اكبر مجموعة ايات من الكتاب المقدس مع التأملات

[sama smsma]

صعد بهم
وَقَالَ لَهُمُ: «الْحَقَّ أَقُولُ لَكُمْ: إِنَّ مِنَ الْقِيَامِ ههُنَا قَوْمًا لاَ يَذُوقُونَ الْمَوْتَ حَتَّى يَرَوْا مَلَكُوتَ اللهِ قَدْ أَتَى بِقُوَّةٍ».
2 وَبَعْدَ سِتَّةِ أَيَّامٍ أَخَذَ يَسُوعُ بُطْرُسَ وَيَعْقُوبَ وَيُوحَنَّا، وَصَعِدَ بِهِمْ إِلَى جَبَل عَال مُنْفَرِدِينَ وَحْدَهُمْ. وَتَغَيَّرَتْ هَيْئَتُهُ قُدَّامَهُمْ،
3 وَصَارَتْ ثِيَابُهُ تَلْمَعُ بَيْضَاءَ جِدًّا كَالثَّلْجِ، لاَ يَقْدِرُ قَصَّارٌ عَلَى الأَرْضِ أَنْ يُبَيِّضَ مِثْلَ ذلِكَ.
4 وَظَهَرَ لَهُمْ إِيلِيَّا مَعَ مُوسَى، وَكَانَا يَتَكَلَّمَانِ مَعَ يَسُوعَ.
5 فَجَعَلَ بُطْرُسُ يَقولُ لِيَسُوعَ: «يَا سَيِّدِي، جَيِّدٌ أَنْ نَكُونَ ههُنَا. فَلْنَصْنَعْ ثَلاَثَ مَظَالَّ: لَكَ وَاحِدَةً، وَلِمُوسَى وَاحِدَةً، وَلإِيلِيَّا وَاحِدَةً».
6 لأَنَّهُ لَمْ يَكُنْ يَعْلَمُ مَا يَتَكَلَّمُ بِهِ إِذْ كَانُوا مُرْتَعِبِينَ.
7 وَكَانَتْ سَحَابَةٌ تُظَلِّلُهُمْ. فَجَاءَ صَوْتٌ مِنَ السَّحَابَةِ قَائِلاً: «هذَا هُوَ ابْنِي الْحَبِيبُ. لَهُ اسْمَعُوا».
8 فَنَظَرُوا حَوْلَهُمْ بَغْتَةً وَلَمْ يَرَوْا أَحَدًا غَيْرَ يَسُوعَ وَحْدَهُ مَعَهُمْ.
9 وَفِيمَا هُمْ نَازِلُونَ مِنَ الْجَبَلِ، أَوْصَاهُمْ أَنْ لاَ يُحَدِّثُوا أَحَدًا بِمَا أَبْصَرُوا، إِلاَّ مَتَى قَامَ ابْنُ الإِنْسَانِ مِنَ الأَمْوَاتِ.
10 فَحَفِظُوا الْكَلِمَةَ لأَنْفُسِهِمْ يَتَسَاءَلُونَ: «مَا هُوَ الْقِيَامُ مِنَ الأَمْوَاتِ؟»
كمل المسح كلامه بعد ما كلمهم عن الصلب و ضرورة حمل الصليب بكلام مشجع لكن السؤال هل فعلا فيه حد من التلاميذ ما داقش الموت لحد ما يشوف ملكوت الله بقوة
فيه 3 اراء ... راى قال فيه تلات تلاميذ اللى حضروا التجلى كتمتع بمجد المسيح كده شافوا مجده قبل موتهم
راى تانى ان الكرازة بملكوت الله و هدم الهيكل و الدخول فى العهد الجديد معناها شافوا مجده قبل موتهم
فيه راى تالت وسع الدايرة و قال ده حال كل من يؤمن بالله و الكلمة حيدخل فى تمتع بقوة الله التى فى اعماقه و نصرته على الخطية
وَبَعْدَ سِتَّةِ أَيَّامٍ أَخَذَ يَسُوعُ بُطْرُسَ وَيَعْقُوبَ وَيُوحَنَّا، وَصَعِدَ بِهِمْ إِلَى جَبَل عَال مُنْفَرِدِينَ وَحْدَهُمْ. وَتَغَيَّرَتْ هَيْئَتُهُ قُدَّامَهُمْ،... خد بالك ستة ايام اشارة الى رقم ستة اللى هو تمام الجهاد و دخولنا لليوم السابع حيث الراحة فى الله .. خد 3 تلاميذ عدد كاف للشهادة حسب الناموس
في نص منسوب للقديس يوحنا الذهبي الفم قيل أن ملامح السيد المسيح عند تجليه بقيت كما هي لكن أُعلن بهاء مجده. لقد بقى السيد المسيح بجسده، لكن الجسد حمل طبيعة جديدة مملوءة بهاءً ومجدً
خد بالك صعدوا أولًا على جبل لكي يتجلى أمامهم. .. لازم نصعد و نسمو فوق الرارض و شهواتها علشان نعاين مجده معطلين نفسنا اوى بارتباطنا بالارضيات و ضيق الجشد عن اننا نتمتع بمجده ..بولس يقول كده فإن كنتم قد قمتم مع المسيح فاطلبوا ما فوق.. اهتموا بما فوق لا بما على الأرض.. أميتوا أعضاءكم التي على الأرض كو1:3-5
خد بالك التجلى ده مش استعراض لمجد يسوع اد ما هو محسوب للانسان و المجد اللى حنبقى عليه ...كل حاجة عملها المسيح او ظهر بيها هى علة و سبب اننا نبقى زيه
خد بالك لوقا القديس لما حكى نفس القصة قال بعد 8 ايام ...8 و لا 6 ؟؟؟؟؟؟
وبعد ستة أيام.. ويقول لوقا وبعد هذا الكلام بنحو ثمانية أيام ..حل هذه المشكلة بسيط فالقديس لوقا أحصى اليوم الذي فيه أعلن الرب وعده وأحصى يوم التجلى، أما متى ومرقس فأحصوا الأيام الستة التي بين يوم الوعد ويوم التجلي..خد بالك 6 يشاور على النسان و نقصه اللى شاله المسيح على الصليب فى اليوم السادس و الساعة السادسة علشان نوصل للابدية اللى بيتشاور عليها باليوم التامن ...
نشوف هنا صورة رائعة للملكوت، ربنا مش إله أموات بل إله أحياء. وفي المجد حننعم كلنا بالعشرة الحلوة مع المسيح، هو في مجده ونحن معه في المجد في فرح أبدي، هو يفرح بالبشرية ونحن نفرح بيه. و فيه حوار بين موسى وإيليا وبين المسيح، و ده الى حيحصل لنا في السماء، مش حنبقى منعزلين عنه، لكن في علاقة حب وحوار ومعاملات حلوة وأبدية
المسيح غاية الناموس و مركز النبوات موسى و ايليا
المسيح اله احياء ما فيش موت ايليا انتقل و موسى مات
موسى حليم و ايليا نارى ... الملكوت عاوز قلب حليم و غيرة نارية و اشتياق
جمع ربنا كنيسة العهدين موسى و ايليا و تلاميذه و بقى كله فيه واحد
موسى غلب فرعون و ايليا غلب اخاب و عبادة البعل و كلها رموز للنصرة على الشيطان اللى دهسه المسيح بالصليب
انبهر بطرس بالمنظر فكل اللى كان عاوزه ان يفضل بقه كده على طول فيه و المسيح ياسس الملكوت على الجبل كده و قال لما يعمل 3 شماسى او مظال حيخلى المسيح يقعد قال يعنى بيحميه من الشمس و لا المطر بس أصلا النور طالع من جسد يسوع .. منظر سماوى خلاب علشان كده مش عارف بيقول ايه
عاوز يبقيه و خلاص ... مرة مارجرجس ظهر لراجل عجوز غلبان و كان مش عارف يمشى في يوم مطر و ظلمة و هو مش عارف يروح مش شايف و خايف يتزحلق فنده على مارجرجس بعشم كده و بساطة و قاله يعنى سايبنى كده و انت عندك حصانك جاله مارجرجس و فضل ماشى قدامه لغاية ما وصله البيت ... المنظر عاجب الراجل طبعا و ماشى ببطء و عاوز يستبقيه باى طريقة ... وصل البيت خاف يمشى قال له اوع تسيبنى السلم ضلمة ... طلع قدامه السلم ... بسرعة قاله استنى ادخل المفتاح الباب مش حشوف ... طلع المفتاح و راح فتح و بسرعة صرخ فى مراته مارجرجرس على الباب ياولية !!!!!!!!!! خرجت مراته كان مارجرجس اختفى ....فى ظهور العدرا ببابا دوبلو بشبرا سمحت النعمة انى اشوفها و اصلا كنت رايح متشكك و بالصدفة ... و كنت حمشى بخطيتى و غلاظة قلبى و بعدين قعدت شوية و لما ظهرت لغاية النهاردة عاوز اعرف انا قلت لها ايه معرفش كل اللى فاكره كويس انى عمال اعيط و اصرخ بكلام مش مفهوم حتى مش عارف مضمونه .. بعترف و لا بمجدها و لا ايه ... السماء خلابه للقلوب و العقول ... علشان كده كان فيه قديسين يخشوا فى حالة دهش و هما بيصلوا يعنى وسط الصلاة تلاقيه قال كلمة و روحه و عقله اتسبوا ساعات و عينيهم للسماء و بعدها يرجعوا لوعيهم و ما يحسوش ان مر ساعات حصلت دى مع ابونا فلتاؤوس ...
ربنا يدينا نصعد فنعاين مجده
لالهنا كل المجد و الكرامة



نبيل شحاتة

[sama smsma]

صعد بهم
وَقَالَ لَهُمُ: «الْحَقَّ أَقُولُ لَكُمْ: إِنَّ مِنَ الْقِيَامِ ههُنَا قَوْمًا لاَ يَذُوقُونَ الْمَوْتَ حَتَّى يَرَوْا مَلَكُوتَ اللهِ قَدْ أَتَى بِقُوَّةٍ».
2 وَبَعْدَ سِتَّةِ أَيَّامٍ أَخَذَ يَسُوعُ بُطْرُسَ وَيَعْقُوبَ وَيُوحَنَّا، وَصَعِدَ بِهِمْ إِلَى جَبَل عَال مُنْفَرِدِينَ وَحْدَهُمْ. وَتَغَيَّرَتْ هَيْئَتُهُ قُدَّامَهُمْ،
3 وَصَارَتْ ثِيَابُهُ تَلْمَعُ بَيْضَاءَ جِدًّا كَالثَّلْجِ، لاَ يَقْدِرُ قَصَّارٌ عَلَى الأَرْضِ أَنْ يُبَيِّضَ مِثْلَ ذلِكَ.
4 وَظَهَرَ لَهُمْ إِيلِيَّا مَعَ مُوسَى، وَكَانَا يَتَكَلَّمَانِ مَعَ يَسُوعَ.
5 فَجَعَلَ بُطْرُسُ يَقولُ لِيَسُوعَ: «يَا سَيِّدِي، جَيِّدٌ أَنْ نَكُونَ ههُنَا. فَلْنَصْنَعْ ثَلاَثَ مَظَالَّ: لَكَ وَاحِدَةً، وَلِمُوسَى وَاحِدَةً، وَلإِيلِيَّا وَاحِدَةً».
6 لأَنَّهُ لَمْ يَكُنْ يَعْلَمُ مَا يَتَكَلَّمُ بِهِ إِذْ كَانُوا مُرْتَعِبِينَ.
7 وَكَانَتْ سَحَابَةٌ تُظَلِّلُهُمْ. فَجَاءَ صَوْتٌ مِنَ السَّحَابَةِ قَائِلاً: «هذَا هُوَ ابْنِي الْحَبِيبُ. لَهُ اسْمَعُوا».
8 فَنَظَرُوا حَوْلَهُمْ بَغْتَةً وَلَمْ يَرَوْا أَحَدًا غَيْرَ يَسُوعَ وَحْدَهُ مَعَهُمْ.
9 وَفِيمَا هُمْ نَازِلُونَ مِنَ الْجَبَلِ، أَوْصَاهُمْ أَنْ لاَ يُحَدِّثُوا أَحَدًا بِمَا أَبْصَرُوا، إِلاَّ مَتَى قَامَ ابْنُ الإِنْسَانِ مِنَ الأَمْوَاتِ.
10 فَحَفِظُوا الْكَلِمَةَ لأَنْفُسِهِمْ يَتَسَاءَلُونَ: «مَا هُوَ الْقِيَامُ مِنَ الأَمْوَاتِ؟»
كمل المسح كلامه بعد ما كلمهم عن الصلب و ضرورة حمل الصليب بكلام مشجع لكن السؤال هل فعلا فيه حد من التلاميذ ما داقش الموت لحد ما يشوف ملكوت الله بقوة
فيه 3 اراء ... راى قال فيه تلات تلاميذ اللى حضروا التجلى كتمتع بمجد المسيح كده شافوا مجده قبل موتهم
راى تانى ان الكرازة بملكوت الله و هدم الهيكل و الدخول فى العهد الجديد معناها شافوا مجده قبل موتهم
فيه راى تالت وسع الدايرة و قال ده حال كل من يؤمن بالله و الكلمة حيدخل فى تمتع بقوة الله التى فى اعماقه و نصرته على الخطية
وَبَعْدَ سِتَّةِ أَيَّامٍ أَخَذَ يَسُوعُ بُطْرُسَ وَيَعْقُوبَ وَيُوحَنَّا، وَصَعِدَ بِهِمْ إِلَى جَبَل عَال مُنْفَرِدِينَ وَحْدَهُمْ. وَتَغَيَّرَتْ هَيْئَتُهُ قُدَّامَهُمْ،... خد بالك ستة ايام اشارة الى رقم ستة اللى هو تمام الجهاد و دخولنا لليوم السابع حيث الراحة فى الله .. خد 3 تلاميذ عدد كاف للشهادة حسب الناموس
في نص منسوب للقديس يوحنا الذهبي الفم قيل أن ملامح السيد المسيح عند تجليه بقيت كما هي لكن أُعلن بهاء مجده. لقد بقى السيد المسيح بجسده، لكن الجسد حمل طبيعة جديدة مملوءة بهاءً ومجدً
خد بالك صعدوا أولًا على جبل لكي يتجلى أمامهم. .. لازم نصعد و نسمو فوق الرارض و شهواتها علشان نعاين مجده معطلين نفسنا اوى بارتباطنا بالارضيات و ضيق الجشد عن اننا نتمتع بمجده ..بولس يقول كده فإن كنتم قد قمتم مع المسيح فاطلبوا ما فوق.. اهتموا بما فوق لا بما على الأرض.. أميتوا أعضاءكم التي على الأرض كو1:3-5
خد بالك التجلى ده مش استعراض لمجد يسوع اد ما هو محسوب للانسان و المجد اللى حنبقى عليه ...كل حاجة عملها المسيح او ظهر بيها هى علة و سبب اننا نبقى زيه
خد بالك لوقا القديس لما حكى نفس القصة قال بعد 8 ايام ...8 و لا 6 ؟؟؟؟؟؟
وبعد ستة أيام.. ويقول لوقا وبعد هذا الكلام بنحو ثمانية أيام ..حل هذه المشكلة بسيط فالقديس لوقا أحصى اليوم الذي فيه أعلن الرب وعده وأحصى يوم التجلى، أما متى ومرقس فأحصوا الأيام الستة التي بين يوم الوعد ويوم التجلي..خد بالك 6 يشاور على النسان و نقصه اللى شاله المسيح على الصليب فى اليوم السادس و الساعة السادسة علشان نوصل للابدية اللى بيتشاور عليها باليوم التامن ...
نشوف هنا صورة رائعة للملكوت، ربنا مش إله أموات بل إله أحياء. وفي المجد حننعم كلنا بالعشرة الحلوة مع المسيح، هو في مجده ونحن معه في المجد في فرح أبدي، هو يفرح بالبشرية ونحن نفرح بيه. و فيه حوار بين موسى وإيليا وبين المسيح، و ده الى حيحصل لنا في السماء، مش حنبقى منعزلين عنه، لكن في علاقة حب وحوار ومعاملات حلوة وأبدية
المسيح غاية الناموس و مركز النبوات موسى و ايليا
المسيح اله احياء ما فيش موت ايليا انتقل و موسى مات
موسى حليم و ايليا نارى ... الملكوت عاوز قلب حليم و غيرة نارية و اشتياق
جمع ربنا كنيسة العهدين موسى و ايليا و تلاميذه و بقى كله فيه واحد
موسى غلب فرعون و ايليا غلب اخاب و عبادة البعل و كلها رموز للنصرة على الشيطان اللى دهسه المسيح بالصليب
انبهر بطرس بالمنظر فكل اللى كان عاوزه ان يفضل بقه كده على طول فيه و المسيح ياسس الملكوت على الجبل كده و قال لما يعمل 3 شماسى او مظال حيخلى المسيح يقعد قال يعنى بيحميه من الشمس و لا المطر بس أصلا النور طالع من جسد يسوع .. منظر سماوى خلاب علشان كده مش عارف بيقول ايه
عاوز يبقيه و خلاص ... مرة مارجرجس ظهر لراجل عجوز غلبان و كان مش عارف يمشى في يوم مطر و ظلمة و هو مش عارف يروح مش شايف و خايف يتزحلق فنده على مارجرجس بعشم كده و بساطة و قاله يعنى سايبنى كده و انت عندك حصانك جاله مارجرجس و فضل ماشى قدامه لغاية ما وصله البيت ... المنظر عاجب الراجل طبعا و ماشى ببطء و عاوز يستبقيه باى طريقة ... وصل البيت خاف يمشى قال له اوع تسيبنى السلم ضلمة ... طلع قدامه السلم ... بسرعة قاله استنى ادخل المفتاح الباب مش حشوف ... طلع المفتاح و راح فتح و بسرعة صرخ فى مراته مارجرجرس على الباب ياولية !!!!!!!!!! خرجت مراته كان مارجرجس اختفى ....فى ظهور العدرا ببابا دوبلو بشبرا سمحت النعمة انى اشوفها و اصلا كنت رايح متشكك و بالصدفة ... و كنت حمشى بخطيتى و غلاظة قلبى و بعدين قعدت شوية و لما ظهرت لغاية النهاردة عاوز اعرف انا قلت لها ايه معرفش كل اللى فاكره كويس انى عمال اعيط و اصرخ بكلام مش مفهوم حتى مش عارف مضمونه .. بعترف و لا بمجدها و لا ايه ... السماء خلابه للقلوب و العقول ... علشان كده كان فيه قديسين يخشوا فى حالة دهش و هما بيصلوا يعنى وسط الصلاة تلاقيه قال كلمة و روحه و عقله اتسبوا ساعات و عينيهم للسماء و بعدها يرجعوا لوعيهم و ما يحسوش ان مر ساعات حصلت دى مع ابونا فلتاؤوس ...
ربنا يدينا نصعد فنعاين مجده
لالهنا كل المجد و الكرامة



نبيل شحاتة

[sama smsma]

انا امرك
11 فَسَأَلُوهُ قَائِليِنَ: «لِمَاذَا يَقُولُ الْكَتَبَةُ: إِنَّ إِيلِيَّا يَنْبَغِي أَنْ يَأْتِيَ أَوَّلاً؟»
12 فَأَجَابَ وَقَالَ لَهُمْ: «إِنَّ إِيلِيَّا يَأْتِي أَوَّلاً وَيَرُدُّ كُلَّ شَيْءٍ. وَكَيْفَ هُوَ مَكْتُوبٌ عَنِ ابْنِ الإِنْسَانِ أَنْ يَتَأَلَّمَ كَثِيرًا وَيُرْذَلَ.
13 لكِنْ أَقُولُ لَكُمْ: إِنَّ إِيلِيَّا أَيْضًا قَدْ أَتَى، وَعَمِلُوا بِهِ كُلَّ مَا أَرَادُوا، كَمَا هُوَ مَكْتُوبٌ عَنْهُ».
14 وَلَمَّا جَاءَ إِلَى التَّلاَمِيذِ رَأَى جَمْعًا كَثِيرًا حَوْلَهُمْ وَكَتَبَةً يُحَاوِرُونَهُمْ.
15 وَلِلْوَقْتِ كُلُّ الْجَمْعِ لَمَّا رَأَوْهُ تَحَيَّرُوا، وَرَكَضُوا وَسَلَّمُوا عَلَيْهِ.
16 فَسَأَلَ الْكَتَبَةَ: «بِمَاذَا تُحَاوِرُونَهُمْ؟»
17 فَأَجَابَ وَاحِدٌ مِنَ الْجَمْعِ وَقَالَ : «يَا مُعَلِّمُ، قَدْ قَدَّمْتُ إِلَيْكَ ابْنِي بِهِ رُوحٌ أَخْرَسُ،
18 وَحَيْثُمَا أَدْرَكَهُ يُمَزِّقْهُ فَيُزْبِدُ وَيَصِرُّ بِأَسْنَانِهِ وَيَيْبَسُ. فَقُلْتُ لِتَلاَمِيذِكَ أَنْ يُخْرِجُوهُ فَلَمْ يَقْدِرُوا».
19 فَأَجَابَ وَقَالَ لَهُمْ: «أَيُّهَا الْجِيلُ غَيْرُ الْمُؤْمِنِ، إِلَى مَتَى أَكُونُ مَعَكُمْ؟ إِلَى مَتَى أَحْتَمِلُكُمْ؟ قَدِّمُوهُ إِلَيَّ!».
20 فَقَدَّمُوهُ إِلَيْهِ. فَلَمَّا رَآهُ لِلْوَقْتِ صَرَعَهُ الرُّوحُ، فَوَقَعَ عَلَى الأَرْضِ يَتَمَرَّغُ وَيُزْبِدُ.
21 فَسَأَلَ أَبَاهُ: «كَمْ مِنَ الزَّمَانِ مُنْذُ أَصَابَهُ هذَا؟» فَقَالَ: «مُنْذُ صِبَاهُ.
22 وَكَثِيرًا مَا أَلْقَاهُ فِي النَّارِ وَفِي الْمَاءِ لِيُهْلِكَهُ. لكِنْ إِنْ كُنْتَ تَسْتَطِيعُ شَيْئًا فَتَحَنَّنْ عَلَيْنَا وَأَعِنَّا».
23 فَقَالَ لَهُ يَسُوعُ: «إِنْ كُنْتَ تَسْتَطِيعُ أَنْ تُؤْمِنَ. كُلُّ شَيْءٍ مُسْتَطَاعٌ لِلْمُؤْمِنِ».
24 فَلِلْوَقْتِ صَرَخَ أَبُو الْوَلَدِ بِدُمُوعٍ وَقَالَ: «أُومِنُ يَا سَيِّدُ، فَأَعِنْ عَدَمَ إِيمَانِي».
25 فَلَمَّا رَأَى يَسُوعُ أَنَّ الْجَمْعَ يَتَرَاكَضُونَ، انْتَهَرَ الرُّوحَ النَّجِسَ قَائِلاً لَهُ: «أَيُّهَا الرُّوحُ الأَخْرَسُ الأَصَمُّ، أَنَا آمُرُكَ: اخْرُجْ مِنْهُ وَلاَ تَدْخُلْهُ أَيْضًا!»
26 فَصَرَخَ وَصَرَعَهُ شَدِيدًا وَخَرَجَ. فَصَارَ كَمَيْتٍ، حَتَّى قَالَ كَثِيرُونَ: «إِنَّهُ مَاتَ!».
27 فَأَمْسَكَهُ يَسُوعُ بِيَدِهِ وَأَقَامَهُ، فَقَامَ.
28 وَلَمَّا دَخَلَ بَيْتًا سَأَلَهُ تَلاَمِيذُهُ عَلَى انْفِرَادٍ: «لِمَاذَا لَمْ نَقْدِرْ نَحْنُ أَنْ نُخْرِجَهُ؟»
29 فَقَالَ لَهُمْ: «هذَا الْجِنْسُ لاَ يُمْكِنُ أَنْ يَخْرُجَ بِشَيْءٍ إِلاَّ بِالصَّلاَةِ وَالصَّوْمِ».
ايليا ..جاء دي إشارة ليوحنا المعمدان اللي جه بقوة ايليا و اللي رفض إرضاء هيرودس زي ما رفض ايليا إرضاء اخاب و اللي عاش في البرية زي ايليا و اللي دعا للتوبة و الرجوع لله ..
حاول التلاميذ التسعة اللي ما حضروش التجلي أنهم يخرجوا روحاً نجساً أخرس وأصم يسكن شاباً قدمه ليهم ابوه، لكنهم فشلوا لضعف إيمانهم. و اكسبتهم خيبتهم استهزاء خصومهم بين الجمهور، و بقوا في خجل عظيم. وزاد عذابهم لما حاورهم هؤلاء العلماء اللي هم الكتبة وطرحوا عليهم أسئلة يعجز عن حلها البسطاء اللي زيهم وشعر الناس باقتراب المسيح ورفقائه نازلين من على الجبل ومعهم جمهور كان قد استقبلهم قبل وصولهم إلى التلاميذ التسعة. ومع علم المسيح بما جرى، طلب من الكتبة أن يخبروه بموضوع محاورتهم مع تلاميذه. لكن أبو الولد المصاب معطهمش الفرصة للجواب، وصرخ طالباً منه أن يفعل له ما عجز التلاميذ عن فعله. وقال للمسيح إن ولده وحيد وإن روحاً شريراً يسكنه، وحيثما أدركه يمزقه ويصرعه فيزبد ويصرّ بأسنانه وييبس ويتألم، وبالجهد يفارقه مرضضاً إياه، وكثيراً ما ألقاه في النار وفي الماء ليهلكه.
قسوة الشيطان التي لا ترحم ..يهلك من يلتف حوله بنعومة الحية و أنوثة دليلة و اغراء امرأة فوطيفار إلي أن يحكم الالتفاف و بعدها يبدأ الاختناق و الهلاك ..اوع تفتكر أن المتعة اللي بتاخدها من الخطية حتستمر ..عادات جنسية كتيرة و شهوات لذتها بتروح لكن بنبقي عبيد ليها ..و نهايتها هلاك بعيد عننا .. اوع تفتكر في يوم العالم بيحبك و لا الشيطان بيدللك ...ده تدليل دليلة لشمشون لحين ما تربطه حينئذ تصرعه و تذله و يفقد عينيه..الشيطان بيكرهك كره العمي
، فكان جواب المسيح علي فشل تلاميذه توبيخاً عاماً للحاضرين، يشمل الكتبة الذين حاوروا تلاميذه، ويشمل الذين فشلوا، ويشمل الأب اللي قصر في إيمانه. قال المسيح: "أيها الجيل غير المؤمن والملتوي، إلى متى أكون معكم؟ إلى متى أحتملكم؟"
"قدم ابنك إلى هنا"..قدم الخراب اللي في حياتك للمسيح .. جسدك اللي ماسكة فيه خطية و لا شهوة و لا عاطفة مرة ..قدم اخوك اللي ظلمك و سلبك حقوقك بتاثير روح شرير طامع مع أنه في يوم كان بيحبك ..قدمي زوجك اللي واجعك و مش مرتاحة معاه .. قدم مراتك اللي بقالك سنين من بدايات جوازكم و انتوا في طريق مختلف و نكد ..قدم ولادك اللي مش عاجبك حالهم ..قدم مخدومينك الماسورين و المحتاجين ...قدم ابنك الي هنا
غالبا ابو الولد كان فاهم من التسعة أن المسيح أعطاهم سلطاناً كافياً لإخراج الأرواح. فلما وجدهم عاجزين عن شفاء ابنه افتكر أن المسيح سيعجز أيضاً. لكن المسيح قال له: "كل شيء مستطاع للمؤمن". فكأنه يقول للرجل و بيقول ليا و ليك الخلل مش في استطاعتي أن أشفي ابنك او اشفيك ، الخلل في استطاعتك أن تؤمن بيا ". صرخ أب الولد بدموع قائلاً: "أؤمن يا سيد، فأعن عدم إيماني"...طب طالما قاله اؤمن يرجع يقوله تاني ليه اعن ضعف ايماني ؟!!!!!!!!!
لاني اؤمن بس ايماني ناقص ..مهزوز ..مش ثابت ..كتير اقع في مشكلة و تاخدني حمية الايمان و الثقة أن ربنا حيحلها لكن اول ما تتعقد اشك و اهتز و اكتئب ..ايمان صنع في الصين مش اصلي يعني زي ايمان ايليا اللي صلي ٦ مرات للمطر و في الاخر يشوف سحابة قد قبضة الايد فيقول الي معاه بسرعة المطر حينزل بغزارة
خد بالك ديما قبل الشفاء و التعافي أو الرجوع لربنا غالبا الشيطان بيجيب آخره .. بذل الشيطان منتهى قدرته قبل خروجه من الشاب لكي يعذبه ويهلكه إن أمكن ...اول ما تقول يا طهارة كل الضغوط الجنسية و العاطفة القديمة و الاغراءات ..اول ما تقولي يا غفران و مسامحة كل المعاملة السيئة و التجاهل و الاساءة من اللي حتغفرى له ..اول ما تقول مع ربنا حمشي ضغط مادي و نفسي و مشاكل تقولك هو فين ربنا بتاعك ده ...هي كده ..يقول الكتاب يابني إذا خرجت لخدمة ربك اصبر لما يأتي عليك ..طول ما هو متملك عليك سايبك تقع لوحدك لكن اول ما تنتفض يفوق لك و يحاول أن يقيدك من جديد ..لكن ايد يسوع تمسكك و تقومك و تحررك و تخلصك بكلمة ..انا امرك ..متخفش انت في ايد اللي ليه القدرة و السلطان ...انا امرك ...انا امرك يا فلان عامل بنتي مراتك كويس ..انا امرك يا فلان صالح اخواتك و رجع حقوقهم ..انا امرك ياقلب فلان بطل تعلق عاطفي حيضيعك.. انا امرك يا فلانة عاملي جوزك كويس و طلعي الحب اللي جواكي و حاجات كتير ربنا يقدر لو امنت بس يقول لها ..انا امرك ...
ولا تدخله ايضا ...فيه خطايا و قيود نفتكر أن مستحيل نبطلها و كل ما نتوب و تعترف ترجع تاني ... فيه حاجات نفتكر أن مستحيل نتخلص منها و ليها سنين كسرانا و ذلانا ....قدم ابنك هنا ...و امن ...بدموع .. و طلب من القلب ..تحنن علينا و اعنا
حتسمعه بيقول انا امرك ... اخرج منه ..و لا تدخله ايضا
لالهنا كل المجد



نبيل شحاتة

[sama smsma]

انا امرك
11 فَسَأَلُوهُ قَائِليِنَ: «لِمَاذَا يَقُولُ الْكَتَبَةُ: إِنَّ إِيلِيَّا يَنْبَغِي أَنْ يَأْتِيَ أَوَّلاً؟»
12 فَأَجَابَ وَقَالَ لَهُمْ: «إِنَّ إِيلِيَّا يَأْتِي أَوَّلاً وَيَرُدُّ كُلَّ شَيْءٍ. وَكَيْفَ هُوَ مَكْتُوبٌ عَنِ ابْنِ الإِنْسَانِ أَنْ يَتَأَلَّمَ كَثِيرًا وَيُرْذَلَ.
13 لكِنْ أَقُولُ لَكُمْ: إِنَّ إِيلِيَّا أَيْضًا قَدْ أَتَى، وَعَمِلُوا بِهِ كُلَّ مَا أَرَادُوا، كَمَا هُوَ مَكْتُوبٌ عَنْهُ».
14 وَلَمَّا جَاءَ إِلَى التَّلاَمِيذِ رَأَى جَمْعًا كَثِيرًا حَوْلَهُمْ وَكَتَبَةً يُحَاوِرُونَهُمْ.
15 وَلِلْوَقْتِ كُلُّ الْجَمْعِ لَمَّا رَأَوْهُ تَحَيَّرُوا، وَرَكَضُوا وَسَلَّمُوا عَلَيْهِ.
16 فَسَأَلَ الْكَتَبَةَ: «بِمَاذَا تُحَاوِرُونَهُمْ؟»
17 فَأَجَابَ وَاحِدٌ مِنَ الْجَمْعِ وَقَالَ : «يَا مُعَلِّمُ، قَدْ قَدَّمْتُ إِلَيْكَ ابْنِي بِهِ رُوحٌ أَخْرَسُ،
18 وَحَيْثُمَا أَدْرَكَهُ يُمَزِّقْهُ فَيُزْبِدُ وَيَصِرُّ بِأَسْنَانِهِ وَيَيْبَسُ. فَقُلْتُ لِتَلاَمِيذِكَ أَنْ يُخْرِجُوهُ فَلَمْ يَقْدِرُوا».
19 فَأَجَابَ وَقَالَ لَهُمْ: «أَيُّهَا الْجِيلُ غَيْرُ الْمُؤْمِنِ، إِلَى مَتَى أَكُونُ مَعَكُمْ؟ إِلَى مَتَى أَحْتَمِلُكُمْ؟ قَدِّمُوهُ إِلَيَّ!».
20 فَقَدَّمُوهُ إِلَيْهِ. فَلَمَّا رَآهُ لِلْوَقْتِ صَرَعَهُ الرُّوحُ، فَوَقَعَ عَلَى الأَرْضِ يَتَمَرَّغُ وَيُزْبِدُ.
21 فَسَأَلَ أَبَاهُ: «كَمْ مِنَ الزَّمَانِ مُنْذُ أَصَابَهُ هذَا؟» فَقَالَ: «مُنْذُ صِبَاهُ.
22 وَكَثِيرًا مَا أَلْقَاهُ فِي النَّارِ وَفِي الْمَاءِ لِيُهْلِكَهُ. لكِنْ إِنْ كُنْتَ تَسْتَطِيعُ شَيْئًا فَتَحَنَّنْ عَلَيْنَا وَأَعِنَّا».
23 فَقَالَ لَهُ يَسُوعُ: «إِنْ كُنْتَ تَسْتَطِيعُ أَنْ تُؤْمِنَ. كُلُّ شَيْءٍ مُسْتَطَاعٌ لِلْمُؤْمِنِ».
24 فَلِلْوَقْتِ صَرَخَ أَبُو الْوَلَدِ بِدُمُوعٍ وَقَالَ: «أُومِنُ يَا سَيِّدُ، فَأَعِنْ عَدَمَ إِيمَانِي».
25 فَلَمَّا رَأَى يَسُوعُ أَنَّ الْجَمْعَ يَتَرَاكَضُونَ، انْتَهَرَ الرُّوحَ النَّجِسَ قَائِلاً لَهُ: «أَيُّهَا الرُّوحُ الأَخْرَسُ الأَصَمُّ، أَنَا آمُرُكَ: اخْرُجْ مِنْهُ وَلاَ تَدْخُلْهُ أَيْضًا!»
26 فَصَرَخَ وَصَرَعَهُ شَدِيدًا وَخَرَجَ. فَصَارَ كَمَيْتٍ، حَتَّى قَالَ كَثِيرُونَ: «إِنَّهُ مَاتَ!».
27 فَأَمْسَكَهُ يَسُوعُ بِيَدِهِ وَأَقَامَهُ، فَقَامَ.
28 وَلَمَّا دَخَلَ بَيْتًا سَأَلَهُ تَلاَمِيذُهُ عَلَى انْفِرَادٍ: «لِمَاذَا لَمْ نَقْدِرْ نَحْنُ أَنْ نُخْرِجَهُ؟»
29 فَقَالَ لَهُمْ: «هذَا الْجِنْسُ لاَ يُمْكِنُ أَنْ يَخْرُجَ بِشَيْءٍ إِلاَّ بِالصَّلاَةِ وَالصَّوْمِ».
ايليا ..جاء دي إشارة ليوحنا المعمدان اللي جه بقوة ايليا و اللي رفض إرضاء هيرودس زي ما رفض ايليا إرضاء اخاب و اللي عاش في البرية زي ايليا و اللي دعا للتوبة و الرجوع لله ..
حاول التلاميذ التسعة اللي ما حضروش التجلي أنهم يخرجوا روحاً نجساً أخرس وأصم يسكن شاباً قدمه ليهم ابوه، لكنهم فشلوا لضعف إيمانهم. و اكسبتهم خيبتهم استهزاء خصومهم بين الجمهور، و بقوا في خجل عظيم. وزاد عذابهم لما حاورهم هؤلاء العلماء اللي هم الكتبة وطرحوا عليهم أسئلة يعجز عن حلها البسطاء اللي زيهم وشعر الناس باقتراب المسيح ورفقائه نازلين من على الجبل ومعهم جمهور كان قد استقبلهم قبل وصولهم إلى التلاميذ التسعة. ومع علم المسيح بما جرى، طلب من الكتبة أن يخبروه بموضوع محاورتهم مع تلاميذه. لكن أبو الولد المصاب معطهمش الفرصة للجواب، وصرخ طالباً منه أن يفعل له ما عجز التلاميذ عن فعله. وقال للمسيح إن ولده وحيد وإن روحاً شريراً يسكنه، وحيثما أدركه يمزقه ويصرعه فيزبد ويصرّ بأسنانه وييبس ويتألم، وبالجهد يفارقه مرضضاً إياه، وكثيراً ما ألقاه في النار وفي الماء ليهلكه.
قسوة الشيطان التي لا ترحم ..يهلك من يلتف حوله بنعومة الحية و أنوثة دليلة و اغراء امرأة فوطيفار إلي أن يحكم الالتفاف و بعدها يبدأ الاختناق و الهلاك ..اوع تفتكر أن المتعة اللي بتاخدها من الخطية حتستمر ..عادات جنسية كتيرة و شهوات لذتها بتروح لكن بنبقي عبيد ليها ..و نهايتها هلاك بعيد عننا .. اوع تفتكر في يوم العالم بيحبك و لا الشيطان بيدللك ...ده تدليل دليلة لشمشون لحين ما تربطه حينئذ تصرعه و تذله و يفقد عينيه..الشيطان بيكرهك كره العمي
، فكان جواب المسيح علي فشل تلاميذه توبيخاً عاماً للحاضرين، يشمل الكتبة الذين حاوروا تلاميذه، ويشمل الذين فشلوا، ويشمل الأب اللي قصر في إيمانه. قال المسيح: "أيها الجيل غير المؤمن والملتوي، إلى متى أكون معكم؟ إلى متى أحتملكم؟"
"قدم ابنك إلى هنا"..قدم الخراب اللي في حياتك للمسيح .. جسدك اللي ماسكة فيه خطية و لا شهوة و لا عاطفة مرة ..قدم اخوك اللي ظلمك و سلبك حقوقك بتاثير روح شرير طامع مع أنه في يوم كان بيحبك ..قدمي زوجك اللي واجعك و مش مرتاحة معاه .. قدم مراتك اللي بقالك سنين من بدايات جوازكم و انتوا في طريق مختلف و نكد ..قدم ولادك اللي مش عاجبك حالهم ..قدم مخدومينك الماسورين و المحتاجين ...قدم ابنك الي هنا
غالبا ابو الولد كان فاهم من التسعة أن المسيح أعطاهم سلطاناً كافياً لإخراج الأرواح. فلما وجدهم عاجزين عن شفاء ابنه افتكر أن المسيح سيعجز أيضاً. لكن المسيح قال له: "كل شيء مستطاع للمؤمن". فكأنه يقول للرجل و بيقول ليا و ليك الخلل مش في استطاعتي أن أشفي ابنك او اشفيك ، الخلل في استطاعتك أن تؤمن بيا ". صرخ أب الولد بدموع قائلاً: "أؤمن يا سيد، فأعن عدم إيماني"...طب طالما قاله اؤمن يرجع يقوله تاني ليه اعن ضعف ايماني ؟!!!!!!!!!
لاني اؤمن بس ايماني ناقص ..مهزوز ..مش ثابت ..كتير اقع في مشكلة و تاخدني حمية الايمان و الثقة أن ربنا حيحلها لكن اول ما تتعقد اشك و اهتز و اكتئب ..ايمان صنع في الصين مش اصلي يعني زي ايمان ايليا اللي صلي ٦ مرات للمطر و في الاخر يشوف سحابة قد قبضة الايد فيقول الي معاه بسرعة المطر حينزل بغزارة
خد بالك ديما قبل الشفاء و التعافي أو الرجوع لربنا غالبا الشيطان بيجيب آخره .. بذل الشيطان منتهى قدرته قبل خروجه من الشاب لكي يعذبه ويهلكه إن أمكن ...اول ما تقول يا طهارة كل الضغوط الجنسية و العاطفة القديمة و الاغراءات ..اول ما تقولي يا غفران و مسامحة كل المعاملة السيئة و التجاهل و الاساءة من اللي حتغفرى له ..اول ما تقول مع ربنا حمشي ضغط مادي و نفسي و مشاكل تقولك هو فين ربنا بتاعك ده ...هي كده ..يقول الكتاب يابني إذا خرجت لخدمة ربك اصبر لما يأتي عليك ..طول ما هو متملك عليك سايبك تقع لوحدك لكن اول ما تنتفض يفوق لك و يحاول أن يقيدك من جديد ..لكن ايد يسوع تمسكك و تقومك و تحررك و تخلصك بكلمة ..انا امرك ..متخفش انت في ايد اللي ليه القدرة و السلطان ...انا امرك ...انا امرك يا فلان عامل بنتي مراتك كويس ..انا امرك يا فلان صالح اخواتك و رجع حقوقهم ..انا امرك ياقلب فلان بطل تعلق عاطفي حيضيعك.. انا امرك يا فلانة عاملي جوزك كويس و طلعي الحب اللي جواكي و حاجات كتير ربنا يقدر لو امنت بس يقول لها ..انا امرك ...
ولا تدخله ايضا ...فيه خطايا و قيود نفتكر أن مستحيل نبطلها و كل ما نتوب و تعترف ترجع تاني ... فيه حاجات نفتكر أن مستحيل نتخلص منها و ليها سنين كسرانا و ذلانا ....قدم ابنك هنا ...و امن ...بدموع .. و طلب من القلب ..تحنن علينا و اعنا
حتسمعه بيقول انا امرك ... اخرج منه ..و لا تدخله ايضا
لالهنا كل المجد



نبيل شحاتة

[sama smsma]

بل من لطمك على خدك الأيمن فحوّل له الآخر أيضًا ..


مش معناها حرفي ..لأنه اصلا لما حد بيضرب التاني قلم بيضربه علي خده الشمال مش اليمين الا اذا كان الضارب اشول ..
معناها الخد الأيمن بيشاور علي الكرامة الروحيّة أو المجد الروحي اليمين كده ..جلست الملكة عن يمين الملك ...حيخلي الخراف عن يمينه ..هو جلس يمين الاب ....و المقصود ان كان إنسان يسيء إلينا علشان يحطم كرامتنا الروحيّة فبالحب نقدّم له الخد الأيسر أيضًا يعني الكرامة والأمجاد الزمنيّة والماديّة..لا احنا ملطشة و لا دعوة للضعف و الا المسيح كان أولي بتنفيذ الوصية حرفي لما ضربه الجندي في المحاكمة بالقلم و لطمه ..ما حولهوش الاخر يعني ... لكن دور عن الحق دون رد الاساءة و قدم حب للآخر ..سأله ايه الردىء اللي قلته و لو ماقلتش بتضرب ليه ..مش قاله انت بتضربني يا كذا و كذا و خدته الحمية و كان ممكن ببصة عين يولع فيه .. لو حتضيع ابديتنا بسبب صراع فبناقص الحاجة اللي عليها صراع ..نطلب حقنا بهدؤ و إصرار و شرعية .. و الآباء ينصحونا اننا لا ننفذ هذه الوصية حرفيا دون أن يكون لنا قلب ممتلىء بالحب لئلا ننفذها شكلا و جوانا كراهية و غضب ...التنفيذ الحرفي ده مستوى روحي عالي اوي ...علينا أن نصلي و نجاهد أن نصل إليه ..رغم أنه كحرف مش ده قصد الوصية
نبيل شحاتة

[sama smsma]

اخر الكل و خادم الكل



30 وَخَرَجُوا مِنْ هُنَاكَ وَاجْتَازُوا الْجَلِيلَ، وَلَمْ يُرِدْ أَنْ يَعْلَمَ أَحَدٌ،
31 لأَنَّهُ كَانَ يُعَلِّمُ تَلاَمِيذَهُ وَيَقُولُ لَهُمْ: «إِنَّ ابْنَ الإِنْسَانِ يُسَلَّمُ إِلَى أَيْدِي النَّاسِ فَيَقْتُلُونَهُ. وَبَعْدَ أَنْ يُقْتَلَ يَقُومُ فِي الْيَوْمِ الثَّالِثِ».
32 وَأَمَّا هُمْ فَلَمْ يَفْهَمُوا الْقَوْلَ، وَخَافُوا أَنْ يَسْأَلُوهُ.
33 وَجَاءَ إِلَى كَفْرِنَاحُومَ. وَإِذْ كَانَ فِي الْبَيْتِ سَأَلَهُمْ: «بِمَاذَا كُنْتُمْ تَتَكَالَمُونَ فِيمَا بَيْنَكُمْ فِي الطَّرِيقِ؟»
34 فَسَكَتُوا، لأَنَّهُمْ تَحَاجُّوا فِي الطَّرِيقِ بَعْضُهُمْ مَعَ بَعْضٍ فِي مَنْ هُوَ أَعْظَمُ.
35 فَجَلَسَ وَنَادَى الاثْنَيْ عَشَرَ وَقَالَ لَهُمْ: «إِذَا أَرَادَ أَحَدٌ أَنْ يَكُونَ أَوَّلاً فَيَكُونُ آخِرَ الْكُلِّ وَخَادِمًا لِلْكُلِّ».
36 فَأَخَذَ وَلَدًا وَأَقَامَهُ فِي وَسْطِهِمْ ثُمَّ احْتَضَنَهُ وَقَالَ لَهُمْ:
37 «مَنْ قَبِلَ وَاحِدًا مِنْ أَوْلاَدٍ مِثْلَ هذَا بِاسْمِي يَقْبَلُنِي، وَمَنْ قَبِلَنِي فَلَيْسَ يَقْبَلُنِي أَنَا بَلِ الَّذِي أَرْسَلَنِي».

كانت أحداث الصليب تقترب، علشان كده أكثر من مرة كان السيد يختلي بتلاميذه، ليؤكد لهم ضرورة تسليمه وقتله وقيامته.، هذه المرة ما فهموش وخافوا أن يسألوه ، ماهو مش ممكن للفكر البشري أن يتقبل قيام ملكوت الله على خشبة العار (الصليب)
و مين اللي يتصلب ؟! اللي بيعمل معجزات و يسكت البحر و يقيم الموتي ..اكيد صعبة !! خافوا يسالوه يمكن علشان المرة اللي انتهر فيها بطرس لما قاله حشاك انك تتصلب و قاله اذهب عني يا شيطان ..يمكن خافوا و هم بيدوروا علي مجدهم الشخصي اللي تدويرهم ده حيبان بعد شوية أنهم يبانوا قدام المسيح أنهم في جهل مش فاهمينه ..زي ساعات موظف يبقي واقف قدام صاحب الشركة و يطلب منه صاحب الشركة طلبات منها حاجات مش فاهمها ..يقوله فهمت المطلوب يقوله أيوة يافندم علشان يبان أنه كفاءة و يخرج يسأل السكرتيرة أو زميله هو الباشا كان يقصد اعمل ايه لما قال كذا و كذا ..
و هم ماشيين كل حلمهم أن المسيح ده ملكه ارضي و أنه بقه لما يملك حيخلي مين دراعه اليمين و مين وزيره و مين رئيس ...ربنا عرف اللي جواهم ..و ابتدأ يؤسس شروط الملكوت اللي افتكروه ميراث زمني و مجد ارضي
سألهم الاول بتتكلموا في ايه ..سكتوا مكسوفين لما حسوا في نبرته لوم ..كان عاوزهم يفتحوا الجرح القديم اللي بسببه اتجسد و اتصلب ..الكرامة و الذات ..و يديهم الدواء لعلاج هذا الجرح ..العلاج ..اخر الكل و خادم الكل ..اللي دخلني الكنيسة خادم بقي قسيس من فترة اسمه م.شيرين كان بيخدمني في ثانوي .ما دخلنيش بوعظ لكن بروح و خدمة و حب ..كنا في إسكندرية و أثناء الغدا لقيته بعد ما حط لينا كلنا الاكل بيدي اكله لواحد قال إنه لسه جعان و هو بيقوله خد ده زيادة بس انا كنت شايف أنه طبقه ..و برضه واد رزل عليا و دلق زيت علي قميصي و كان غالي بس انا بقلة ادب و تبجح رميت القميص في الزبالة علي أنه باظ ..صحيت٣ الفجر اشرب من المطبخ لقيته واخد قميصي من الزبالة و مسخن مية و بيغسله بايده بسافو و معلق علي الفول علشان يتدمس لفطارنا ..اخر الكل و خادم الكل ...ياللي بتصارع اخوك في الخدمة علشان انت تظهر ياللي بتاخدي الميكرفون قدامك و انتي في الكورال ...اخر الكل و خادم الكل ...ياللي بترجع البيت سي سيد و عاوز الكل يخدمك ..ياللي منشفة ريق العيال لوم و توبيخ علشان نسيوا يودوا اطباقهم المطبخ و لا نسي يجيبلك حاجة قولتي له عليها ...اخر الكل و خادم الكل ..ياللي بتجري تشترى هدومك الاول و تاخدي النصيب الأول من كل حاجة و مش مهم اخواتك ...اخر الكل و خادم الكل ..ياللي حطة تعبك فوق تعبه و بوز و تكشيرة و حضر الاكل لنفسك انا هلكت و كأنه كان مقضي اليوم في البيسين ..اخر الكل و خادم الكل ..ياللي بتغظيها و تقولها اعملي لي شاي و لو قالت مش قادرة اعمل انت ترد ليه بتعملي ايه طول النهار ..اعمل لنفسك و اعملها معاك ..اخر الكل و خادم الكل ..
لذيذ يسوع ده ..وقف ولد صغير في النص اكيد الولد اتخض وواقف قدام شنبات و دقون و العين عليه ..ماتفتهوش يسوع دي ..يحضنه و يطمنه و بعدين يكمل ...علمهم ازاي يقبلوا البشرية و الاخر ايا من كان كطفل يغسلوا له رجله و يقبلوه ...و كأنهم بالأب السماوي فعلوا ..خد بالك ساعات ناس بتفتكر من قبل واحدا يعني باسه بوسة ..لا لكنه يقصد قبله في الإيمان بالمسيح
Whosoever shall receive one of such children in my name,
يقصد تقبل اللي علي اده و الصغير ...سؤال سخيف لما واحد يسال واحد أول مرة تخدم ...؟! و ايه يعني ...الاجمل تقوله تعالي اخدم معانا ..
لالهنا المجد و الكرامة



نبيل شحاتة

[sama smsma]

و بعد هذا ...أبصرت ..وإذا باب مفتوح في السماء


اااه ياسيد ...اريد أن ابصر هذا الباب مثلما قالها حبيبك يوحنا ...لم يقلها في راحة بل في ضيقة عظيمة و لكنك لا تفتر ان تعزي سائليك و تفتح بابا حينما تغلق كل ابواب النجاة و توصد ..اريد مفتاح هذا الباب ..هل تقبل دموعي التي بلا ماء فهي دموع الرجال اللذين يتظاهرون بالقوة و التحمل حتي لا يضعف من يحبوه و يستندوا عليه في هذه الحياة السخيفة لكنك وحدك الذي تشعر بدموعي هذه التي هي أكثر وجعا .. فهل تقبلها لتهبني مفتاحا لهذا الباب ؟! ...هل تقبل اعترافي بخطيتي و نجاساتي التي لا يعلمها الا انت وحدك و انني غير مستحق للنظر إليك أو حتي الطلب منك ..فهل تقبل انكسارى لتعطيني مفتاحا سيدي لهذا الباب ...هل ستفتح باب السماء متحننا علي صغاري الذين ارعاهم و لا ذنب لهم أن ينالهم شقائي أو تعبي فهم مثل العود الأخضر الذي لا يحتمل ..الا تشفق و تعطيني المفتاح من أجل خاطرهم ؟! ....هل تقبل صمتي علة لكي تعطيني مفتاح بابك ؟! ... هل سجودي امامك و خضوعي كمن لم تعد له رحمة من أحد و بقيت انت وحدك رحيما حتي لو كان سوط تاديبك بيدك و لكن حبك يدمي مدمعك ..الا يحركك خضوعي هذا لكي تفتح الباب ..انني احاجيك بوعودك ...انت قلت ياسيد و يردد كلامك الابد ...
هأنذا قد جعلت أمامك بابًا مفتوحًا، ولا يستطيع أحد أن يغلقه" (رؤ 3: 8)..
أدرك اني لست داودا الذي أنقذته مثل العصفور من الفخ من وجه شاول الذي كان يكرهه و يقسو عليه و يحيك له المؤامرات لكي يهلك و لكنك وهبته حياة و مات شاول ...ضاق داود جدا و صرخ إليك "أكثر من شعر رأسي الذين يبغضونني بلا سبب" (مز 69: 4).ففتحت له بابا في السماء و عاد ليخبرنا بوعودك "الرب هو ناصري. مجدي ورافع رأسي. بصوتي إلي الرب صرخت، فاستجاب لي من جبل قدسه" ..لم تتحطم حياته و اخذ من يديك المفتاح .. بهذا احاججك اعطني المفتاح سيدي قبل أن تتحطم حياتي ..
اقوم و اقتل اخي ...قالها عيسو عن يعقوب و لكنك وهبت حبيبك اسرائيل بابا في السماء و رأى سلما بين الارض و السماء و عاين مجدك ... اعلم انني لست في بره بل في اعوجاجه و مراوغته و افوقه ..و لكنك قبلته ...فبهذا احاججك ...اعطني المفتاح يا سيدي فانت لم تعتبر لخطاياه بل اعتبرت لحبك و مراحمك له كبشر و انا واحد من ضمن هؤلاء البشر ..
افتح يارب باب التوبة و باب الرجوع و باب بيتك و باب الاذان و باب الرحمة و باب المصالحة و باب الرزق ...افتح يارب باب القلوب الغاضبة و الظالمة و القاسية و المعاندة لكي تلين و تهدأ....افتح يارب باب السماء ليدخل نورك فيبصر كل اعمي اي ظلام يحيا فيه ... لم يعد هناك وقتا كثيرا ...الطوفان قادم ..ارسل نوحا يفتح بابا قبل أن يغمر الماء نفسي
افتح يااارب باب السماء و اخرج من الحبس نفسي ...اخرج يااارب من الحبس نفسي .. عفوا سيدي انني بالخارج أئن و ارتعش من برد الحياة فالقي لي بمفتاح بابك لكي ادخل و اتدفأ قليلا .. انت سيدي هو الباب و لا غيرك
نبيل شحاتة

[sama smsma]

"أَمَا عَرَفْتَ أَمْ لَمْ تَسْمَعْ؟ إِلهُ الدَّهْرِ الرَّبُّ خَالِقُ أَطْرَافِ الأَرْضِ لاَ يَكِلُّ وَلاَ يَعْيَا. لَيْسَ عَنْ فَهْمِهِ فَحْصٌ. يُعْطِي الْمُعْيِيَ قُدْرَةً، وَلِعَدِيمِ الْقُوَّةِ يُكَثِّرُ شِدَّةً. اَلْغِلْمَانُ يُعْيُونَ وَيَتْعَبُونَ، وَالْفِتْيَانُ يَتَعَثَّرُونَ تَعَثُّرًا. 31وَأَمَّا مُنْتَظِرُو الرَّبِّ فَيُجَدِّدُونَ قُوَّةً. يَرْفَعُونَ أَجْنِحَةً كَالنُّسُورِ. يَرْكُضُونَ وَلاَ يَتْعَبُونَ. يَمْشُونَ وَلاَ يُعْيُونَ. "
اش ٤٠
علي هذا الوعد أصبحت ...انت قوة من خارت قواه و انت عون من ليس عون له ..قوة الشباب و الغلمان ذهبت و اتكالي علي فهمي لم يشفيني ...مد يدك يا مخلص و خلص من القوا رجاؤهم و اتكالهم عليك ...لاترد ايادينا فارغة ..املاء الاواني زيتا و كوار الدقيق لا يفرغ في وقت جوعي و فقري ..علنا مثلما علت ايليا في قحط و جدب الحياة ..اعد بناء الأسوار التي احترقت و تهدمت ..فإنك تقدر ..فإنك وعدت أن تعطي من يقرع و يطلب و هائنذا اقرع بابك ساجدا ...اعطنا يا الله ...رد لنا بهجة خلاصك ..
نبيل شحاتة

[sama smsma]

احاجيك بوعودك ...سينجي ايضا فيما بعد
كَانَ لَنَا فِي أَنْفُسِنَا حُكْمُ الْمَوْتِ،

لِكَيْ لاَ نَكُونَ مُتَّكِلِينَ عَلَى أَنْفُسِنَا بَلْ عَلَى اللهِ الَّذِي يُقِيمُ الأَمْوَاتَ،
10 الَّذِي نَجَّانَا مِنْ مَوْتٍ مِثْلِ هذَا، وَهُوَ يُنَجِّي.
الَّذِي لَنَا رَجَاءٌ فِيهِ أَنَّهُ سَيُنَجِّي أَيْضًا فِيمَا بَعد
٢كو ١
انت تكلمت بالروح و هكذا قلت ...
و انا اليوم اطلب منك أن تحقق وعدك ..
ليس لبر بل لاحتياج شديد ..

عذرا لم تضع شروطا لكي تنجي ...!!



نبيل شحاتة

[sama smsma]

هَلْ يَحِلُّ لِلرَّجُلِ أَنْ يُطَلِّقَ امْرَأَتَهُ؟


وَقَامَ مِنْ هُنَاكَ وَجَاءَ إِلَى تُخُومِ الْيَهُودِيَّةِ مِنْ عَبْرِ الأُرْدُنِّ. فَاجْتَمَعَ إِلَيْهِ جُمُوعٌ أَيْضًا، وَكَعَادَتِهِ كَانَ أَيْضًا يُعَلِّمُهُمْ.
2 فَتَقَدَّمَ الْفَرِّيسِيُّونَ وَسَأَلُوهُ: «هَلْ يَحِلُّ لِلرَّجُلِ أَنْ يُطَلِّقَ امْرَأَتَهُ؟» لِيُجَرِّبُوهُ.
3 فَأَجَابَ وَقَالَ لَهُمْ: «بِمَاذَا أَوْصَاكُمْ مُوسَى؟»
4 فَقَالُوا: «مُوسَى أَذِنَ أَنْ يُكْتَبَ كِتَابُ طَلاَق، فَتُطَلَّقُ».
5 فَأَجَابَ يَسُوعُ وَقَالَ لَهُمْ: «مِنْ أَجْلِ قَسَاوَةِ قُلُوبِكُمْ كَتَبَ لَكُمْ هذِهِ الْوَصِيَّةَ،
6 وَلكِنْ مِنْ بَدْءِ الْخَلِيقَةِ، ذَكَرًا وَأُنْثَى خَلَقَهُمَا اللهُ.
7 مِنْ أَجْلِ هذَا يَتْرُكُ الرَّجُلُ أَبَاهُ وَأُمَّهُ وَيَلْتَصِقُ بِامْرَأَتِهِ،
8 وَيَكُونُ الاثْنَانِ جَسَدًا وَاحِدًا. إِذًا لَيْسَا بَعْدُ اثْنَيْنِ بَلْ جَسَدٌ وَاحِدٌ.
9 فَالَّذِي جَمَعَهُ اللهُ لاَ يُفَرِّقْهُ إِنْسَانٌ».
10 ثُمَّ فِي الْبَيْتِ سَأَلَهُ تَلاَمِيذُهُ أَيْضًا عَنْ ذلِكَ،
11 فَقَالَ لَهُمْ: «مَنْ طَلَّقَ امْرَأَتَهُ وَتَزَوَّجَ بِأُخْرَى يَزْنِي عَلَيْهَا.
12 وَإِنْ طَلَّقَتِ امْرَأَةٌ زَوْجَهَا وَتَزَوَّجَتْ بِآخَرَ تَزْنِي».
13 وَقَدَّمُوا إِلَيْهِ أَوْلاَدًا لِكَيْ يَلْمِسَهُمْ. وَأَمَّا التَّلاَمِيذُ فَانْتَهَرُوا الَّذِينَ قَدَّمُوهُمْ.
14 فَلَمَّا رَأَى يَسُوعُ ذلِكَ اغْتَاظَ وَقَالَ لَهُمْ: «دَعُوا الأَوْلاَدَ يَأْتُونَ إِلَيَّ وَلاَ تَمْنَعُوهُمْ، لأَنَّ لِمِثْلِ هؤُلاَءِ مَلَكُوتَ اللهِ.
15 اَلْحَقَّ أَقُولُ لَكُمْ: مَنْ لاَ يَقْبَلُ مَلَكُوتَ اللهِ مِثْلَ وَلَدٍ فَلَنْ يَدْخُلَهُ».
16 فَاحْتَضَنَهُمْ وَوَضَعَ يَدَيْهِ عَلَيْهِمْ وَبَارَكَهُمْ.


ابتدا القديس مرقس يحكي عن مرحلة جديدة في كرازة السيد أنه راح اليهودية ..عدي الاردن ناحية الشرق و اتسمت اليهودية علشان تتميز عن السامرة و غيرها ...المرحلة دي كانت صعبة لان السيد المسيح ابتدأ يقدم الوصية الجديدة أو يكمل الوصية بمستوي اعلي و ربما تضييق شكلا اكتر ...
لاحظ أن الكتبة و الفريسين بيتجمعوا حواليه مش حبا فيه لكن علشان الناس ما تتلفش حواليه و يسبوهم كمان علشان يقولوا له اسئلة و يربكوه قدام الناس خصوصا أنهم عرفوا مقدار حنيته ...علشان كده الكتاب يقول ليجربوه ...يعني مش جايين لا يتعلموا منه و لا يقتربوا منه لكن يتصيدوا ليه كلمة
..سؤالهم المرة دي عن هل يحل طلاق امرأة لكل سبب ...خد بالك
كانت فيه مدرستين عند اليهود في موضوع الطلاق:
1. مدرسة الراباى هليل، و دول يسمحون بالطلاق لكل سبب حتى لو مش بتعرف تطبخ أو حتى لو أعجب الراجل بواحدة تانية أخرى وكره مراته
2. مدرسة الراباى شمعى وهي تقيد الطلاق و قالت لسبب الخيانة فقط.
سؤال الفريسيين للمسيح هنا ماكر ، فهو موجه ضد هيرودس وهيروديا فهيرودس كان قد طلق امرأته بنت الحارث ليتزوج بامرأة أخيه فيلبس. فلو منع المسيح الطلاق لإشتكوه لهيرودس فيقتله زي ما قتل المعمدان. ولو سمح المسيح بالطلاق كان يبقي شكله أقل من المعمدان جرأة في الشهادة للحق.
..يسوع تاني و سألهم ايه اللي عندهم من موسي ...بيدي كرامة لموسي مع أنه من كتب الشريعة لموسي ...قالوا له اذن يكتب كتاب الطلاق فتطلق ...هنا خد بالك مش تتطلق علي طول ..لا !!! ..لكن بينكتب كتاب طلاقها يعني ايه اسباب الطلاق و علته و طبعا كان بيتكتب علي يد كتبة كان دورهم تفنيد الأسباب و محاولة ارجاع الرجل عن غضبه و تهدئة الأحوال و ادخال رؤساء السبط اللي تابع ليه الرجل اللي عاوز يطلق ... كتاب الطلاق كان بيدي الحرية للمرأة تتجوز يعني الراجل و هو بيكتب كتاب الطلاق بيبقي عارف انها حتكون لغيره ..كلها محاولات لارجاعه عن التطليق ...ربنا ما نفاش و لكن شرح ليه سمح بكده في وقت يدوبك لسه منتشل الشعب من الوثنية و الفرعونية و تعدد الزوجات ..علشان كده سمح بالطلاق بس بعد ترو و محاولات إصلاحية و شرح السبب ..من أجل قساوة قلوبكم ..لأنه كان ممكن في طبيعة الوقت ده الرجل يقتل امرأته غيظا أو ينطلق في عبادة وثنية تبيح الطلاق ...مكنتش الوصية هي تنظيم الطلاق لكن السماح له في حدود ضيقة فيها استحالة المعيشة ...بس ده كان مع حالة سقوط الإنسان و تدني مستواه الروحي و احتياجه للخلاص .لكن لما جه المخلص حب يرجع الوضع البداية الأولي ..الخليقة الأولي ..للحالة المثالية بين ادم و حوا .. الحالة الأصلية ..
سر الزواج عامل زي اي سر من الاسرار يحتاج جهاد و تعب روحي و اجتهاد من الطرفين لكي ينمو و الا الفشل نهاية حتمية ..علشان كده بيوتنا متكسرة ...طرف يشيل و طرف بيثقل بلا حساب البيت ينكسر ...ذات و كرامة و أنانية بيت ينكسر ... كلاهما في انفصالية عن ربنا و عن بعضهم ..بيت ينكسر
إذًا كل من يجاهد يمتلئ. ومن لا يجاهد يطفئ الروح (1 تس 19:5) ..
قدموا اولاد له ..و حسب عرف اليهود أنهم كانوا يحقروا من الاولاد و لا يعطوهم قيمة لكن المهمل و الصغير و الذي بلا قيمة يسوع يعطي له قيمة و كرامه ...ضايق ربنا جدا أنهم يحرموا الصغير منه أو يبعدوه عنه ..يفرحنا اوي موقف المسيح ..لما تحس انك منبوذ و مالكش حد و انك في عالم الروحيات صغير اوي بلا قيمة و خطياك غالباك زي حالاتي بس معشم في ربنا بطفولة كده من غير فذلكة ...تأكد أنه وقت الحضن و البركة و وضع اليد ... قبول الملكوت كولد ..معناها نقبله كده ببراءة و عفوية طفل و ايمان طفل
لالهنا المجد و الكرامة


نبيل شحاتة