في اسطورة يونانية بتحكي عن صياد إسمه نركسوس grin emoticon
بيقولك إنه كان آيه في الجمال .. وعشق نفسه لدرجة إنه لما شاف وشه في الميه مقدرش يستحمل جماله .. ف نط ف الميه عشان يلمس صورته .. وغرق .. وطلعت بدالو زهرة "النرجس"
من إسم نركسوس ،، طلع مصطلح النرجسية ،، واللي معناها "حب النفس".
غالباً ده بيبقي اضطراب في الشخصية مش ثقة ف النفس ولا حاجه ،، والموضوع بيقلب بالغرور والتعالي علي خلق الله .. الشخص النرجسي بيهتم بنفسه بطريقة اوفر ،، دايماً حاسس إنه حاجه فريدة ومحدش يقدر يوصل لنفس المستوي بتاعه ،، إبتزازي وبيستخدم الناس لمصالحه الشخصية ،، وبيُستَفَز جدآ لما حد يتجاهله أو ينتقده وكذلك لما محدش يمدحه ،، بالتالي تقتدر تستنتج إن علاقته سيئه جدآ مع اللي حواليه
من الآخر.. النرجسية هي حُب الذات المرضي ..
