|
 |
 |
 |
27 - 07 - 2024, 11:09 AM
|
رقم المشاركة : ( 168051 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 البابا تواضروس |
||||
|
27 - 07 - 2024, 11:19 AM
|
رقم المشاركة : ( 168052 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 الحياه عمرها مابتقف على حد ... اكتر جمله قاسيه جداااا على اى حد فارقه حبيب او رفيق... يعنى ايه تنسى كل ذكرياتك الحلوه بسهوله كدا !! طيب تنسى وجع الفراق ازاى فجأه كدا الشخص اللى بتحبه مش معاك ولا حتى تقدر توصله ولا تشوف صدفه حتى ، تتكلم مهما تتكلم مستحيل هايجاوبك بحرف واحد ولا تقدر تسمع صوته .. الموضوع مش سهل خالص يا جماعه انت تعرف ان الوجع النفسى اقوى مليون مره من الوجع العضوى على الاقل ده تقدر تاخدله مسكن وترتاح شوية ساعات لكن الوجع النفسى موجوع حتى فى نومتك ده لو نمت . رساله لكل واحد ما تقللش من حزن حد ولا تواسيه بكلمتين وتنتظر منه انه يبقى كويس على طول بعد ما يسمعك ادعيله بالرحمه وبس هو فى وضع ماتتمنهوش لألد اعدائك |
||||
|
27 - 07 - 2024, 11:21 AM
|
رقم المشاركة : ( 168053 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
يوم التلات اللى فات حصل معايا موقف غير علاقتى مع ربنا تماماً .. أعرفكم بنفسى الأول ، أنا يوسف ظ¤ظ¢ سنه متجوز وعندى طفل فى تانيه إبتدائى ، معايا محل فى الغردقه وده مصدر رزقى الوحيد .. المدام إتصلت بيا يوم التلات قالتلى المدرسه بعتت إنذار مع الولد بدفع المصاريف ولو مدفعناش لغاية يوم الخميس ، الولد هايتمنع من دخول المدرسه .. أثناء وانا بكلم مراتى، ابنى خد منها التليفون وقالى كلمه قطعت قلبى .. - يابابا الميس قالتلى قدام زمايلى ، طالما أبوك مش معاه يعلمك جايبك ليه مدرسه خاصه مايوديك مدرسه حكومه ومايقرفناش معاه .. قولتله معلش يا حبيبى انا هاكلم ربنا وهاقوله على اللى عملته معاك الميس وهو هايعاقبها عشان ضايقتك ماتزعلش حقك عليا .. - طيب يا بابا من فضلك قول لربنا يبعتلنا الفلوس بسرعه عشان انا خايف الميس تضربنى وماتدخلنيش المدرسه تانى.. - ماتخفش يا حبيبى ، انا هاكلمه حالاً، وانت كمان كلمه عشان يعرف اننا محتاجينه قوى.. قفلت مع إبنى وانا قلبى بيتعصر من وجع الألم اللى أنا فيه .. مافيش شغل والسياحه واقعه مش عارف أجيب فلوس منين هاتجنن ، صوت الولد وهو بيترجانى خلانى أعيط وانا عاجز مش عارف أعمله ايه .. طلعت بره المحل كانت الساعه ظ¨:ظ¢ظ* بالليل وقفت وبصيت للسما ، وقولت يارب فكها بقى انا تعبت بجد.. وانا سرحان لاقيت حد بيخبط على كتفى .. لاقيته زبون خليجى بيقولى حضرتك هنا فى المحل .. من شدة الحزن اللى كنت فيه كانت عينيا مدمعه ماقدرتش انطق واقوله ايوه ، يادوب هزيت دماغى ودخلت المحل .. خدت نفس عشان أعرف أقابل الزبون كويس .. وسيبته يلف فى المحل ويتفرج .. بعدها بخمس دقايق تقريباً .. لاقيته بيقولى ممكن تساعدنى ؟؟ روحتله ، قالى .. عاوز دى ودى ودى ، ولم حاجات كتير ساعتها .. اول ما لاقيته بيلم حاجات كتير ، فرحت وحسيت ربنا اخيراً حس بيا وهايفرجها ... المهم لم حاجات فى حدود ست الاف جنيه قولت فى بالى بس دانت اقدر ادفع قسط المدرسه والإيجار واشيل جزء كمان منه . راح الراجل قالى بس انا هادفع بالكارت ، قولتله ماشى مافيش مشاكل عندى ماكنه .. ساعتها حصل موقف قلب كل الموازين .. الراجل جه يدفع ، قام مدخل الرقم السرى بتاعه تلات مرات غلط لغاية ما الكارت اتقفل .. لاقيت الراجل بيقولى معلش أنا أسف ممعيش كاش ، وخد بعضه ومشى.. انا ساعتها من شدة ضيقى وقعت على الأرض وفضلت أضرب إيدى فى الأرض جامد وانا باصص لصورة ربنا بقيت أزعق معاه ، واقول انت بتعذبنى ليه ، بعته ليه من الأول لما هو مش هايقدر يشترى ، ليه بتعمل كدا ، ليه ، ايه ذنب الواد الصغير يتهان قدام زمايله ، حس بيا بقى ، خف عنى انا مش قد تجاربك دى .. عدى حوالى تلات ساعات وبدأت أهدى شويه ، لغاية ماجات الساعه ظ،ظ،:ظ£ظ¤ بالليل وخلاص اليوم خلص والمحلات اللى جنبى بدأت تقفل .. رن تليفونى لاقيت ابنى بيكلمنى من تليفون مامته بيقولى .. - بابا انا كلمت ربنا وقولتله على كل حاجه ، ياترى هايبعت الفلوس ؟ - طبعاً يا حبيبى ، ده بيحبك قوى ومستحيل يرفضلك طلب ، نام انت دلوقتى عشان تروح مدرستك بدرى بكره .. قفلت معاه وانا مش عارف اعمل ايه .. جات الساعه ظ، ، والشارع فضى ، والمحلات قفلت ، بدأت ألم عشان اقفل واروح .. وانا على باب المحل بقفل لاقيت واحد من ورايا قالى.. يعنى انا قاطع المسافه دى كلها عشان القاك بتقفل.. ببص ورايا لاقيته الزبون الخليجى واقف ومبتسم ، وقالى.. معلش روحت غيرت فلوس ورجعتلك عشان انا مسافر بكره الصبح ولازم اخد الحاجات دى .. ساعتها قلبى كان طاير من الفرحه كنت فى سعاده مش قادر أوصفها ، وانا داخل المحل بصيت لصورة ربنا وقولتله فى سرى ، شكراً لأنك ماسمحتش بكسرة قلب إبنى ومارفضتش صلاته .. تانى يوم الصبح بعت الفلوس المدرسه عن طريق البنك ، واتصلت بالمدرسه واشتكيت الميس اللى ضايقت إبنى ، وكان رد المدرسه ، إنها ألزمت الميس بالإعتذار لأبنى فى طابور الصباح قدام المدرسه كلها .. بالليل كلمت إبنى وقولتله .. مش قولتلك ربنا بيحبك ومستحيل يرفضلك طلب .. |
||||
|
27 - 07 - 2024, 11:22 AM
|
رقم المشاركة : ( 168054 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
كان عندى تلفزيون قديم قوى من بتاع زمان ده ، مركون عندى ومش بستخدمه خالص ، جيت امبارح بقلب فى البيت عندى على حاجه ضايعه منى فا لاقيته قدامى ، فا شوفته وافتكرت ايام زمان بقى قولت اشوف ايه بايظ فيه واصلحه واشغله انشالله اشغل عليه القناه الاولى يسلينى وانا بشتغل حتى .. لاقيت الفيشه بتاعته مقطوعه ، ركبت فيشه تانى مكانها وشغلته جيت احط الفيشه عشان اشغله لاقيت النور ضرب .. اتارى التلفزيون جوه فى قفله اول ماوصلته بالكهربا ضرب ومش بس كدا لا ده كلفنى مصاريف تصليح الحاجات اللى باظت فى كهربا الشقه مت القفله .. الخلاصه اللى عاوز اقولها ان احيانا كتير التقليب فى الماضى بيكلفنا جامد وعلى راى المثل اللى فات خلاص مات ماتقلبش فيه وبلاش توجع دماغك بمواضيع اتدفنت وعدى عليها زمن ، بص قدامك وخلى ايدك دايما على المحراث صحتك ووقتك وحياتك اللى بتضيعهم فى حاجه فاتت انت فى حاجه ليهم عشان تتقدم .. |
||||
|
27 - 07 - 2024, 11:24 AM
|
رقم المشاركة : ( 168055 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
عمل ايه لو واحد سرقك وانت مسكته بس للاسف صرف الفلوس بتاعتك وممعوش حاجه يرجعهالك ؟؟ طيب قبل ما تجاوب خلينى اقولك حكايه بسيطه جدااا راجل كبير ضاع تليفونه كان ابنه باعتهوله من الكويت تليفون غالى جدا ايفون , المهم الراجل ده كان رايح يخلص ورق تبع المعاش عنده ونساه فى التوكتوك .. اللى فى التوكتوك كان عيل صغير طايش خد التليفون وقفله ... نتصل عليه مليون مره الرقم مقفول .. الراجل استعوض ربنا فيه وخلاص هايعمل ايه يعنى !!! بعدها بحوالى اربع ايام الولد ده وصل حد عندنا الشارع وكان الراجل الكبير قاعد فا شافه ... اول ماشافه وقال هو كلنا اتلمينا عليه ومسكناه .. فين التليفون قالك بيعته وصرفت فلوسه ياد صرفت فلوسه ازاى 30 الف تصرفها فى اربع ايام ازااااااااى قالك لا منا مابعتهوش ب 30 ده باعه ب 15 الف ولو بردو فين ال 15 وفين اللى اشتريت منه الموبايل قال ال15 سديت بيهم دين كان على ابويا المهم قعدنا ماسكين مع الواد ماخدناش منه لا حق ولا باطل كل اللى عليه ممعيش مافيش عليا ديون الراجل الكبير عمل موقف ساعتها ماكنش حد فينا يتوقعه تمااااااااااااااما مسك الولد وخده على جنب وعطاله 500 جنيه وقاله خدهم فك بيهم زنقتك بس ماتسرقش تانى عشان كدا غلط .. الواد وقف مصدوم هو ده بجد ؟؟ يعنى امشى ؟؟؟ الواد خد الفلوس ومشى وسط دهشة الناس كلها .. الأغرب من ده كله بقى انهارده الصبح الواد بتاع التوكتوك جه ومعاه التليفون وقال للراجل حقك عليا .. مشهد ممكن ماتتوقعش انه يحصل اصلا لكن ده اللى حصل وده المعنى الحقيقى للايه اللى بتقول من لطمك على خدك الأيمن حول له الايسر انت ممكن تجبر الناس انها تعاملك باحترام مهما كانت طبيعتهم ايه لمجرد انك بتقدملهم سلام ومحبه وصدق .. جرب كدا تعامل حد كويس وهو بيعاملك وحش صدقنى مع مرور الوقت هاتلقاه اتغير معاك للاحسن .. |
||||
|
27 - 07 - 2024, 12:13 PM
|
رقم المشاركة : ( 168056 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
يارب آت بي إلى جبل صهيون السمائي في مدينتك يا الله الحي أورشليم وضمني إلى ربوات محفل المكتوبين في سمواتك آمين |
||||
|
27 - 07 - 2024, 12:14 PM
|
رقم المشاركة : ( 168057 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
يارب يا ديان الجميع كملني مع أرواح الأبرار المكملين لأقتبل ملكوتًا لا يتزعزع آمين |
||||
|
27 - 07 - 2024, 12:14 PM
|
رقم المشاركة : ( 168058 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ألبسني يا رب لباس الخلاص ولا تنزعه مني قط حتى لا أوجد عريانًا آمين |
||||
|
27 - 07 - 2024, 12:16 PM
|
رقم المشاركة : ( 168059 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
يا رب أستر نفسي العارية واملأني بالشهوة السمائية لأتأكد أن كل شيء في هذا العالم إنما هو نفاية آمين |
||||
|
27 - 07 - 2024, 12:17 PM
|
رقم المشاركة : ( 168060 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
يا رب إحسبني مستحقًا للعشرة الخفية معك أيها المحبوب الإلهي حتى احمل صليب التجربة بتسليم وفرح مع كل طاعة لأمرك آمين |
||||
العرض العادي
