال مخلصنا.
+ اطلب من الرب عنّا، يا أبانا الصدِّيق، أنبا بطرس الأسقف، ليغفر لنا خطايانا.



ذكصولوجية القديس بطرس الرهاوي

[Mary Naeem]

أعلن الفنان الهندي عامر خان عن التبرع
بكيلو دقيق للمحتاجين فإندهش الجميع
ولم يحضر لأخذ المساعدات إلا المحتاجين لهذا الكيلو من الطحين فقط
وحينما إستخدموا الطحين خرج منها مبلغ ظ،ظ¥ ألف روبية
كان قد خبأها مسبقاً وبهذه الحيلة وصلت المساعدات
لأصحاب الحاجة الحقيقيين

[Mary Naeem]

زجاجه الزيت دي تمنها 200 جنيه انا اشتريتها بس وقعت علي بحوالي 40 جنيه لا نصبت علي حد ولا انا ساحر الحكايه انو في زبون اتصل بي علي ثلاجه عطلانه رحتلو كشفت علي التلاجه لقيتها محتاجه القطعه اللي عليها الدايره الحمرا دي دي للي ميعرفهاش اسمها اوفرود تمنها جديده حوالي 40 جنيه وفي انواع اقل من كده لكن انا ركبت واحده قديمه لكن اصليه احسن من الجديده 100 مره الثلاجه اشتغلت والحمد لله وتمام التمام صاحب الثلاجه فرح جدا قاللي عاوز كام قلتلو خلي دي حاجه بسيطه ومش مستاهله وانت زبوني ونعوضها في حاجه تانيه الزبون اصر وطلع 200 جنيه وقالي طب دي حاجه بسيطه مقابل تعبك بصراحه انا جبت واحد وقاللي الموتور محروق وهتكلفك مبلغ كبير انا خدت ال 200 جنيه واشتريت بيها زجاجه الزيت دي اشتغل بزمه وشرف وربنا هيكرمك

[Mary Naeem]

اعظم قصة تضحية في حادث ديروط اسيوط
الميكروباص كان مليان بالركاب، وكل واحد فيهم بيحاول ينقذ نفسه بأي طريقة، لكن الام كانت حاجة تانية. كان معاها طفلين صغيرين، وقلبها مشغول بيهم أكتر من روحها.
الميه بتتسلل بسرعة جوا العربية، وكل ثانية بتعدي كانت بتقلل فرص النجاة.
في وسط اللحظة الحرجة دي، الأم قررت تعمل اللي ما يقدرش عليه إلا أم بمعنى الكلمة. فتحت الشباك بإيدين بتترعش من البرد والخوف، ورفعت أول طفل بكل قوتها ورمته برة الميكروباص ناحية الناس اللي بتحاول تساعد.
وبعده، نفس الحركة مع الطفل التاني.
كانت بتصرخ للناس: "خدوا العيال.. أنقذوهم!"، من غير ما تفكر ولو لحظة واحدة في نفسها. آخر حاجة اتشافت منها كانت عينيها وهي بتبص للطفلين من بعيد، كأنها بتقولهم
"عيشتكم أهم من حياتي".
لحد دلوقتي، الطفلين دول هما الناجين الوحيدين من الحادثة، واسم الأم بقى حديث ديروط. الناس هناك ما بين دموع وحسرة، بيحكوا عن "الست اللي ضحت بحياتها عشان ولادها يعيشوا".
القصة دي مش بس بتعبر عن لحظة تضحية، لكنها بتمثل حاجة أكبر بكتير. الأمومة هي أكتر قوة في الدنيا، قوة تخلي حد يضحي بروحه من غير تفكير، قوة تخليها تسيب علامة في قلب كل حد سمع قصتها.
ديروط النهاردة مش بس فقدت أم، لكنها كسبت قصة عن التضحية والبسالة قصة هتفضل تتقال للأجيال الجاية

[Mary Naeem]

كنت مربى كتاكيت فى السطح عندى ، وجايبلهم دفيات كهربا ، الساعه ظ£ وتلت الفجر سمعنا صوت الجيران الحق حريقه حريقه ..
السطح عندى مافيهوش غير العشه وبس ، وانا اعلى واحد مافيش جيران حوليا ..
انا شوفت منظر الحريقه اول حاجه جات فى بالى اوصل الخرطوم وافتح المايه..
لاقيت اخويا مسكنى وقالى انت بتعمل ايه !!!
فى كهربا جوا انت كدا هاتموتنا كلنا ..
انا نازل افصل الكهربا العمومى بتاعت البيت ..
رميت الخرطوم وداخل على العشه ..
لاقيته مسكنى قالى رايح فين العشه مولعه كلها انت لو دخلت مش هاتعرف تطلع والنار تمسك فيك ..
استنانى انزل اشيل العمومى وبعد كدا نطفيها بالمايه ..
الحمدلله طفنيها بس للاسف خسىرت المشروع كله ...
لكن هنا احب اقول ..
الشجاعه مش دايما اندفاع ومواجهه ..
احيانا كتير الشجاعه بتكون انتصار على اندفاعك لان الموقف بيتطلب منك صمت ..
فا صمتك هنا شجاعه عظيمه ..
بإختصار الشجاعه هى انك تقدر تتحكم فى مشاعرك بحكمه ..

[Mary Naeem]

بحب الايه اللي بتقول النفس الشبعانه تدوس العسل
حقيقي فعلا طول مانت شبعان مش هاتبص في لقمة غيرك
طول مانت شبعان مش هاتبص على اللي في جيب غيرك
طول مانت شبعان ، عينك هاتفضل مليانه ومفيش اي كلمه ممكن تهزك
وغيرها من الامثله
- الزوجين الشبعانين بحب بعض عمرهم ماهيقارنوا حالهم بغيرهم
- الشاب الشبعان بحب خطيبته مش هايفكر يشوف غيرها
- الشخص الشبعان بحب الناس ، عمره ما هايجري ورا اي شهره
- الابن الشبعان من اسرته ، مش هايبعد عنهم لحظه
- الاهل الشبعانين بحب بعض ، مش هايْقَطَّعوا فـ بعض من اول خلاف
- الشخص الشبعان بعقله ، هايدوس على اي تفاهات تطلع من اللي حواليه
- الشخص الشبعان بشغله ، ولا انترع¤يو يزغلل عينيه
- الشخص الشبعان بثقته بنفسه ، محدش يقدر يبيع ويشتري فيه
الشبع هو حاله من الاقتناع والاكتفاء
الشبع هايخليك تحط اي حاجه تحت رجلك مهما ظنها الاخرين فرصه ماتتعوضش
ربنا يديم علينا نعمة الشبع ، علشان ندوس على اي عسل مهما كان احتياجنا ليه â‌¤ï¸ڈ

[Mary Naeem]

"لأن السيد لا يرفض إلى الأبد،
فإنه ولو أحزن يرحم حسب كثرة مراحمه،
لأنه لا يذل من قلبه، ولا يُحزن بني الإنسان"

(مرا 3: 31-33).

[Mary Naeem]

ناموس الله
فالناموس أظهر قداسة الله الذي يُسرّ بالاستقامة والصلاح
لذلك قال الرسول بولس:
«النَّامُوسُ مُقَدَّسٌ، وَالْوَصِيَّةُ مُقَدَّسَةٌ وَعَادِلَةٌ وَصَالِحَةٌ» (رو7: 12).
وقال داود: «وَصَايَا الرَّبِّ مُسْتَقِيمَةٌ تُفَرِّحُ الْقَلْبَ. أَمْرُ الرَّبِّ طَاهِرٌ
يُنِيرُ الْعَيْنَيْنِ. خَوْفُ الرَّبِّ نَقِيٌّ ثَابِتٌ إِلَى الأَبَدِ.
أَحْكَامُ الرَّبِّ حَقٌّ عَادِلَةٌ كُلُّهَا» (مز19: 8، 9).