اكبر مجموعة ايات من الكتاب المقدس مع التأملات

[sama smsma]

عَطِيَّةُ الرَّبِّ تَدُومُ
"سي 11 : 17"
..
الحاجه اللى من ايد ربنا وعطيه منه بتفضل معاك دايما مش بتروح منك ولا ربنا بيسمح انها متبقاش معاك حتى لو كان كل الناس عليك ، لو كانت ارادته انها تفضل معاك زى بالظبط زي " فاللذى جمعه الله لايفرقه انسان" نفس الفكره بردو .. لو كان الشخص اللى انت عاوز ترتبط بيه هو دا اللى ربنا جمعك بيه مش هتقدر حاجه تفرقكوا ابدا حتى لو كان كل الناس عاوزاكوا تتفرقوا .. الكلام ده بينطبق على الناس اللى مسلمه ارادتها لربنا وبتقوله لتكن ارادتك
الاختيار بعد كدا ليك تحب هو اللى يختارلك ويديلك عطيه من عنده تدوم ؟

[sama smsma]

الاحد الثاني التجربة ليس بالخبز وحده يحيا الإنسان (مت 4 :4 ) ..
صدقوني ساعات بنهتم بالاكل في الصيام اكتر من الفطار نهتم ايه صيامي وايه فطاري وازاي نعمل اكلات بنفس الطعم وتكون صيامي قرار : حاول تدرب نفسك علي انك متهتمش بزيادة بالاكل ، ودرب نفسك علي انك تصوم فترات انقطاعي مفروض ان الصيام بيكون يوميا انقطاعي من الصبح للساعه 12 ماعدا السبت و الحد والاهم من كل ده كل يوم قبل تنام تسأل نفسك النهاردة كان قلبك صايم ؟

[sama smsma]

وتطمئن لأنه يوجد رجاء
(أي 11: 18)
..
اطمن اوي ، ثق فيا ، خلي رجائك فيا
متخليش رجائك في اي حاجة او اي حد
متخليش حاجة تخسرك سلامك او راحتك
متبعدش عني لاني بحبك
وهفضل احبك

[sama smsma]

"اَللهُ رُوحٌ. وَالَّذِينَ يَسْجُدُونَ لَهُ فَبِالرُّوحِ وَالْحَقِّ يَنْبَغِي أَنْ يَسْجُدُوا"
(يو 4: 24)
..
بالروح والحق ، مش بالشكل او المظهر او الروتين اللي متعود عليه
بكره مستنيك تيجي القداس ، تصلي من قلبك
اتكلم من قلبك ، اسجد من قلبك ، قول اللحن من جوه قلبك
اعمل حاجة حاجة بحب ، واخرج من الكنيسه انسان جديد مولود بالتوبه الحقيقيه
تعالي نبدأ بدايه حقيقه ، كفايه روتين ، كفايه شكليات
انا بحبك انت وعايزك تديني قلبك ، قلبك وبس

[sama smsma]

لأَنَّ ابْنِي هذَا كَانَ مَيِّتًا فَعَاشَ، وَكَانَ ضَالاًّ فَوُجِدَ. فَابْتَدَأُوا يَفْرَحُونَ. "
(لو 15: 24)
..
انهارده فرح ، و فرح كبير اوى كمان ابنى رجع تانى ، ابنى كان ميت اه ميت هو إلى يبعد عن بيت ابوه و حب ابوه و حضن ابوه يبقى عايش؟؟؟ ، ابنى ضل نسي طريقى و نسي بيتى و نسي قعدتنا سوا بس انا لقيته
ابني ده هو انت .. انا قاعد مستنيك و عارف انك مش هتفكر كتير هتقرر وهترجع
"اهلا برجوعك يا ابنى"

[sama smsma]

فرجع إلى نفسه وقال : كم من أجير لأبي يفضل عنه الخبز وأنا أهلك جوعا ، أقوم وأذهب إلى أبي وأقول له : يا أبي ، أخطأت إلى السماء وقدامك ، ولست مستحقا بعد أن أدعى لك ابنا . اجعلني كأحد أجراك
( لو 15 : 17-19 )
..
كل يوم بتاخد فرصه جديدة وحياة جديدة وعمر جديد ، كل ده علشان مستنيك تاخد القرار ده
قرار التوبه ، قرار الرجوع لحضني
مستنيك تاخد القرار ده عشان ترتاح من كل التعب اللي انت فيه
واحشني اوي بجد ، وهفضل احبك

[sama smsma]

لكي تكونوا أبناء أبيكم الذي في السماوات،
فإنه يشرق شمسه على الأشرار والصالحين،
ويمطر على الأبرار والظالمين (مت 5: 45) ..
بحب الكل ، حتي اللي بعيد عني بدبر حياه الكل للخير ،
حتي اللي بينكر وجودي مت عشان الكل والنهاردة حابب اقولك
انك غالي جدا وان مهما عملت هافضل احبك انا بكره الخطيه مش الخاطي
اوعي تصدق غير كدة لان مفيش اب بيكره اولاده

[sama smsma]

فقام وجاء إلى أبيه. وإذ كان لم يزل بعيدا رآه أبوه،
فتحنن وركض ووقع على عنقه وقبله.
( لو 15 : 20 ) ..
بمجرد بس ما اشوفك بتحنن ، وبجري عليك ايوة .. انا اللي بجري عليك مش بستناك توصل لحد عندي انت مش متخيل الفرحة اللي في قلبي بمجرد ما بحس انك عايزني انا صدقني مسامحك جدا ، وده يوم جديد فرصه جديدة وصفحه جديدة عشان نبدأ تاني متضيعهاش

[sama smsma]

أجاب يسوع وقال لها : كل من يشرب من هذا الماء يعطش أيضا ،
ولكن من يشرب من الماء الذي أعطيه أنا فلن يعطش إلى الأبد ،
بل الماء الذي أعطيه يصير فيه ينبوع ماء ينبع إلى حياة أبدية
( يو 4 : 13-14 ) ..
كلامي حياة ، وراحة ، ونور لطريقك افتح الكتاب المقدس ،
اقرا وافهم ، طبق الكلام في حياتك ، وافرح جربت طرق كتير بعيد عني وتعبت ،
النهاردة جرب تعيش صح ابدأ في طريقي ، هترتاح

[sama smsma]

قالت له المرأة : يا سيد أعطني هذا الماء ،
لكي لا أعطش ولا آتي إلى هنا لأستقي
( يو 4 : 15 ) ..
شربت كتير من مايه العالم ،
وتعبت واتذليت نفسي تشرب من الماء الحي ،
اقصد تخلي طلبك ورجائك وراحتك فيا انا انا ابوك وحبيبك ،
اكتر واحد بخاف عليك
واكتر واحد بحس بيك زي ما غيرت حياه السامرية ،
اقدر اغير حياتك