|
 |
 |
 |
02 - 09 - 2012, 02:28 PM
|
رقم المشاركة : ( 161 ) | ||||
|
| غالى على قلب الفرح المسيحى |
|
رد: سعدية وميدو
الحلقه الحاديه والعشرون
وفى الاجازه كان اجمل اسبوع راحوا الاهرامات وركبوا الجمال واتصوروا هناك وراحوا القلعه وزاروا حدائق كتير وراحو سينما ومسرح واماكن جميله جدا وفى اخر يوم كانوا اعدين فى نادى وبيتكلموا فجأه ندى قالت انها رايحه تجيب حاجه واعدت سعديه هى وميدو يتكلموا فجأه ميدو بص لسعديه اوى سعديه : مالك يا ولا بتبصلى ليه جوى كده انت هتاخدلى صوره ولا ايه طيب استنى اما اظبط نفسى علشان تطلع حلوه ميدو : انت حلوه من غير ما تظبطى حاجه سعديه : وىوىوىوى اعتبر ده غزل ولا ايه انت بتغازلنى يا منيل ميدو : ومغازلكش ليه انتى الوحيده الى تستحقى كده سعديه :ازاى يا ولا مش فهماك ميدو : سعديه انا بجد حسيت انى غلطان الفتره الى فاتت دى كلها وانى كنت مغفل اما بصيت لجنى دى وفكرت فيها سعديه : اينعم الاعتراف بالحج فضيله ميدو : ههههه لا بجد انا فعلا اكتشفت ان الوحيده الى تستحق حبى ده هى انسانه وحده وقفت جمبى وساعدتنى ومتخليتش عنى هى بجد لو اعدت طول عمرى احبها مش هوفيها حقها سعديه : انا عرفتها اكيد الست الوالده ايوه لازم نحب ابونا وامنا ونخلصلهم ميدو : لا يا سعديه انتى فاهمه انا بتكلم عن مين سعديه الانسانه دى هى انتى سعديه : انا ايه ميدو : انا بحبك انتى بجد سعديه فى سرها اخيرا ابو الهول نطج ازغرتله ده ولا اعمله ايه انت بتجول ايه بتحبنى انا ازاى سعديه : زى الناس بجد انا عمرى ما شفت الطيبه دى ولا الروح الحلوه وكمان جدعه بجد ومحترمه انا عشت طول حياتى عمرى ما هلاقى زيك سعديه : بس يا ولا انا كده ممكن اتغر ومش اشوف حد جدامى بعد كده ميدو : لا هى دى الحقيقه بس انا عايز اعرف شعورك انتى من ناحيتى ايه سعدية: كل ده ومعرفتش متفهم يا منيل امال انا عملت معاك كل ده ليه ميدو : يعنى افهم من كده انك بتحبينى سعديه : ما بلاش احراج بجى ايوه بحبك خلاص ميدو طبعا سعيد جدا وكمان سعديه جات ندى وقالولها على الى حصل وانهم اعترفوا لبعض انهم بيحبوا بعض وانا بكره بعد النتيجه هيشوفوا هيعملوا ايه تانى يوم راحوا يشوفوا النتيجه طبعا التلاته نجحوا وبتقديرات كويسه جدا لكن جنى طبعا لا وبعد اما شافوا النتيجه راحوا اعدوا فى الكافتريا شويه قبل اما سعديه تسافر ميدو : سعديه انا دلوقتى عايز اروح اخطبك انا ممكن اسافر معاكى سعديه : لا متتتسرعش كده استنى انا امهدلهم الموضوع الاول ميدو : ليه همه ممكن يرفضونى سعديه : مش حكايه يرفضوك انت همه عايزين يجوزونى ابن عمى وراسهم والف سيف ما اخدش غيره ميدو : لا انا هروح واكلم اهلك واقنعهم ندى : بص يا ميدو سيبها هى تمهد الموضوع الاول والاهم اننا نخلص من الاستاذمكاريوس ده وبعد كده انت تروح تخطب سعديه من غير مشاكل سعديه : والى لازم افكر فيه دلوجتى هو حاجه وحده ازاى اخلص من مكاريوس واخليه ينشغل باى حد او يحب اى حد غيرى ميدو : خلاص انا موافق بس لو معرفتيش تتصرفى اتصلى بيا او بندى واحنا هنحاول نتصرف سعديه : ايوه انا جبت موبيل علشان اكلمكوا واجلكوا الاخبار اول باول وان شاء الله خير وبعد اما خلصوا كلام سعديه راحت عند بيت عمها وخدت شنطتها وسلمت عليهم وكان مستنيها تحت ميدو وندى ووصلوها لغايه المحطه ووصلت سعديه البلد بالسلامه تعالوا نشوف حصل ايه الحلقه الجاااااااااااااااااااااااايه |
||||
|
|
02 - 09 - 2012, 03:37 PM
|
رقم المشاركة : ( 163 ) | ||||
|
† Admin Woman †
|
رد: سعدية وميدو
ههههههههههههههههههههه
تحفة سعدية دي |
||||
|
|
|
02 - 09 - 2012, 07:29 PM
|
رقم المشاركة : ( 166 ) | ||||
|
| غالى على قلب الفرح المسيحى |
|
رد: سعدية وميدو
هههههههههههههههههه
القصة اتعقدت اكتر ههههههههههههههههه ننتظر بقية القصة |
||||
|
|
|
04 - 09 - 2012, 12:55 PM
|
رقم المشاركة : ( 167 ) | ||||
|
| غالى على قلب الفرح المسيحى |
|
رد: سعدية وميدو
الحلقه الثانيه والعشرون
اول اما وصلت سعديه البلد وراحت على بيتهم كل واحد يشوفها فى طريقها يبصلها اوى والستات بردو بس مش بيكلموها سعديه مستغربه اوى همه مالهم كده فا ماشيه بتكلم نفسها سعديه : يادى النيله همه اهل البلد مالهم كده تكونش دماغهم ضربت ولا حاجه لالالالالالالا ده اكيد مش عارفينى بس انا متغيرتش جوى يعنى دى كلها شويه هدوم بس يلا معلش مسيرهم يتعودوا على شكلى كده وصلت سعديه بيت اهلها وسلمت عليهم لكن كلهم اما شفوها كانوا مندهشين اوى ام سعديه : انتى يا بتى ايه الى انتى عملتيه فى نفسك ده ايه الاوبهه دى كلها سعديه : حلو يا امى ده عجبك ام سعديه : ايوه يا بتى بجيتى حلوه جوى استنى اما ابخرك احسن حد يحسدك ابو سعديه : يحسدوها على ايه يا وليه على المسخره الى هى عملاها دى سعديه : مسخره ايه يابا انت شايفنى لابسه المحزج والملزج ده لبس محترم وكمان مش مكشوف ومحترم جوى ابو سعديه : وليه غيرتى هدمتك يا بتى لبسك كان ماله سعديه : يابا لازم كده علشان الجامعه والطلبه الى فيها محدش يشوفنى اجل منه ابو سعديه : عموما احنا خلصنا من الموضوع ده بس اعملى حسابك الخميس الى جاى خطوبتك على ابن عمك مكاريوس سعديه : يا ابا مش انا جلتلك مكاريوس ده مينفعنيش ده مش متعلم وميعرفش الالف من كوز الدوره اتجوزه ازاى مينفعش يابا ابو سعديه : انا جولتها كلمه ولو رسيت على جتلك حتى سعديه طبعا زعلت اوى ودخلت اوضتها وقفلت على نفسها واتصلت بميدو وقالتله وكمان اتصلت بندى اعدوا يفكروا همه التلاته لغايه اما ندى وصلت لحل وقالته لسعديه ندى : سعديه بصى هومكاريوس معاه موبيل سعديه : لا يا بت مش معاه ندى : طيب بصى انا هبعتلك موبيل بالخط بتاعه واديه لمكاريوس على اساس انه هديه وانا هشغلهولك هخليه يجى يقلك مش عايزك سعديه : يخرب بيتك والله فكره جنان وكمان ده واد اهطل كده وهيصدج على طول بس يا رب تجدرى تعملى حاجه ندى : متخافيش انا على ما يجى الخميس اكون ظبطلك كل حاجه بكره الموبيل هيكون عندك ندى طبعا بعتت الموبيل لسعديه سعديه اما جه مكاريوس ابن عمها اعدت اتكلمت معاه وادته الموبيل مكاريوس: ازيك يا سعديه منوره البلد سعديه : ربنا يخليك يا ابن عمى ده نورك مكاريوس: امال ايه الاوبهه الى انتى فيها دى كلها سعديه : ايه عجبك مكاريوس: ايوه جوى جوى يا بت عمى سعديه : مكاريوس انا جبتلك هديه حلوه جوى معايا يا رب تعجبك مكاريوس: هديه ليا انا سعديه : ايوه ليك انت ايه رايك فى التليفون ده موبيل مكاريوس: اه محمول عارفه ربنا يخليك يا بت عمى سعديه طبعا عرفت مكاريوس يشغله ازاى وكده وبعدها بيوم اتصلت بندى وقالتلها ان التليفون خلاص بقى مع مكاريوس اتصلت ندى بمكاريوس ندى : الو مكاريوس: الو ايوه مين انت ندى : انا وحده مكاريوس: وحده مين يوه ده انتى صوتك حلو جوى ندى : وحده معجبه بيك ونفسها كمان انت تعجب بيها مكاريوس: معجبه فيه ازاى وانتى تعرفينى منين ندى : انا اعرفك كويس وشفتك كتير قبل كده واول ما انت جبت تليفون انا اخدت رقمك علشان اكلمك واقولك انى بحبك مكاريوس: يا بووووووووى بتحبينى انا ندى : ايوه وكمان عايزه اتجوزك مكاريوس: ايو بس انا هتجوز سعديه بنت عمى دى بجت حلوه جوى ندى : امال لو شفتنى انا هتعمل ايه سعديه دى بالنسبالى وحشه اوى انا هبعتلك صورتى على الموبيل وقلى رايك ايه بعتت ندى صوره ممثله اجنبيه لمكاريوس مكاريوس طبعا شافها مصدقش نفسه وكان فرحان اوى ان وحد زى دى تحبه وعايزه تتجوزه وفضلت ندى تكلم مكاريوس كل يوم لغايه ما خلاص دماغه مبقتش تفكر غير فى الانسانه الى بتكلمه ونسى سعديه اصلا وجه يوم الاربع الى هو بكره تلبيس دبل سعديه ومكاريوس تعالوا نشوف حصل ايه الحلقه الجاااااااااااااااااايه |
||||
|
|
|
04 - 09 - 2012, 01:03 PM
|
رقم المشاركة : ( 168 ) | ||||
|
† Admin Woman †
|
رد: سعدية وميدو
برافو عليهم
أكيد ابن عمها هو إللى هيفركش الجوازة فى انتظار الباقي |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| العالم يشعر بحُبِّك ومدين لك بخلاصه |
| رهبنة ومجيئ القديس باسيليوس الكبير |
| حكايه توته وميدو |
| الزمالك يفاضل بين المعلم وميدو بعد هروب فيريرا |
| العاقر تلد ولدين |
العرض العادي
