اكبر مجموعة ايات من الكتاب المقدس مع التأملات

[sama smsma]

فتقدم و اقامها
28 فَخَرَجَ خَبَرُهُ لِلْوَقْتِ فِي كُلِّ الْكُورَةِ الْمُحِيطَةِ بِالْجَلِيلِ.
29 وَلَمَّا خَرَجُوا مِنَ الْمَجْمَعِ جَاءُوا لِلْوَقْتِ إِلَى بَيْتِ سِمْعَانَ وَأَنْدَرَاوُسَ مَعَ يَعْقُوبَ وَيُوحَنَّا،
30 وَكَانَتْ حَمَاةُ سِمْعَانَ مُضْطَجِعَةً مَحْمُومَةً، فَلِلْوَقْتِ أَخْبَرُوهُ عَنْهَا.
31 فَتَقَدَّمَ وَأَقَامَهَا مَاسِكًا بِيَدِهَا، فَتَرَكَتْهَا الْحُمَّى حَالاً وَصَارَتْ تَخْدِمُهُمْ.
32 وَلَمَّا صَارَ الْمَسَاءُ، إِذْ غَرَبَتِ الشَّمْسُ، قَدَّمُوا إِلَيْهِ جَمِيعَ السُّقَمَاءِ وَالْمَجَانِينَ.
33 وَكَانَتِ الْمَدِينَةُ كُلُّهَا مُجْتَمِعَةً عَلَى الْبَابِ.
34 فَشَفَى كَثِيرِينَ كَانُوا مَرْضَى بِأَمْرَاضٍ مُخْتَلِفَةٍ، وَأَخْرَجَ شَيَاطِينَ كَثِيرَةً، وَلَمْ يَدَعِ الشَّيَاطِينَ يَتَكَلَّمُونَ لأَنَّهُمْ عَرَفُوهُ
المعجزة دي كلنا عارفينها لاننا بنصليها في صلاة الغروب لان الكنيسة الملهمة بالروح القدس خدت كلمة عند غروب الشمس قدموا اليه جميع السقماء و المجانين.. و طبعا بخفة دم الاقباط قالوا نكتة ان بطرس انكر المسيح علشان شفي حماته �� �� ��
علي مستوي الحدث نفسه كان استعلان سلطانه لانها قامت في لحظتها من غير ما تاخد فترة نقاهة انتهر الحمي و يقول للوقت قامت و خدمتهم.. خد بالك فعل اقامها ده بيتقال علي قيامة المسيح.. فلو ناخدها علي المستوي الروحي.. حماة سمعان كانت تحت حكم الموت.. الحمي.. اللي وصفها القديس لوقا كطبيب انها حمي شديدة.. و جه المسيح اقامها زي ما اقامنا معه.. تطمنا الحتة دي.. مهما كنا محمومين بالخطية و طرحي الاوجاع و الشهوات يسوع يقدر.. خد بالك هو اللي تقدم و امسك بايديها و نقل الموت عنها بس اكيد مدت ايديها ليه لما مد ايده.. كل المطلوب لما يمد ايده نمد ايدينا بس و نتبت فيه و هو يشفي و يرفع كل ما نتصور انه مستحيل.. علشان كده يقولك قدموا اليه جميع السقماء و المجانين لكن لما ذكر ازاي شفاهم فشفي كثيرين!!! طب ما تكتب شفي الجميع.. لا ماهو مش كل كان له الايمان.. صدق انه يقدر.. صدق انه يشفي الروح و الجسد و لو ما شفاش الجسد يبقي علشان مصلحة الروح.. بولس الرسول نفسه اللي كان بيشفي مرضي كان مريض و لكن ربنا رفض يشفيه.. و يقول بولس انه شوكة المرض دي كان مقابلها فرط من الاعلانات السمائية..عارف يعني ايه فرط يعني بزيادة يعني بفيض ساب الشوكة علشان يحميه و يحمي روحه من الكبرياء بس عطاله فرط اعلانات.. ايه الاحسن يشفي و ما يشوفش حاجة و لا في مرضه تنفتح ليه السما... احنا نطلب من ربنا يشيل المرض ولو شايف انه ده مش لصالحنا يسيبه و يدينا سند و اعلان اننا نلمسه فيه.. تعجبني ليديا الله ينيحها اللي سافرت السما بمرض الملكوت في العدرا ارض الجولف تقول بصوتها عن خبراتها انها كانت حتخلص الكورس الرابع من العلاج الكيماوي.. المفروض كانت تفرح انها حترتاح من اوجاعها لكن كانت زعلانه و تقول لربنا يعني كده خلاص مش حتمتع بتعزياتك تاني و سندك ليا... اطلب الشفا لكن ما تتذمرش لو ما حصلش ودور علي اعلانه نفسه ليك في حياتك.. ممكن النار تفضل بس ساعتها حتشوف مع الثلاثة فتية الرابع الشبيه بابن الالهة.. ممكن حياتك مش احسن حاجة جوزك مش احسن حاجة مراتك مش احسن حاجة خدمتك شغلك الناس اللي حواليك.. صلي بس ما تستناش ان كل حاجة تتحل بمعجزة.. دور عليه و شوف ليه سايب وجعك.. اصله حنين اوي و مش من طبعه يستمتع بالام الانسان اللي حبه و فداه بس ديما عينه علي ابديتنا و حياتنا السمائية لو الارضية مش حتعطل حيدي و لو حتعطل حيمنع.. انت اغلي.. كتير كنت بساله خصوصا بعد ما اتاخد مننا شقا 20 سنة ملايين و بدئنا من الصفر و ماشية بالستر.. طب مش عاوز ترد حقوقنا ليه.. طب بقي لنا 10 سنين بنشقي اغنينا شوية حتي نتطمن انا و اخويا علي بناتنا بس يظهر هو شايف اننا مش النوع اللي يتحمل غني و ممكن نضيع.. عمره ما حوجنا و بيسد لكن حسب الاحتياج من يومه و سلوي يومه
له سلطان علي الكون كله ما تخافش
كلمة ما خلاش الشياطين تنطق لانه قدوس مش حيقبل شهادة من ابليس لانه لا شركة للنور مع الظلمة
لالهنا كل مجد و كرامة الي الابد
نبيل شحاتة

[sama smsma]

فتقدم و اقامها
28 فَخَرَجَ خَبَرُهُ لِلْوَقْتِ فِي كُلِّ الْكُورَةِ الْمُحِيطَةِ بِالْجَلِيلِ.
29 وَلَمَّا خَرَجُوا مِنَ الْمَجْمَعِ جَاءُوا لِلْوَقْتِ إِلَى بَيْتِ سِمْعَانَ وَأَنْدَرَاوُسَ مَعَ يَعْقُوبَ وَيُوحَنَّا،
30 وَكَانَتْ حَمَاةُ سِمْعَانَ مُضْطَجِعَةً مَحْمُومَةً، فَلِلْوَقْتِ أَخْبَرُوهُ عَنْهَا.
31 فَتَقَدَّمَ وَأَقَامَهَا مَاسِكًا بِيَدِهَا، فَتَرَكَتْهَا الْحُمَّى حَالاً وَصَارَتْ تَخْدِمُهُمْ.
32 وَلَمَّا صَارَ الْمَسَاءُ، إِذْ غَرَبَتِ الشَّمْسُ، قَدَّمُوا إِلَيْهِ جَمِيعَ السُّقَمَاءِ وَالْمَجَانِينَ.
33 وَكَانَتِ الْمَدِينَةُ كُلُّهَا مُجْتَمِعَةً عَلَى الْبَابِ.
34 فَشَفَى كَثِيرِينَ كَانُوا مَرْضَى بِأَمْرَاضٍ مُخْتَلِفَةٍ، وَأَخْرَجَ شَيَاطِينَ كَثِيرَةً، وَلَمْ يَدَعِ الشَّيَاطِينَ يَتَكَلَّمُونَ لأَنَّهُمْ عَرَفُوهُ
المعجزة دي كلنا عارفينها لاننا بنصليها في صلاة الغروب لان الكنيسة الملهمة بالروح القدس خدت كلمة عند غروب الشمس قدموا اليه جميع السقماء و المجانين.. و طبعا بخفة دم الاقباط قالوا نكتة ان بطرس انكر المسيح علشان شفي حماته 😁 😁 😁
علي مستوي الحدث نفسه كان استعلان سلطانه لانها قامت في لحظتها من غير ما تاخد فترة نقاهة انتهر الحمي و يقول للوقت قامت و خدمتهم.. خد بالك فعل اقامها ده بيتقال علي قيامة المسيح.. فلو ناخدها علي المستوي الروحي.. حماة سمعان كانت تحت حكم الموت.. الحمي.. اللي وصفها القديس لوقا كطبيب انها حمي شديدة.. و جه المسيح اقامها زي ما اقامنا معه.. تطمنا الحتة دي.. مهما كنا محمومين بالخطية و طرحي الاوجاع و الشهوات يسوع يقدر.. خد بالك هو اللي تقدم و امسك بايديها و نقل الموت عنها بس اكيد مدت ايديها ليه لما مد ايده.. كل المطلوب لما يمد ايده نمد ايدينا بس و نتبت فيه و هو يشفي و يرفع كل ما نتصور انه مستحيل.. علشان كده يقولك قدموا اليه جميع السقماء و المجانين لكن لما ذكر ازاي شفاهم فشفي كثيرين!!! طب ما تكتب شفي الجميع.. لا ماهو مش كل كان له الايمان.. صدق انه يقدر.. صدق انه يشفي الروح و الجسد و لو ما شفاش الجسد يبقي علشان مصلحة الروح.. بولس الرسول نفسه اللي كان بيشفي مرضي كان مريض و لكن ربنا رفض يشفيه.. و يقول بولس انه شوكة المرض دي كان مقابلها فرط من الاعلانات السمائية..عارف يعني ايه فرط يعني بزيادة يعني بفيض ساب الشوكة علشان يحميه و يحمي روحه من الكبرياء بس عطاله فرط اعلانات.. ايه الاحسن يشفي و ما يشوفش حاجة و لا في مرضه تنفتح ليه السما... احنا نطلب من ربنا يشيل المرض ولو شايف انه ده مش لصالحنا يسيبه و يدينا سند و اعلان اننا نلمسه فيه.. تعجبني ليديا الله ينيحها اللي سافرت السما بمرض الملكوت في العدرا ارض الجولف تقول بصوتها عن خبراتها انها كانت حتخلص الكورس الرابع من العلاج الكيماوي.. المفروض كانت تفرح انها حترتاح من اوجاعها لكن كانت زعلانه و تقول لربنا يعني كده خلاص مش حتمتع بتعزياتك تاني و سندك ليا... اطلب الشفا لكن ما تتذمرش لو ما حصلش ودور علي اعلانه نفسه ليك في حياتك.. ممكن النار تفضل بس ساعتها حتشوف مع الثلاثة فتية الرابع الشبيه بابن الالهة.. ممكن حياتك مش احسن حاجة جوزك مش احسن حاجة مراتك مش احسن حاجة خدمتك شغلك الناس اللي حواليك.. صلي بس ما تستناش ان كل حاجة تتحل بمعجزة.. دور عليه و شوف ليه سايب وجعك.. اصله حنين اوي و مش من طبعه يستمتع بالام الانسان اللي حبه و فداه بس ديما عينه علي ابديتنا و حياتنا السمائية لو الارضية مش حتعطل حيدي و لو حتعطل حيمنع.. انت اغلي.. كتير كنت بساله خصوصا بعد ما اتاخد مننا شقا 20 سنة ملايين و بدئنا من الصفر و ماشية بالستر.. طب مش عاوز ترد حقوقنا ليه.. طب بقي لنا 10 سنين بنشقي اغنينا شوية حتي نتطمن انا و اخويا علي بناتنا بس يظهر هو شايف اننا مش النوع اللي يتحمل غني و ممكن نضيع.. عمره ما حوجنا و بيسد لكن حسب الاحتياج من يومه و سلوي يومه
له سلطان علي الكون كله ما تخافش
كلمة ما خلاش الشياطين تنطق لانه قدوس مش حيقبل شهادة من ابليس لانه لا شركة للنور مع الظلمة
لالهنا كل مجد و كرامة الي الابد
نبيل شحاتة

[sama smsma]

ان اردت تقدر!!!
40 فَأَتَى إِلَيْهِ أَبْرَصُ يَطْلُبُ إِلَيْهِ جَاثِيًا وَقَائِلاً لَهُ: «إِنْ أَرَدْتَ تَقْدِرْ أَنْ تُطَهِّرَنِي»
41 فَتَحَنَّنَ يَسُوعُ وَمَدَّ يَدَهُ وَلَمَسَهُ وَقَالَ لَهُ: «أُرِيدُ، فَاطْهُرْ!».
42 فَلِلْوَقْتِ وَهُوَ يَتَكَلَّمُ ذَهَبَ عَنْهُ الْبَرَصُ وَطَهَرَ.
أبرص... البرص هو مرض مزعج و غالبا كان هناك افتراضية انه نتاج خطية و زي ما اتعاقبت بيه مريم اخت موسي لما تطاولت عليه... و حسب التقليد اليهودي يعزل الابرص لان كل ما يلمسه يصبح نجس علشان كده كانوا غالبا يبقوا برة المدينة خارج الاسوار. ويمنع دخولهم إلى الهيكل بل وكل أورشليم، بل وأى مدينة مسورة. وفى حال دخولهم يعاقبون بالجلد 39 جلدة. ولا يخالطون سوى البرص مثلهم. و تتصور لو ماشي و حس ان فيه ناس يصرخ نجس نجس علشان الناس تحذر منه و ما تلمسه منتهي المهانة.. و المرض مشوه للجسم جدا زي ما بتعمل الخطية فينا.. ساعات الواحد يبص علي نفسه و يتحسر.. لا العين بقت بسيطة و لا القلب نقي و الواحد فقد الطيبة و بقي عنده قلق و مضطرب و متوتر .. كل ده عملته الخطية و الدنيا فينا
وسجد... هو يقدم العبادة والخضوع قبل أن يقدم مشكلته.. عاوز تكسب قلب ربنا اخضع الاول و بعدين اطلب
إن أردت تقدر.. هذه صلاة بمنتهي الإيمان بقدرة المسيح على الشفاء..
قال له ان اردت تقدر... مش ان تقدر افعل... كتير نروح لربنا و جوانا شك حيحلها ازاي دي.. تبقي مشكلة مكعبلة اوي.. حياة مرة بين زوجين.. بيت مكسور.. ولاد موجوعين.. خطايا و عادات كتيرة و نجاسة متاصلة في القلب و الجسد و ميت مرة اعتراف و هي هي نفس العادة و نفس الشكوى.. لكن اللي عنده ايمان عارف كويس اوي انه يقدر.. يقدر يشق في البحر طريق.. يقدر يكتم افواه الاسود.. يقدر يسحق جليات بحصوة داود يقدر يشبع خمس الاف بسمكتين و خمس خبزات.. الله هو القدرة نفسها و العجيب نسيبه و ندور علي معرفة و لا كارت و لا واسطة و حاجة تجرح قلبه اوي.... ان اردت تقدر.. قوله كده.. صلي لجوزك اللي مطلع عينك و قولي لربنا ان اردت تقدر.. صلي لمراتك اللي منكده عيشتك و قول له ان اردت تقدر.. صلي من اجل مخدوم مش نافع معاه طريقة تجيبه.. شغل مش قادر تلاقيه.. جوازة مش عارف تتممها و قبل ده كله صلي من اجل تطهير روحك و نفسك لكي تكون مثل عروس مزينة لعريسها ياتي وقتما شاء هي في انتظاره
الرد... أريد فأطهر.. المسيح ده حنين اوي لا بعد وشه و قاله ايه القرف ده و لا قاله دلوقتي جيت بعد ما تذليت بخطيتك.. لا قال له اريد... الوحيد اللي ديماريا تروح له يقولك اريد... تحب تسمع صلاتي يارب في اي وقت.. اريد.. قادر تستحمل شكواي و دموعي.. اريد.. عاوز حضنك.. اريد... عاوز اعترفلك حتسمعني رغم زبالتي.. اريد... هي دي طريقة ربنا... ده زود علي كده معروف ان اللي يلمس نجس يتنجس ويحتاج الي تطهير.. قوم انت تروح تلمسه طب ما نجاسته تقع عليك يقولك عارف انا اشيل خطاياكم واديكم بري.. اخذ الذي لنا و اعطانا الذي له.. تتصور ده بيحصل في القداس في سر الرجعة لماابونا ينزل يبخر وسط الناس.. ابونا نازل يلم وساختنا بدل ما تعمله باي باي و لا تحدفله بوسه في الهوا طاطي راسك و اعترف بسرعة حياخد الزباله و يخش بيها علي المذبح و يرجع ياخد من بر المذبح قوم ييجي في اخر القداس تسمع القدسات للقديسين.. القدسات ده الجسد و الدم الكريمين طب و القديسين.. احنا.. بذمتكوا دي وشوش قديسين؟! لا طبعا بس هو لمسنا فاخذ الذي لنا و عطانا الذي له.. ياخد مننا الموت و يدينا حياة
43 فَانْتَهَرَهُ وَأَرْسَلَهُ لِلْوَقْتِ،
انتهره دي علشان كان مرض نتاج خطية و غالبا خطية نجاسة.. بس خد بالك تحنن جت الاول و بعدين الشفاء و بعدين العتاب و الانتهار.. مهما عملت ربنا عاوزك و لو عايل هم الرجوع حتلاقيه مستني.. يحضنك الاول و بعدين يعاتب
44 وَقَالَ لَهُ: «انْظُرْ، لاَ تَقُلْ لأَحَدٍ شَيْئًا، بَلِ اذْهَبْ أَرِ نَفْسَكَ لِلْكَاهِنِ وَقَدِّمْ عَنْ تَطْهِيرِكَ مَا أَمَرَ بِهِ مُوسَى، شَهَادَةً لَهُمْ».
لانه مرض موت و مرتبط بالنجاسة فان اللي يحكم بالشفاء اهل الخبرة و لكن من يعلن الشفاء هم الكهنة و هناك طقس خاص جدا لاستعلان قيامة هذا الميت للحياة
45 وَأَمَّا هُوَ فَخَرَجَ وَابْتَدَأَ يُنَادِي كَثِيرًا وَيُذِيعُ الْخَبَرَ، حَتَّى لَمْ يَعُدْ يَقْدِرُ أَنْ يَدْخُلَ مَدِينَةً ظَاهِرًا، بَلْ كَانَ خَارِجًا فِي مَوَاضِعَ خَالِيَةٍ، وَكَانُوا يَأْتُونَ إِلَيْهِ مِنْ كُلِّ نَاحِيَةٍ.
اللي يلمس يسوع يعجز ان يتوقف لسانه و قلبه عن الحديث عنه و الكرازة باسمه.. ياتون اليه من كل ناحية... ربنا بتاع الكل و حضنه للكل بس اللي ييجي.. ربناريسوع له جاذبية لمن يتبعه لدرجة ان اباء قديسين كانت احاديثهم العادية ديمافيها يسوع و ساعات منهم اللي كان يرد برد علي اي موضوع برد يقول انه مش هنا مش مع الناس..
يارب ان اردت تقدر ان تطهرني
لالهنا المجد الدائم
نبيل شحاتة

[sama smsma]

اذهب الي بيتك
1 ثُمَّ دَخَلَ كَفْرَنَاحُومَ أَيْضًا بَعْدَ أَيَّامٍ، فَسُمِعَ أَنَّهُ فِي بَيْتٍ.
2 وَلِلْوَقْتِ اجْتَمَعَ كَثِيرُونَ حَتَّى لَمْ يَعُدْ يَسَعُ وَلاَ مَا حَوْلَ الْبَابِ. فَكَانَ يُخَاطِبُهُمْ بِالْكَلِمَةِ.
3 وَجَاءُوا إِلَيْهِ مُقَدِّمِينَ مَفْلُوجًا يَحْمِلُهُ أَرْبَعَةٌ.
4 وَإِذْ لَمْ يَقْدِرُوا أَنْ يَقْتَرِبُوا إِلَيْهِ مِنْ أَجْلِ الْجَمْعِ، كَشَفُوا السَّقْفَ حَيْثُ كَانَ. وَبَعْدَ مَا نَقَبُوهُ دَلَّوُا السَّرِيرَ الَّذِي كَانَ الْمَفْلُوجُ مُضْطَجِعًا عَلَيْهِ.
5 فَلَمَّا رَأَى يَسُوعُ إِيمَانَهُمْ، قَالَ لِلْمَفْلُوجِ: «يَا بُنَيَّ، مَغْفُورَةٌ لَكَ خَطَايَاكَ».
6 وَكَانَ قَوْمٌ مِنَ الْكَتَبَةِ هُنَاكَ جَالِسِينَ يُفَكِّرُونَ فِي قُلُوبِهِمْ:
7 «لِمَاذَا يَتَكَلَّمُ هذَا هكَذَا بِتَجَادِيفَ؟ مَنْ يَقْدِرُ أَنْ يَغْفِرَ خَطَايَا إِلاَّ اللهُ وَحْدَهُ؟»
8 فَلِلْوَقْتِ شَعَرَ يَسُوعُ بِرُوحِهِ أَنَّهُمْ يُفَكِّرُونَ هكَذَا فِي أَنْفُسِهِمْ، فَقَالَ لَهُمْ: «لِمَاذَا تُفَكِّرُونَ بِهذَا فِي قُلُوبِكُمْ؟
9 أَيُّمَا أَيْسَرُ، أَنْ يُقَالَ لِلْمَفْلُوجِ: مَغْفُورَةٌ لَكَ خَطَايَاكَ، أَمْ أَنْ يُقَالَ: قُمْ وَاحْمِلْ سَرِيرَكَ وَامْشِ؟
10 وَلكِنْ لِكَيْ تَعْلَمُوا أَنَّ لابْنِ الإِنْسَانِ سُلْطَانًا عَلَى الأَرْضِ أَنْ يَغْفِرَ الْخَطَايَا». قَالَ لِلْمَفْلُوجِ:
11 «لَكَ أَقُولُ: قُمْ وَاحْمِلْ سَرِيرَكَ وَاذْهَبْ إِلَى بَيْتِكَ!».
12 فَقَامَ لِلْوَقْتِ وَحَمَلَ السَّرِيرَ وَخَرَجَ قُدَّامَ الْكُلِّ، حَتَّى بُهِتَ الْجَمِيعُ وَمَجَّدُوا اللهَ قَائِلِينَ: «مَا رَأَيْنَا مِثْلَ هذَا قَطُّ!».
إذا مفلوج يقدمونه إليه.. أروع خدمة نقدمها لحد هي أن نضعه أمام المسيح، والمسيح هو الذي يعرف احتياجاته. و قدموه بطريقة غير عادية، إذ هم نقبوا سقف البيت.. و كل اللي عملوه حطوه قدامه و هو يتصرف..
خد بالك لما دخل المسيح إلى البيت، حالًا انتشر الخبر فاجتمع الناس حوله. لما يخش المسيح حياتي بقيت رائحة المسيح الزكية، فيجتمع الناس حولى يسألون عن المسيح، دي هي الكرازة بحياة المسيح الذي فينا...بالنموذج يعني مش بخيبتي و شوية كلام ووعظ
سؤال؟!
ايه ذنب صاحب البيت يخرموله السقف؟!
الخادم الأمين اللي هو رائحة المسيح الزكية يقبل انه يحتمل الضيقات لأجل المسيح..
كان عندنا خادم حلو.. فيه واحد من شباب ثانوي كان ما بيجيش علشان مرتبط بتدريب في النادي الاهلي .. الخادم ده قاله خلص و تعالي و الشاب ده كان بيجي بعد الخدمة.. كان ياخده يتمشي معاه و يقوله خدمة اليوم و يعزمه علي عصير و في يوم خميس مشي معاه و قال له الخدمة بس اعتذر عن انه يشرب العصير معاه ساله المخدوم ليه قال له انه بيعتذر بس لان الوقت ضيق و هو حيسلم مشروع تخرجه كمان يوم!!!
مغفورة لك خطاياك فالخطية هي سبب ألامنا. والمسيح بيدور عن شفائنا الحقيقي
أيما أيسر أن يقال…خد بالك أن السيد المسيح ما قلش ايه الاسهل أن أغفر الخطايا أما أن أشفى المرض، بل ايه الاسهل ان يقال كذا أو كذا. لأن في نظر الناس أن الاسهل هو أن يقال مغفورة لك خطاياك من أن يقال قم إحمل سريرك وإمشى. فإنه إذا قال مغفورة لك خطاياك ما حدش حيشوف الخطايا وهي تغفر، ولكن لو قال قم إحمل سريرك فهنا سيظهر صدقه إن قام الرجل وحمل سريره. ولكن المسيح إذ هو ينوى أن يشفى المريض فلقد إختار أن يستأصل أصل الداء وهو الخطية. وبهذا يكون قوله مغفورة لك خطاياك هو الأصعب لأنه شفاء مكلف وسيكون دمه هو الثمن وكان هذا سيظهر للناس فوراً إذ يقوم المفلوج. ولما شكوا في المسيح لما قال مغفورة لك خطاياك علشان عارفين أن الله وحده هو الذي يغفر الخطايا، راح المسيح اقام المفلوج بعد أن فهموا ضمناً أنه غفر خطاياه لأنها أصل الداء.و بقي عليهم انهم يعترفوا بأنه هو الله، فحسب ما يؤمنون أن الله وحده هو غافر الخطايا. كلام السيد المسيح هنا يفهم أن كلا الأمرين مستحيل على البشر أن يقولوا مغفورة لك خطاياك أو أن يقولوا قم وأمش، و اللي يعمل دي يعمل التانية و مايعملش الاتنين إلاّ الله، وبحدوث المعجزة جه الدور عليهم أن يعترفوا أن المسيح له سلطان على مغفرة الخطايا.. إذاً هو الله. المسيح هنا يعلن أنه ابن الإنسان اللي جه محملاً بقوة غفران الخطايا ليشفى البشر من خطاياهم وأثارها..اوع تقول خطيتي عظيمة مش ممكن ربنا يغفرها.. نجس و زاني زي حالاتي.. عملت اصعب خطية.. قطعت سنين فيها لدرجة ان الشيطان اتمكن منك و بقيت الخطية تشيلك و تحط فيك و مسلوب الارادة... هو وحده يقدر و عاوز و بيدعوك و مستنيك ولا تقف عند غفرانه خطية.. عارف حتي لو يهوذا نفسه ما يئسش من نفسه و طلب الغفران كان خده..
فقام للوقت وحمل السرير...حين يعطى السيد أمرًا أو وصية يدي معها القوة على التنفيذ،مش حتعرف زي حالاتي تبطل خطية و لا عادات و لا شهوة..هو وحده يقدر يدي قوة.. قام هذا المفلوج بصحة وعافية وكأننا أمام معجزة خلق من جديد. وهكذا يحدث مع كل تائب، أن الله يعطيه أن يصير في المسيح خليقة جديدة. لقد كان حَمْلَ السرير هو علامة القوة التي تمتع بها هذا المفلوج..بعد المسيح ما يدخل حياتي حاجات كتير حبطلها و احسبها نفاية.. في الصين مرة كنت بحاول اكلم صينية عن المسيح فطلع حد كلمها قبل كده بس قالت لي انا مش حقدر ابطل شرب و لا جنس علشان حد ما اعرفهوش.. قولت لها مين طلب كده.. اعرفيه الاول و اطلبي يعرفك بنفسه و لما تحبيه حتبطلي لوحدك.. مش حنعرف نيجي لربنا نضاف لازم نيجي زي ما احنا بعبلنا و هو يغسلنا فنبيض اكثر من الثلج..
اذهب الي بيتك.. ارجع تاني للفردوس ارجع تاني ارتاح في حضن كنيستك و بين القديسين.. بيتنا مش العالم بيتنا ربنا نفسه و كنيسته.. ترنيمة تقولك زي العصفور ما وجد عشه..
لالهنا كل المجد
نبيل شحاتة

[sama smsma]

اذهب الي بيتك
1 ثُمَّ دَخَلَ كَفْرَنَاحُومَ أَيْضًا بَعْدَ أَيَّامٍ، فَسُمِعَ أَنَّهُ فِي بَيْتٍ.
2 وَلِلْوَقْتِ اجْتَمَعَ كَثِيرُونَ حَتَّى لَمْ يَعُدْ يَسَعُ وَلاَ مَا حَوْلَ الْبَابِ. فَكَانَ يُخَاطِبُهُمْ بِالْكَلِمَةِ.
3 وَجَاءُوا إِلَيْهِ مُقَدِّمِينَ مَفْلُوجًا يَحْمِلُهُ أَرْبَعَةٌ.
4 وَإِذْ لَمْ يَقْدِرُوا أَنْ يَقْتَرِبُوا إِلَيْهِ مِنْ أَجْلِ الْجَمْعِ، كَشَفُوا السَّقْفَ حَيْثُ كَانَ. وَبَعْدَ مَا نَقَبُوهُ دَلَّوُا السَّرِيرَ الَّذِي كَانَ الْمَفْلُوجُ مُضْطَجِعًا عَلَيْهِ.
5 فَلَمَّا رَأَى يَسُوعُ إِيمَانَهُمْ، قَالَ لِلْمَفْلُوجِ: «يَا بُنَيَّ، مَغْفُورَةٌ لَكَ خَطَايَاكَ».
6 وَكَانَ قَوْمٌ مِنَ الْكَتَبَةِ هُنَاكَ جَالِسِينَ يُفَكِّرُونَ فِي قُلُوبِهِمْ:
7 «لِمَاذَا يَتَكَلَّمُ هذَا هكَذَا بِتَجَادِيفَ؟ مَنْ يَقْدِرُ أَنْ يَغْفِرَ خَطَايَا إِلاَّ اللهُ وَحْدَهُ؟»
8 فَلِلْوَقْتِ شَعَرَ يَسُوعُ بِرُوحِهِ أَنَّهُمْ يُفَكِّرُونَ هكَذَا فِي أَنْفُسِهِمْ، فَقَالَ لَهُمْ: «لِمَاذَا تُفَكِّرُونَ بِهذَا فِي قُلُوبِكُمْ؟
9 أَيُّمَا أَيْسَرُ، أَنْ يُقَالَ لِلْمَفْلُوجِ: مَغْفُورَةٌ لَكَ خَطَايَاكَ، أَمْ أَنْ يُقَالَ: قُمْ وَاحْمِلْ سَرِيرَكَ وَامْشِ؟
10 وَلكِنْ لِكَيْ تَعْلَمُوا أَنَّ لابْنِ الإِنْسَانِ سُلْطَانًا عَلَى الأَرْضِ أَنْ يَغْفِرَ الْخَطَايَا». قَالَ لِلْمَفْلُوجِ:
11 «لَكَ أَقُولُ: قُمْ وَاحْمِلْ سَرِيرَكَ وَاذْهَبْ إِلَى بَيْتِكَ!».
12 فَقَامَ لِلْوَقْتِ وَحَمَلَ السَّرِيرَ وَخَرَجَ قُدَّامَ الْكُلِّ، حَتَّى بُهِتَ الْجَمِيعُ وَمَجَّدُوا اللهَ قَائِلِينَ: «مَا رَأَيْنَا مِثْلَ هذَا قَطُّ!».
إذا مفلوج يقدمونه إليه.. أروع خدمة نقدمها لحد هي أن نضعه أمام المسيح، والمسيح هو الذي يعرف احتياجاته. و قدموه بطريقة غير عادية، إذ هم نقبوا سقف البيت.. و كل اللي عملوه حطوه قدامه و هو يتصرف..
خد بالك لما دخل المسيح إلى البيت، حالًا انتشر الخبر فاجتمع الناس حوله. لما يخش المسيح حياتي بقيت رائحة المسيح الزكية، فيجتمع الناس حولى يسألون عن المسيح، دي هي الكرازة بحياة المسيح الذي فينا...بالنموذج يعني مش بخيبتي و شوية كلام ووعظ
سؤال؟!
ايه ذنب صاحب البيت يخرموله السقف؟!
الخادم الأمين اللي هو رائحة المسيح الزكية يقبل انه يحتمل الضيقات لأجل المسيح..
كان عندنا خادم حلو.. فيه واحد من شباب ثانوي كان ما بيجيش علشان مرتبط بتدريب في النادي الاهلي .. الخادم ده قاله خلص و تعالي و الشاب ده كان بيجي بعد الخدمة.. كان ياخده يتمشي معاه و يقوله خدمة اليوم و يعزمه علي عصير و في يوم خميس مشي معاه و قال له الخدمة بس اعتذر عن انه يشرب العصير معاه ساله المخدوم ليه قال له انه بيعتذر بس لان الوقت ضيق و هو حيسلم مشروع تخرجه كمان يوم!!!
مغفورة لك خطاياك فالخطية هي سبب ألامنا. والمسيح بيدور عن شفائنا الحقيقي
أيما أيسر أن يقال…خد بالك أن السيد المسيح ما قلش ايه الاسهل أن أغفر الخطايا أما أن أشفى المرض، بل ايه الاسهل ان يقال كذا أو كذا. لأن في نظر الناس أن الاسهل هو أن يقال مغفورة لك خطاياك من أن يقال قم إحمل سريرك وإمشى. فإنه إذا قال مغفورة لك خطاياك ما حدش حيشوف الخطايا وهي تغفر، ولكن لو قال قم إحمل سريرك فهنا سيظهر صدقه إن قام الرجل وحمل سريره. ولكن المسيح إذ هو ينوى أن يشفى المريض فلقد إختار أن يستأصل أصل الداء وهو الخطية. وبهذا يكون قوله مغفورة لك خطاياك هو الأصعب لأنه شفاء مكلف وسيكون دمه هو الثمن وكان هذا سيظهر للناس فوراً إذ يقوم المفلوج. ولما شكوا في المسيح لما قال مغفورة لك خطاياك علشان عارفين أن الله وحده هو الذي يغفر الخطايا، راح المسيح اقام المفلوج بعد أن فهموا ضمناً أنه غفر خطاياه لأنها أصل الداء.و بقي عليهم انهم يعترفوا بأنه هو الله، فحسب ما يؤمنون أن الله وحده هو غافر الخطايا. كلام السيد المسيح هنا يفهم أن كلا الأمرين مستحيل على البشر أن يقولوا مغفورة لك خطاياك أو أن يقولوا قم وأمش، و اللي يعمل دي يعمل التانية و مايعملش الاتنين إلاّ الله، وبحدوث المعجزة جه الدور عليهم أن يعترفوا أن المسيح له سلطان على مغفرة الخطايا.. إذاً هو الله. المسيح هنا يعلن أنه ابن الإنسان اللي جه محملاً بقوة غفران الخطايا ليشفى البشر من خطاياهم وأثارها..اوع تقول خطيتي عظيمة مش ممكن ربنا يغفرها.. نجس و زاني زي حالاتي.. عملت اصعب خطية.. قطعت سنين فيها لدرجة ان الشيطان اتمكن منك و بقيت الخطية تشيلك و تحط فيك و مسلوب الارادة... هو وحده يقدر و عاوز و بيدعوك و مستنيك ولا تقف عند غفرانه خطية.. عارف حتي لو يهوذا نفسه ما يئسش من نفسه و طلب الغفران كان خده..
فقام للوقت وحمل السرير...حين يعطى السيد أمرًا أو وصية يدي معها القوة على التنفيذ،مش حتعرف زي حالاتي تبطل خطية و لا عادات و لا شهوة..هو وحده يقدر يدي قوة.. قام هذا المفلوج بصحة وعافية وكأننا أمام معجزة خلق من جديد. وهكذا يحدث مع كل تائب، أن الله يعطيه أن يصير في المسيح خليقة جديدة. لقد كان حَمْلَ السرير هو علامة القوة التي تمتع بها هذا المفلوج..بعد المسيح ما يدخل حياتي حاجات كتير حبطلها و احسبها نفاية.. في الصين مرة كنت بحاول اكلم صينية عن المسيح فطلع حد كلمها قبل كده بس قالت لي انا مش حقدر ابطل شرب و لا جنس علشان حد ما اعرفهوش.. قولت لها مين طلب كده.. اعرفيه الاول و اطلبي يعرفك بنفسه و لما تحبيه حتبطلي لوحدك.. مش حنعرف نيجي لربنا نضاف لازم نيجي زي ما احنا بعبلنا و هو يغسلنا فنبيض اكثر من الثلج..
اذهب الي بيتك.. ارجع تاني للفردوس ارجع تاني ارتاح في حضن كنيستك و بين القديسين.. بيتنا مش العالم بيتنا ربنا نفسه و كنيسته.. ترنيمة تقولك زي العصفور ما وجد عشه..
لالهنا كل المجد
نبيل شحاتة

[sama smsma]

الوسادة....!!!
37فَحَدَثَ نَوْءُ رِيحٍ عَظِيمٌ، فَكَانَتِ الأَمْوَاجُ تَضْرِبُ إِلَى السَّفِينَةِ حَتَّى صَارَتْ تَمْتَلِئُ. 38وَكَانَ هُوَ فِي الْمُؤَخَّرِ عَلَى وِسَادَةٍ نَائِمًا. فَأَيْقَظُوهُ وَقَالُوا لَهُ:«يَا مُعَلِّمُ، أَمَا يَهُمُّكَ أَنَّنَا نَهْلِكُ؟»
معجزة مثل الكثير من المعجزات التي صنعها الرب يسوع.. لكن شدني ان يذكر مرقس الرسول بالروح القدس المرشد والموحي لكلمات الكتاب المقدس ان السيد كان نائما في اخر السفينة علي وسادة...!!!
اولا ماكنش الكتاب يذكر انه نام علي وسادة الا اذا كان امر غير معتاد اصل طبيعي يعني اقولك نمت امبارح نوم لكن اكيد مش محتاج اقولك نمت علي السرير او المخدة ممكن اقولك نمت علي الارض او في البلكونة ده حدث مش عادي ...طب ليه قال الوسادة.. قالها لانه مش ده العادي للمسيح لان السيد نفسه قال " و اما ابن الانسان فليس له اين يسند راسه " يعني مش من عادته يحط راسه علي مخدة و ما كنش ليه بيت او مسكن لدرجة لما سالوه اين يمكث قال لهم تعالوا و انظروا.. ما فيش عنوان يعني... والقديس مرقس معروف انه بيذكر الحدث بالتفصيل و بدقة.. فذكر الوسادة
طبعا بسهولة للمؤمنين يفهموا ازاي المسيح الله الظاهر بالجسد ممكن ينام بناسوته لكن لاهوته ما ينمش زي ما يذوق الموت بالجسد بس اللاهوت ما يموتش.. و دي معضلة غير المؤمنين و اللي مش قادرين يفهموها.
نرجع للوسادة.. يعني معقولة يبقي نايم و مش حاسس بالصوت و لا اهتزاز المركب و لا صرخات السفن الصغيرة اللي مشيت وراه و اكيد برده عندها هرج و مرج .. نايم..؟!!! و نايم براحة علي مخدة!!!!!! يبدو المنظر كانه لا يهتم...
الكنيسه و النفس اللي تفقد الروحانيات وتتحول لمجرد بيت مبني من الحجاره الصماء زي المركب المبني من الخشب لا يظهر للمسيح وجودآ فيها.. نائم في اخر السفينة .... التلاميذ والجمع هما احنا اللي لا نشعر بوجود المسيح في حياتنا إلا لما نواجه الأخطار.. يسوع بالنسبة لينا تميمة حظ نحتفظ به تحسبا للمخاطر... صورة نحطها في العربية و نسوق مسافات و لا يخطر علي بالنا نسمع شوية كلمته او نشغل ترنيمة... شغالين fm و بس لكن صورته و انجيله و صور قديسيه و زيت البركة مغرقين العربية علشان ما تتخبطش و لا تتسرق و لا نعمل حادثة .. قيس علي كده حاجات كتير صور في الشنطة و المحفظة و الكتب و درج المكتب و تحت الهدوم و...و...و...كلها علشان بس يحفظنا من المخاطر ..ناخده معانا و لكننا نضعه في اخر السفينة الي ان يهيج البحر اللي هو عالمنا نتيجه أعمالنا الشريره و انغماسنا فيه والرياح تتحرك و تعصف.. و الريح هي الشيطان اللي يهيج العالم لانه اتقال عنه رئيس سلطان الهواء....و نعتمد علي المجداف و قدراتنا و هو في اخر السفينة .. نروح و صورته في المحفظة ندور علي واسطة و لا سكة معووجة لحل مشكلة و سايبينه نايم علي الوسادة... خدمة و انشطة و نبسط الاولاد و رحلات و مسابقات " مهم جدا و انا مش ضدها لكن ضد تهديفها " بس علشان نبسطهم لازم نخليه بعيد في اخر السفينة .. احبائي مش طبيعي ان المسيح ينام علي وسادة... مش طبيعي انه اخر من نلجأ له.. كان الافضل ان يذهبوا اليه قبل ان يشارف الامر علي الهلاك... من بدري روح صحيه.. العجيب انهم حملوه المسئولية مع انهم ما طلبوش و لا جريوا عليه.. لم ياتي السيد ليرتاح علي وسادة بل يبحث و يفتش عن كل نفس موجوعة و كل خروف ضال و كل درهم مفقود.. فقط علينا ان نوقظه مبكرا قبل ان نهلك فهو نفسه الذي لا ينعس و لا ينام... لن يوقظه الا صراخنا.. لن ينقذني ان اعتمد علي نفسي و اقول انضف شوية و اروح له.. مش حنضف و حغرق و اهلك.. هم من محبتهم استحوا يصحوه لكن في الخلاص لا استحياء زي ما انا بعبلي كده اقتحمه و اوقظه بايماني انه لا خلاص الا فيه و به
نبيل شحاتة

[sama smsma]

انت باسمك!!!!!!
37 وَأُمِرُّكُمْ تَحْتَ الْعَصَا، وَأُدْخِلُكُمْ فِي رِبَاطِ الْعَهْدِ. حز 20
ايه امركم تحت العصا دي؟! لما قطيع الخراف يخش الحظيرة بعد الرعي كان الراعي يقف علي باب الحظيرة و يحط عصايته في وضع افقي بمستوى الخرفان علشان يمنع تدافع الخرفان و في نفس الوقت يتمم عليهم واحد واحد و يعدهم من هنا عرف ان فيه خروف ضايع من 100.... انت معروف لربنا باسمك وختمه اللي حطه عليك في المعمودية و مسحة الميرون اللي اتقال عليه في الرؤيا ختم عبيده ... كل راعي بيعلم خرفانه علشان ما يتهوش وسط القطعان التانية.. علشان كده تلاقوا ساعات الخرفان متعلمة بعلامة حمراء... اوع تفتكر انك واحد من مجرد مليارات البشر... انت معروف عنده باسمك.. يقولك يدعوها باسمائها... بعد الثانوية دخلت كلية السن و كانت ساعتها الدفعة كلها 45 واحد و معروفين بالاسم عند كل دكتور و لكن حولت لتجارة لاني ما حستش اني بتاع اللغة و ما كنتش اللغة مهمة اوي زي دلوقتي.. اول يوم دخلت تجارة حسيت بإحباط و ندم... دخلت المدرج و انا داخل لقيت هبو سخن في وشي... دخلت لقيت كانك داخل الاستاد... الدفعة مقسومة علي اتنين و كل قسم بتاع 3000 اللي واقف و اللي قاعد ع الارض و اللي علي الشبابيك... حسيت اني ضعت.. حروح فين وسط الالاف دي و حثبت نفسي ازاي و قارنت ما بينها و بين الالسن... اتطمن انت مع ربنا كانك في كلية السن و يمكن كمان قسم لغات نادرة زي الروسي و الصيني ساعتها كانت الدفعة 3 و الصيني 2... فكانوا محفوظين للدكاترة.. اوع تفتكر انه مش بيسمع تنهداتك و صلاتك و شكواك ووجعك...
كمان امركم دي بيفرز بيها خرفانه و يستبعد الغريب... و بيفرز الخروف المريض و اللي محتاج عناية او رجله مكسورة و يحوطه بعناية خاصة.. من اجمل الحاجات اللي حصلت الخروف الضال انه عرف انه تاه من حكاية امركم دي و هو اللي راح يدور عليه لانه قليل الحيلة ميعرفش يرجع مش زي الابن الضال... الاجمل من كده بقة ان الخروف ده لما لقيه و حصل اللقاء معاه اتدلع دلع و شاف عز... اولا اتشال علي منكبيه يعني ما كلفهوش حتي يمشي للحظيرة و لا ضربهوش و قدر خوفه و ضعفه ثانيا.. اول مرة يشوف الدنيا من فوق.. طول عمره موطي و بيبص علي قد ارتفاعه عن الأرض او بيرفع راسه للدنيا اللي اعلي منه لكن المرة دي بيشوف الدنيا تحته... كمان فيه هدهدة كده و دلع لان الراعي وهو ماشي اكيد بيهزه هزات خفيفة كل مابيرفع رجل و ينزل رجل..كمان اول مرة يبقي منفرد كده بالراعي لا فيه 99 خروف ينشغل بيهم الراعي و لا يوزع اهتمامه عليهم... هو و بس.. انا لحبيبي و حبيبي لي... و انتهت القصة باللي عمره ما كان يحلم بيه... خده علي البيت الخاص بالراعي مش الحظيرة... لان الكتاب يقول و ياتي الي بيته و يدعو الاصدقاء و الجيران... البيت... المجد كله... الفرح و الابتهاج..
ربنا يردنا علي منكبيه و لايبعدنا عنه.. و يظل يحفظ اسمائنا و لا يرفع يده عنا... و تظل عصاته ترشدنا و تبعد عنا الذئاب و يمرنا من تحتها...
نبيل شحاتة

[sama smsma]

•ما بالكم مضطربين؟ ولماذا تخطر أفكار في قلوبكم؟ (لو 24 :38)
•هل يستحيل على الرب شي؟ (تك 14 : 18)
دعوة لكل ابن و ابنة من اولادنا الممتحنين الثانوية العامة...
الله يطمئن قلوبكم و يعطيكم فهما و ينير اذهانكم و يمسك بانامله اقلامكم و يحركها معكم.. يسوع يبعد عنكم كل اضطراب و ينتزع خوفكم و يردكم الي بيوتكم بالفرح و الشكر.. الله يكمل نقائصكم و لا يعاملكم حسب تكاسلكم في بعض الاحيان بل ياخذ ما بيدكم حتي لو كانت سمكتين و خمس خبزات و يبارك و يشبع و يفيض...الله لايخزيكم لاجل شفاعة العذراء مريم و كل من ستتشفعون بهم من قديسين منيرين.. بركتهم و بركة شهداء الكنيسة الابرار في عهدنا و الذين لم تجف دمائهم العطرة تساعدكم و لا تحزن قلوبكم... امين
تشددا يا اولادي فالامتحانات فرصة لاختبار مجد الله و قوته و رحمته و محبته... ثقوا.. سترون عجبا
نبيل شحاتة

[sama smsma]

فتقدم كاتب وقال له يا معلم اتبعك أينما تمضي. فقال له يسوع للثعالب أوجرة ولطيور السماء
أوكار وأما ابن الإنسان فليس له أين يسند رأسه.
ايه ده؟!
واحد بيقولك يارب عاوز اتبعك تسد نفسه كده.. تصعب له الدنيا كده... امال فين الايد المفتوحة و اللي تقبل الجميع.. ده عنده استعداد يروح معاك كل حتة!!!!
في الحقيقة الشكل كده مش مريح بس فيه شوية افكار تشرح ليه يسوع رد عليه كده..
اولا اللي طلب ده كاتب... و فيه مرات كتير ربنا قال عنهم انهم مراؤون.. بتوع مظاهر...
طلبه للتبعية جه بعد عمل المسيح لمعجزات كتيرة طبعا اتمجد فيها يسوع و طبيعي ان تلاميذه يتمجدوا و اللي يتبعه ياخد المجد ده و ده علي هوي الكاتب ده.. انه يظهر في الصورة..
و ربنا رد عليه بطريقة ما تجرحهوش لكن تكشف نفسه قدام عينيه...
الثعلب معروف عنه المكر و الدهاء و انه يظهر ماليس في باطنه... ساعات يعمل نفسه ميت و يغري الفريسة بالاقتراب لينقض عليها... فقال له ما معناه لو باطنك عاوز تتمجد و تظهر مش دي سكة تبعيتي و لا نوعية القلب دي اقدر استريح فيها او اسند راسي... وسكوت الرجل بعد تعليق المسيح يؤكد انه لم يكن خالص النية في التبعية.. كان ممكن يقوله زي ما تعيش اعيش معاك و منين ما تسند راسك اسند لكن حس ان الموضوع مش بالمجد اللي عاوزه...
طيور السماء ليها اوكار!!!! لا يارب معلش الطيور ليها عش بتعيش فيه مش وكر اللي هو ماوي.. لا ربنا يقصد الطيور الجارحة.. دي تعيش في العالي في الجبال في اوكار.. تنظر بعيون ثاقبة للفريسة و تنزل زي السهم تفترسها و تنشب مخالبها فيها.. الكبرياء و الارتفاع.. ودي برضه يسوع ما يعرفش يسند راسه معاها.. الكتبة و الفريسين كان همهم نفسهم و كانوا ينهشوا في رعيتهم و ما يهتموش غير بالمكاسب المادية و الادبية.. ساعات اقول لربنا اتبعك... يقولي الجملتين دول... ازعل... كان نفسي ابقي خادم او كاهن و انا كنت افرجك يارب علي الشغل... يسيبني و ياخد واحد غلبان و لا بسيط.. طب ده انا عليا كلام ووعظ يجيبلك الوف... في الحقيقة ربنا بيبقي شايف اني عاوز مجد نفسي.. مش مجده... مش شايف فيا يوحنا اللي يقول ده يزيد و انا انقص... رايح ليه بفرد صدر و عضلات روحية.. فلسفة و علم و النوع ده ما يعرفش يسند راسه فيه... عاوز اظهر.. عاوز الناس تمدحني... اقول انا خاطي و غلبان و اسرق مجده لنفسي بس انكشف لما حد يقولي انت خاطي و لا علي قدك.. السنحة تنقلب و الغضب و ليه هو انت شوفت مني ايه..؟! ساعات اقوله اتبعك اينما تمضي لاني معتقد ان تبعيتي تعفيني من وجعي و تضمن لي حياة سهلة.. اتبعك علشان اعرف اتجوز.. اتبعك علشان مشاكلي تتحل.. اتبعك علشان اتغلف بغلاف روحي اخبي وراه نجاساتي ووسخي... مش بتبعك علشان بحبك.. مش بتبعك لاني انحصرت في محبتي ليك... فيه ناس تسيب كتير و تحسبها نفاية و فيه ناس تقدم قليل و عاوزة تسرق المجد لنفسها... تبعية المنفعة مش علي هوا المسيح لدرجة انه قال المنفعة دي تزاد لكم يعني تاخدوها فوق البيعة.. لو تبعيتي للمنفعة بس تبعية ما تريحش قلبه...و لا يعرف يسند راسه جوه اوجار و لا اوكار لكن يسند راسه علي اوتار داود و يسند راسه علي اتضاع الملكة مريم العذراء و يسند راسه علي ساكبة الطيب التي تقدمت اليه لا لمجد بل لحياة...
سؤال بساله ديما لنفسي و انا رايح احاضر في اجتماع او اخدم او اصلي قداس هو انت رايح ليه... غالبا الاجابة مخزية.. فيها نفسي... فيها منفعة و مجد ساذج.. نفسي اروح مرة لاني ملتهب بمحبتي ليه مش معجب بعلمي و تحضيري و فذلكتي... نفسي اصلي قداس لاني مشتاق لحضنه مش لاني بمارس عادة روحية و لا عندي مشكلة عاوز احطها ع المذبح... ايوه ابويا و يهمه امري و اشتكيله بس حتي في شكوتي بحبه و راضي و شاكر عمله فيا... بعترف لاني عاوز ارجع سلامي و اشيل شوية طين من اللي عليا و يمكن اتماكر زي التعلب لما اشرح لابونا سقطتي و ابرر نفسي. . لكن نادرا جدا لما رحت علشان موجوع اني جرحته و الدليل اني بكرر خطايا كتير... لسه مش عارف يسند راسه... يارب استحملني و اديني تبعية حلوة اتذوقك فيها... لو مش لاقي مكان تسند راسك جوايا خليني اسند انا راسي زي يوحنا علي صدرك يمكن لما اسمع دقات قلبك و حبك ليا اشتهي تبعيتي ليك... مش عارف اقولك اتبعك اينما تمضي بس بصلي لك منين ما تروح نادي عليا يمكن ييجي يوم و التقط صوتك واقبل دعوتك و افتح بابي...



نبيل شحاتة

[sama smsma]

قَالَ لَهُمْ يَسُوعُ: «لِعَدَمِ إِيمَانِكُمْ. فَالْحَقَّ أَقُولُ لَكُمْ: لَوْ كَانَ لَكُمْ إِيمَانٌ مِثْلُ حَبَّةِ خَرْدَل لَكُنْتُمْ تَقُولُونَ لِهذَا الْجَبَلِ: انْتَقِلْ مِنْ هُنَا إِلَى هُنَاكَ فَيَنْتَقِلُ، وَلاَ يَكُونُ شَيْءٌ غَيْرَ مُمْكِنٍ لَدَيْكُمْ. "
اشمعني حبة الخردل؟! طول عمرنا الاجابة انها اصغر البذور و الكتاب نفسه قال كده في انجيل مت 13
يشبه ملكوت السماوات حبّة خردل أخذها إنسان وزرعها في حقله.
وهي أصغر جميع البذور،
ولكن متّى نمت فهي أكبر البقول،
عمليا الخردل مش اصغر البذور بشكل مطلق زي ما ناس حاولت تشكك في الكتاب المقدس و قالت ان الخردل مش اصغر البذور فازاي نقول المسيح اله متجسد و هو مش عارف كده... فعليا مش مقصود smallest و لكن smaller
و الكلمة اليونانية اللي اتكتبت "ميكروتيرون" (mikroteron)، وهي كلمة في صيغة المفاضلة وقد تعني مثالا أصغر بين جميع الحبوب... بس مش الصغر بس اللي خلي المسيح يقول لو ليكم ايمان مثل حبة الخردل علشان يقول اد ايه حجم ايمان صغير اوي يعطينا مجد كبير اوي... فيه صفة في حبة الخردل انها من البذار ذات الفلقة الواحدة... يعني ايه
البذرة ببساطة تتكون من غلاف خارجي يحمي البذرة من المؤثرات الخارجية مثلا جلدي الملمس كده زي الترمس و الفول او خشبي زي بذرة البطيخ
و بعدين تحت القشرة حاجة اسمها الفلقتين او الفلقة الواحدة... زي اوضتين ( فلقتين) او اوضة واحدة ( فلقة واحدة) مخزن غذا احتياطي يتغذى بيه الجنين في حالة ما فيش غذا مستفاد من الارض و الشمس و الهوا
و الجزء التالت من البذرة اسمه الجنين كانه نبات صغنن جوه يكبر في حالة توافر البيئة الملائمة و يبقي نبات جديد...
الخردل بقة من ذوات الفلقة الواحدة..
الايمان طريقه واحد.. ما ينفعش تؤمن بطريقين او تخدم سيدين... يا اما تؤمن بربنا فتعبده ياما البعل فتعبده .. ربنا عاوز يقول لنا مش مهم حجم ايمانك يبقي صغير قد الخردل بس طريق واحد.. صدقه بس... ساعات اقول لبناتي حاجة و بعدين تقولي بس اصحابي بيقولوا.. يصعب عليا و اقولها حتصدقي اصحابك و تكدبي بابا؟! .. الايمان ايقان بامور لا تري... يا تؤمن انه حيدبرها يا تروح تدور علي كارت واسطة.. يا تؤمن انها حيعولك و مش حيحوجك لكن تطنش العشور و تقول هو عارف بالحال ما يمشيش... يا مصدق انه بيحبك و بيغفر لكن سقطت علشان بيعاقبك و لا اتخبطت لانك ما صلتش مش بتاعته.. حيديك زوج في الوقت المناسب من ايده ياما مش عاوزك تتجوزي لخيرك لكن شات علي الفيس و لبس ملفت في الافراح مش سكته.. فلقة واحدة... حتي لو منمنمة زي الخردل بس ايمان بجد.. ننقل جبال.. ثقة الطفل في ابوه غير محدودة كل ما بيكبر و يفكر و يشغل عقله يتعب و يتهز...ربنا يخلينا اطفال مصدقين وعوده بايمان طفل ان ابويا يقدر يعمل كل حاجة و بيفهم في كل حاجة.. اجمل الذكريات لما بنتي كانت تكسر عروستها ولا تبوظ لعبتها تجيبهالي و تقولي صلحها... لا فكرت حقدر و لا لا و لا انا بفهم فيها و لا لا... طالما انا اللي جبتها يبقي حقدر...
نبيل شحاتة