|
 |
 |
 |
17 - 08 - 2012, 01:58 PM
|
رقم المشاركة : ( 122 ) | ||||
|
| غالى على قلب الفرح المسيحى |
|
رد: سعدية وميدو
يللا مع الحلقه16
سعديه بقى بعد اما روحت بيت عمها حست انها مخنوقه ومضايقه ومش عارفه تعمل اى حاجه خرجت لعمها واستاذنت منه انها تروح البلد عند اهلها تقعد 15 يوم تفك عن نفسها وتسلم على امها وابوها واخواتها اصلهم وحشوها وفعلا عمها وصلها لمحطه القطر وركبت سعديه وروحت بلدهم وبعد اما وصلت البيت وسلمت على ابوها ومامتها واخواتها واعدت بقى تحكيلهم على مصر وكمان على الى شافته فى الرحله وهمه مندهشين بقى وباباها عمال يوصيها بقى الحج سليمان ابو سعديه الحج سليمان : بت يا سعديه تاخدى بالك من نفسك ومن شباب مصر دول علشان دول جولالات ادب ولا يخافوا ربنا اوعى حد يغويكى ويضحك عليكى سعديه : يغوينى ايه يابا دول ولا يفرجوا حاجه عن البنات مستحيل ابص لحد فيهم متخافش يابا معاك راجل الحج سليمان : عارف يا بتى وعلشان كده امنت عليكى وسبتك تسافرى تتعلمى وحدك وفى اثناء الحوار دخل ابن عمها الى بيحب سعديه وعايز يتجوزها اسمه مصطفى مصطفى : السلام عليكم ازيكم يا جماعه سعديه : فى سرها ( يا جاعدين يكفيكوا شر الجايين ابو الفصاد جه يادى اليوم لاسود ) اهلا يا مكاريوس مكاريوس : ازيك يا سعديه يا بنت عمى نورتى البلد كيف احوالك سعديه : الحمد لله يا مكاريوس كويسه مكاريوس :ايه يا بنت عمى امتى امتحاناتك علشان نعمل فرحنا سعديه : فرح مين انت يا ابو فرح اصوم اصوم وافطر على بصله ادى الى ناجص اخدك انت مصطفى: ليه يا سعديه هو انا بصله سعديه : ايوه وبصله مصننه كمان ووبشراشير طويله وهبله ومعفنه وريحتها وحشه كمان مكاريوس : عيب كده يا سعديه تشكرى يا بت عمى بس اعملى حسابك مش هتاخدى غيرى انا الحج سليمان ابو سعديه اعد مش عاجبه الوضع الحج سليمان : انتى يا بت مش هتاخدى غير ابن عمك اخرسى مش هتاخدى غير مكاريوس سعديه : ومالك يابا فرحان جوى كده وانت بتجول مكاريوس على اساس انه رئيس الوزراء الحج سليمان : انا جولتها كلمه وهشوف كلام مين الى هيمشى وسابها وخرج هو ومكاريوس واعدت هى ومامتها الست عطيات الست عطيات : ايه يا سعديه التعليم خلاكى تعلى علينا يا بتى سعديه : تعليم ايه ونيله ايه يا امه ده مش بيعرف الالف من كوز الدوره ولا حتى بيعرف يكتب اسمه الست عطيات :ده ابن عمك وعارك يا بتى سعديه : على اساس ان انا الراجل وهو الست عارى وهلمه بس ياما علشان انا مش ناجصه وكرهت البلد من بوزه الفجرى ده الى شبه الشبشب المجلوب ولو كلمه تانى هسيب البلد وهمشى انهرده مش هبات فيها الست عطيات : خلاص يا بتى انا سكت اهو بس انتى لازم تراجعى نفسك ربنا يهديكى سعديه بقى اعدت هتموت ومش طايقه اى حد وبدأت تفكر ( مكاريوس مين ده الى هتجوزه واهو كمان ميدو جه خطب البت ام سحلول الى اسمها جنى ربنا وجنى يركبها ولا يعرفوا يطلعوه منها بس انا مش ممكن اوافج على ابو الفصاد ده ولا يمكن اتجوزه ادى الى ناجص اخد واحد جاهل وكمان فجرى وشه يجطع الخميره من البيت انا هجدى ايامى دى على خير وعلى ما تاجى الاجازه اكون لجيت حل يلا اروح انام احسن من وشهم ) ونامت سعديه وهنشوف الحلقه الجايه حصل ايه |
||||
|
|
17 - 08 - 2012, 02:09 PM
|
رقم المشاركة : ( 124 ) | ||||
|
† Admin Woman †
|
رد: سعدية وميدو
ربنا معاها
هي ناقصة نكد عليها |
||||
|
|
|
17 - 08 - 2012, 04:02 PM
|
رقم المشاركة : ( 125 ) | ||||
|
..::| مشرفة |::..
|
رد: سعدية وميدو
ههههههههههههههههههههه
جميله قوى قوى جوجو |
||||
|
|
|
17 - 08 - 2012, 06:39 PM
|
رقم المشاركة : ( 126 ) | ||||
|
† Admin Woman †
|
رد: سعدية وميدو
كانت ناقصاة ابن عمها دة كمان
ههههههههههههه حلوة حلقة النهاردة يا جينا يالا منتظرين الحلقة اللى بعدها |
||||
|
|
|
19 - 08 - 2012, 02:34 PM
|
رقم المشاركة : ( 129 ) | ||||
|
| غالى على قلب الفرح المسيحى |
|
رد: سعدية وميدو
الحلقه السابعه عشر
قضت سعديه الاجازه فى بيت اهلها وهى فى حيره مش عارفه تعمل ايه يا ترى هتوافق على مكاريوس ولا ترفضوا وكمان هى متقدرش توافق عليه علشان مش بتحبه وكمان متقدرش ترفضه علشان اهلها وكمان مش عارفه تعمل ايه مع ميدو يا ترى تصارحه بحبها ولا لا وهى شايفه انها غلط تقله وخصوصا ان هو خطب ومش صارحها انه بيحبها وهى طبعا طول الوقت سرحانه وبتفكر ومش عارفه تعمل ايه وبعد انتهاء الاجازه نزلت مصر علشان الامتحانات بعد اما وصلت راحت الجامعه تانى يوم وقابلت ندى وحكتلها على كل حاجه ندى : ياااااااااه يا سعديه كل ده فى قلبك وساكته طيب انتى ليه مش قلتى لميدو انك بتحبيه او صارحتيه كان ممكن ميخطبش جنى دى سعديه : انتى مجنونه يا بت ولا ايه انا اصارحه لا كرامتى متسمحليش ندى : الموضوع مش كده يا بنتى هو كان ممكن يفكر فيكى ويحبك سعديه : انتى هبله والله يا بت ده بيحب العفريته الى اسمها جنى وهو اصلا مش بيفكر فيا ولا باجى على باله ندى : بس انا لاحظت انه معاملته ليكى مختلفه وكمان مهتم بيكى الفتره الى فاتت دى وكمان كان بيزعل جنى علشانك سعديه : امال ايه الى خلاه خطبها تكونش سحراله ماهى جنى بحالها تلاجيها شغلت العفاريت بتوعها وسحرتله ندى : ههههههههه والله انتى فظيعه وده وقت تهريج يابنتى فكرى هتعملى ايه فى مكاريوس ده كمان سعديه : والله ايام سوده ومش عارفه حاجه جال مكريوس جال دى ايام هباب لولا بس انه علي اسم سيدنا الانبا مكاريوس كنت غلط فية ندى : بصى انتى قولى لاهلك لا واهتمى بميدو شويه يمكن يسيب الزفته دى ويهتم بيكى انتى سعديه : الى اهم من ده كله الامتحانات جربت ولازم اهتم بيها ندى : اه كده كويس بس لازم تتغيرى شويه علشان ينجذب ليكى ويحبك بقى سعديه : اتغير ازاى بجى ندى : يا بنتى انتى اجمل من جنى دى بالف مره لو اهتميتى بنفسك شويه وباستايل لبسك هتبقى قمر سعديه : موافجه بس باحترام ندى : اوك نخرج بعد المحاضرات ونشوف هنعمل ايه وبعد اما خلصوا المحاضرات نزلوا اشتروا شويه حاجات ولبس بقى وندى غيرت استايل سعديه خالص وكمان خدتها الى بيوتى سنتر علشان تغير من شكلها ومظهرها شويه دخلت سعديه وهى مستغربه طبعا على الى بيحصل سعديه : بت يا ندى ايه ده ندى : بصى هنا هنعملك ميكب وهنظبطك شويه وهخليها تعلمك ازاى تحطى ميكب لنفسك وهشتريلك ميكب خاص بيكى سعديه : بصى يا بت بلا ميكب بلا هباب ده لا انا مش اغير فى خلجتى ياختى ندى : يا بنتى مش هتغير فى خلقتك ولا حاجه بصى دى حاجات بسيطه وهاديه اوى بصى انا حاطه اهو واضح انى حاطه حاجه سعديه : ايوه بس مش جوى ندى : طيب هيبقى كده مش ظاهر سعديه : بس جوليلها يبجى خفيف جوى مبحبش الهباب ده ندى : لا هخليها تعلمك ازاى تحطى لنفسك علشان تعملى كل يوم لوحدك علموا سعديه ازاى تحط ميكب هادى وكمان ازاى تغير تسريحة شعرها للموضه وبعد ما خلصوا الشوبنج واللفه الطويله دى روحت سعديه عند بيت عمها استغربوا طبعا للوضع الى فيه سعديه بجد بقت زى القمر وهى قمر من الاول بس مكنتش مهتمه بنفسها مرات عمها : ايه ده يا سعديه ايه الى انتى عملاه فى نفسك ده سعديه : ايه يا مرات عمى شيفانى ماشيه على اربع رجلين ولا ايه ما انا زى مانا مرات عمها : لا التغيير فى شكلك وفى لبسك انتى بقيتى قمر سعديه : جمر بالستر يا مرات عمى ما انا جمر من زمان هو انتى حوله ولا ايه مكنتيش بتشوفى مرات عمها: قمر اه بس بقيتى قمر 14 طبعا الكل معجب بسعديه وبالاستايل الجديد وسعديه كانت فرحانه بكده وطبعا تانى يوم صحيت الصبح بدرى وعملت الى قالتلها عليه ندى وعملت الميكب الهادى الجميل ولبست اللبس الجديد وعملت التسريحة زى ما علمتها وبقت جميله اوى وراحت الجامعه اول اما دخلت نشوووووووووووووووف حصل ايه الحلقه الجاية |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| العالم يشعر بحُبِّك ومدين لك بخلاصه |
| رهبنة ومجيئ القديس باسيليوس الكبير |
| حكايه توته وميدو |
| الزمالك يفاضل بين المعلم وميدو بعد هروب فيريرا |
| العاقر تلد ولدين |
العرض العادي
