اكبر مجموعة اكلات صيامى بالصور

[sama smsma]

مكرونة بالصلصة الحارة


كيس مكرونة مسلوقة – طماطم مبشورة – معلقةهريس فلفل حار

الطريقة

نسلق المكرونة ¾ سوى .
نضع 2معلقة زيت فى المقلاية لحد ما تسخن ثم نضع الصلصة
ونقلب ثم نضع ملح وفلفل وشوية ماء صغيرين ونقلب تقليبتين
ثم نضع المكرونة ونخلطهم مع بعض تقليبة واحدة ونغرفها .

الصلصة :

نضرب الطماطم زى ما هى فى الخلاط ونضع عليها الهريسة وشوية زيت

[sama smsma]

كسكسى بالخضار



كيس كسكسى خشن – 2مكعب خضروات – حمص مسلوق- زيت – قرنفل – كوسة – بطاطس – فلفل رومى

الطريقة

اضع الماء يغلى واضع الكوسة والبطاطس والفلفل
واسلقهم مع 2مكعب الخضروات وملح وفلفل وقرنفل .
اضع الكسكسى فى شاشة على حمام مائى علشان يستوى على البخار
واضع فى الشاشة شوية قرنفل ورشة ماء وزيت واقلبه
واغطيه بالشاشة وكل شوية افتح الشاشة واقلبه وارشه رشه ماء
وممكن نرشه رشة زيت واستمر على كدة لحد مايستوى خالص
ونعرف ان هو استوى لما تلاقيه طرى وفرفر .
قبل الغرف على طول اضع الحمص فى الحلة مع الخضار .
اغرف الكسكسى فى طبق التقديم واضع علية الخضار

[sama smsma]

اصابع زينب بالصور بالتفصيل






وتحمر بالزيت الغزير








½ كيلو دقيق – 125 ج سامولينا – 150 ج زيت – 15 ج خميرة فورية – 250 ماء-

الشيرة ( العسل – القطر ) 2 كيلو سكر + كيلو ماء وعصير ليمونة بعد الغليان

الطريقة

نضع الخميرة مع شوية ماء دافىء فى كوب واذوبها .
نضع كل المقادير فى الخلاط ونضع عليهم الخميرة المذابة الى ان تتكون عندى العجينة حوالى 5 دقايق وحلاقى العجينة خلاص مبتلزفش فى اليد .
اغطى العجينة واتركها شوية تخمر .
اضع العجينة امامى على هيئة صباع طويل او رول ثم اخد منها قطعه قطعه واضغطها على وش المبشرة الصغير الخشن
والف لفة بصوابعى اضعها فى صينية واتركها تانى لتخمر لمدة ربع ساعه
ثم احمرها فى زيت ساخن لحد ما لونها يحمر واشيلها على طول من على النار على الشيرة الباردة واقلبها كويس فى الشيرة وتقدم

[sama smsma]

المنين المصرى



1 كيلو دقيق ( طحين ) _ 1/2 1 كوب سمن نباتى سايح أو زيت_ زرة ملح _1 ملعقة صغيرة شمر _1 ملعقة صغيرة يانسون _ 1 ملعقة صغيرة سكر _1 ملعقة خميرة فورية او قطعة خميرة بيرة فى حجم اليوسفى الصغيرة من عند الخباز _ 1/4 كوب ماء دافىء _من 1/2 ل 1 كوب ماء دافىء للعجن _ 1 ملعقة كبيرة سمسم

الحشو :
ملبن أو عجوة


الطريقة :
ينخل الدقيق و الملح و نضع عليهم الشمر و اليانسون و السمسم و الخميرة .

يقدح السمن أو الزيت على النار ثم نصبه على الدقيق
ونبدء بالكبشة نقلب حتى يختلط السمن أو الزيت بالدقيق ونتركة شوية يبرد
حتى تتحمل اليد درجة الحرارة ونبدء فى دعك العجينة كويس جدا

ودة شرط نجاح المنين ( نبس العجينة )

نضيف الماء شوية شوية حتى تتكون عجينة متوسطة و تترك الاناء
نغطيها و نتركها فى مكان دافىء لتخمراى تذيد .
بعد ماتخمر نبدأ فى تشكيلها اما نأخذ قطعة فى حجم اليوسفى الصغيرة وندورها كويس بين ايدينا ونحشيها ونضعها فى صينية مش مدهونة و نبطط خفيف بأيدنا عليها
او ناخد قطعة عجينة و بأيدينا الاثنين نبرم فيها امامنا على الترابيزة الى ان تصبح عصاية طويلة مبرومة نحضر السكينة و نقطع بالورب على مسافات متساوية وحدات المنين ثم نشيلهم بالراحة و نرصصهم فى الصينية و نبطط خفيف بأيدنا نترك المنين يخمر ثم ندخلة الفرن متوسط فى الرف الوسط حواللى 1/3 ساعة


ملحوظة :
اذا استعملتى الخميرة بيرة يبقى تضعيها فى كوب مع السكر لحد ماتسيل خالص و بعدين تضعى الماء الدافىء و تقلبى و تتركى الكوب فى مكان دافىء لحد ماتلاقيها خمرت .
ثم تضعيها على الدقيق بعد وضع السمن أو الزيت

[sama smsma]

صوص البيتزا بطريقة جديدة



2 فص ثوم مهروس – كيلو طماطم – 2 بصلة – 3 قرنفلات – ورق لاورا - ورقتين زعتر فريش

الطريقة

اضع الطماطم فى حلة وعليها ماء لحد ما الطماطم تتهرى تماما ثم نصفيها من الماء تماما ونضعه فى المصفاه اونضربها فى الكبة وتكون جاهزة للاستخدام
ثم نكمل عمل الصوص بالطريقه العادية

[sama smsma]

صلصة بيتزا هت الاصلية - طريقة عمل صلصة بيتزا هت الاصلية




معظم السيدات تقوم بشراء صلصة البيتزا الجاهزه مع ان جميع مكوناتها موجودة في المطبخ وسهله وما بدها فن في الطبخ. ساقدم لك سيدتي طريقة سهلة جدا لتحضير اروع صلصة تستخدميها لعمل أفضل طبق بيتزا وكانك تاكليها في مطعم بيتزا هت.

الكمية تكفي لعدد 2 بيتزا

مكونات صلصة البيتزا:
عصير طماطم
1/4 كوب ماء
1 ملعقة صغيرة سكر
1/4 ملعقة صغيرة اوريغانو
1/4 ملعقة صغيرة اوراق ريحان
1/4 ملعقة صغيرة زعتر جاف
1/4 ملعقة صغيرة بودرة الثوم
1/4 ملعقة صغيرة ملح
1/8 ملعقة صغيرة فلفل اسود
ورقة غار
1/2 ملعقة صغيرة عصير ليمون

طريقة عمل صلصة البيتزا:
1. اخلطي جميع المكونات في مقلاة.
2. ضعيها على نار متوسطة حتى تبدأ الصلصة بالغليان.
3. خفضي الحرارة وحركيها ثم تغطى لمدة 30 - 45 دقيقة حتى تصبح كثيفة بالدرجة التي تريديها.
4. هذه الكمية تكفي لعمل عدد 2 بيتزا.

[sama smsma]

كفتة صيامى انما اية



ربع ك عدس بجبة
بصلة صغيرة
ملح وفلفل اسمر
كيس فيجتار ( حار او عادى )
بهارت كباب وجوزة الطيب
فحمة واحدة

الطريقة
]انقع العدس فى الماء لمدة 12 ساعة وانشلة من الماء واضعة فى الكبة مع البصلة والبهارات والملح والفلفل وجوزة الطيب
بعد زلك اخرجة من الكبة او الخلاط واضع عليه كيس الفيتجار وابشر عليه جوزة الطيب واصبعها واقليها فى الزيت
عندما يحمر اخرجها من على النار وارصها فى حلة او صينية واكون حطه الفحمة على النار وعندما تستوى الفحمة اضعها
على قشرة بصلة عليها نقطة زيت فى الصينية او الحلة التى بيها الكفتة واغطيها بسرعة حتى يتسرب دخان الفحمة الى الكفتة

[sama smsma]

سمبوسك بالمشروم صيامى



- كيلو جلاش
2- 300 جرام مشروم
3-بصلة كبيرة
4- ملح، فلفل
5- للرغبة : زعتر، نعناع، شطة



الطريقة

يوضع البصل ويحمر فى الزيت ثم يوضع المشروم مقطع ثم يضع باقة المقادير

يقطع الجلاش الى تلات اجزاء بالطول مستطيل يعنى

يخد شوية من الخلطة ويوضع فى الجلاش يلف صوابع او مثلثات

ثم يدهن صينية بالزيت ويوضع اللى احنا عملنة فى الفرن ويوضع شوية زيت على الوش

[sama smsma]

مكرونة حارة بالثوم



المقادير :
6 ملاعق كبيرة زيت،
نصف ملعقة صغيرة فلفل أحمر مقطع،
فص ثوم مهروس،
2 عود بصل أخضر مقطع،
2 ملعقة كبيرة بقدونس مفروم،
1/2 كيس معكرونة ،
ملح وفلفل أسود حسب الرغبة .


الطريقة :

اسلقي المكرونة في ماء مملح وبه نقط زيت لمدة 7-9 دقائق، ثم انشليها وصفيها من الماء ودعيها جانبا .

سخني الزيت في مقلاة عميقة ثم حمري فيها الفلفل الأحمر والثوم لمدة 4-5 دقائق، ثم أضيفي البصل والبقدونس وقلبي جيدا .

أضيفي المكرونة وقلبيها جيدا حتى يتجانس الخليط ثم ضعيها في طبق التقديم

[sama smsma]

عيش السرايا الصيامى




ديسك توست ( هانشرح طريقته )
[عسل ( قطر – شيرة ) كيلو ماء – 1 و1/2 كيلو سكر – ليمونة ]
لون طعام احمر
كريمه نباتى
فستق مفروم


الطريقة

اضع فى صينية كبيرة العسل وعليه نقط من لون الطعام الاحمر
ثم نضع فيه دائرة التوست ونتركها لحد ما تتشرب تماما من العسل
ثم نضعها فى طبق واسيبها تبرد كويس قوى ثم اضع عليها الكريمة والفستق المفروم

طريقة عمل قالب التوست

1/2كيلو دقيق
50ج سامولينا
12ج ملح
10ج خميرة
10ج سكر
25ج زيت

نضع الخميرة مع الزيت مع الملح مع السكر مع سنة ماء دافىء
ونقلبهم كويس جدا
ثم نضعهم على الدقيق والسامولينا لحد ما تتكون العجينة
نضعها فى الصينية واضغط على العجينة بايدى كويس
ثم اتركها فى مكان دافىء لحد ما تعلى وتخمر
ثم اخرمها من فوق بالعصاية الخشب كذا خرم وادخلها الفرن لمدة ساعة درجة حرارة 190
ولما يطلع من الفرن ويبرد اقطعه بالسكينة بالعرض على هيئة دائرة كبيرة