اكبر مجموعة ايات من الكتاب المقدس مع التأملات

[sama smsma]

يحاربونك ولا يقدرون



فى وعد قاله ربنا لارميا

فيحاربونك و لا يقدرون عليك لاني انا معك يقول الرب لانقذك*
ار19:1
لو تتامل فى الاية دى هتلاقى ان ربنا ادا لارميا وعد بالحرب ان اعداءو هايحاربو لكن ربنا بيقولو اية ولا يقدرون عليك يعنى انسى انهم هاينتصرو عليك

زى ماقال بولس الرسول
ان كنت كانسان قد حاربت وحوشا في افسس
كورنثوس الاولى 32:15
وزى داود ياما اتحارب من شاول ومن الفلسطينين والامم المحيطة وحتى ابشالوم ابنه
لكن قال ايات ذهبية زى
كل الامم احاطو بى وباسم الرب انتقمت منهم
هولاء بمركبات وهولاء بخيل ونحن باسم الرب انتصارنا هم عثرو وسقطو ونحن قمنا وانتصبنا

اوعى تفتكر انك مش هاتتحارب هاتتحارب مش بس من شيطان كمان من الناس وفى الشغل وحتى فى الكنيسة وكل دا وضحو المسيح فى الانجيل
الشيطان كل يوم هايحاربك بطريقة جديدة وشكل جديد انا دايما بشبه الشيطان زى واحد عندو مخزن سلاح وكل يوم بيطلع سلاح جديد وويلبس بدلة جديدة تلائم السلاح دا
يضربك بالكبرياء مع بدلة فلوس او بدلة الخدمة يضربك بالشهوة مع بدلة الحرية وهكذا كل سلاح له طقم معين بيلبسو وهكذا
لكن المسيح طمنا وقال اية اعطيكم السلطان لكى تدوسو الحيات والعقارب وكل قوات العدو
ياريت تبتدبو تجهزو نفسكم للحرب حرب الشيطان وحرب العالم وحرب الجسد وحرب الفكر وحرب العقيدة العالم موضوع فى الشرير واحنا مش من عالم واذا انتا بتحارب وحاسس انك هاتتغلب افتكر الاية دى اللى قالها ربنا لارميا يحاربونك ولايقدورن عليك هاتحارب اة لكن هانتنصر
من يغلب ساعطية ان يجلس معى فى عرش كما غلبت ان ايضا

و لكننا في هذه جميعها يعظم انتصارنا بالذي احبنا
رو 37:8

[sama smsma]

وَبَعْدَ ثَمَانِيَةِ أَيَّامٍ كَانَ تَلاَمِيذُهُ أَيْضًا دَاخِلاً وَتُومَا مَعَهُمْ. فَجَاءَ يَسُوعُ وَالأَبْوَابُ مُغَلَّقَةٌ،
وَوَقَفَ فِي الْوَسْطِ وَقَالَ: «سَلاَمٌ لَكُمْ!».
(يو 20: 26) ..
خايف؟ قلقان؟ شاكك؟
هو قادر يدخل و الابواب مغلقه قادر يخليك تؤمن
لو شاكك و يديك سلام رهيب
يسوع قادر يدخل و يلمسك و يدخل و يحل المشاكل كلها ،
حتي لو انت حاسس انها مقفله
يسوع بيقولك : انا موجود و هحل كل حاجه في الوقت المناسب ،
خليك واثق فيا انا بطمنك اني عمري ما سيبتك
ولا هسيبك ابدا

[sama smsma]

وكان الرب مع يوسف فكان رجلا ناجحا (تك 39: 2) ..
خليك امين في كل حاجة بتعملها ، اتعب ،
وتعبك مش هيروح ع الفاضي متشغلش بالك
بالمشاكل والحاجات اللي ممكن تعطل نجاحك
متقولش الموضوع صعب او مستحيل ، او ازاي !!
اعمل اللي عليك وسيب الباقي عليا انا

[sama smsma]

فاذكر خالقك في أيام شبابك (جا 12: 1) ..
دلوقتي انسب وقت تقرب لربنا ،
دلوقتي انسب وقت للتوبه ،
دلوقتي انسب وقت للصلاه
وانسب وقت انك تاخد قرار انك هتعيش لربنا مهما وقعت هقوم ،
مهما تعبت هيقويني دلوقتي
هو انسب وقت تاخد من ربنا وعد يسندك في طريقك معاه
دلوقتي هو انسب وقت لبدايه جديده

[sama smsma]

لا تخف لاني معك.لا تتلفت لاني الهك.
قد ايدتك واعنتك وعضدتك بيمين بري
( اش 41 : 10 ) ..
انا معاك ، جنبك ،
بطمنك عشان حاسس انك خايف من اللي جاي ،
قلقان من الايام ليه ؟
هو انا عمري سيبتك ،
هو انا عمري اتخليت عنك ؟
انت اغلي مما تتخيل ،
مافيش حد ممكن يشغلني عنك ،
ومافيش حاجة ممكن تخليني اسيبك او انساك ،
ماتزعلش من حاجة ، وافرح ..
افرح عشان انا بحبك

[sama smsma]

قال له توما:
«يا سيد، لسنا نعلم أين تذهب،
فكيف نقدر أن نعرف الطريق؟»
قال له يسوع:
«أنا هو الطريق والحق والحياة.
ليس أحد يأتي إلى الآب إلا بي.
( يو 14 : 5-6 ) ..
احيانا كتير بتكون تايه ..
مش عارف طريقك فين ؟
مش شايف تمشي ازاي ! اوعي تخاف ،
النهاردة بطمنك عشان انا الطريق ، والحق ، والحياه
البعد عني هايتوهك عن طريقك ،
هايخليك مش عارف فين الحق ،
هايخليك ميت اوعي تتوه وانا جنبك ،
اوعي تخاف ابدا

[sama smsma]

الاشبال احتاجت و جاعت و اما طالبوا الرب
فلا يعوزهم شيء من الخير
(مز 34 : 10) ..
انا عارف ان الاحتياجات زادت والحياه مابقتش سهله ،
بس حتي لو كل الاشبال جاعت انا هاشبعك ،
هاسدد كل احتياجاتك من غير حتي ما تطلبها صدقني مش هاسيبك ،
دا انا ابوك ،
ومافيش اب يسيب ولاده

[sama smsma]

وسيمسح الله كل دمعة من عيونهم،
والموت لا يكون في ما بعد،
ولا يكون حزن ولا صراخ ولا وجع في ما بعد،
لأن الأمور الأولى قد مضت
(رؤ 21: 4)
..
زعلك ده مش حاجة عاديه بالنسبالي ،
ودموعك دي مش سهله عليا
(في الوقت المناسب) كل زعل في قلبك لازم هبدله بفرحة ،
وكل دمعه من عينيك همسحها
عشان تعدي الوقت الصعب صلي ، اتكلم معايا ،
ركز علي السما ،
ثق فيا

[sama smsma]

صلوا بعضكم لاجل بعض لكي تشفوا طلبة البار تقتدر كثيرا في فعلها
( يع 5 : 16 )
..
اعظم حاجة ممكن تعملها في اي وقت وفي كل وقت انك تصلي ،
اجمل هديه تقدمها لاي حد انك تصليله ،
واقوي سلاح تحارب بيه هو الصلاة
اشطر دكتور هو ربنا ،
فلما تتعب اوي اوعي تروح لحد تاني

[sama smsma]

ومن لا يحب لم يعرف الله، لان الله محبة
( 1 يو 4 : 8 )
..
حاجات كتيره اوي بتعملها في حياتك ،
لكن مش دايما بيكون الدافع اللي جواك حب
النهاردة راجع كل حاجة بتعملها ، بتعمل كدة ليه ؟
عشان بتحبني ؟
ومهما كان السبب ،
خليك واثق اني لسه بحبك