فضفضة و اعترافات يومية

[كاتى]

المشاركة الأصلية كتبت بواسطة fady bahgat

موضوع جميل جدا يا كاتى

انا بعترف انى بحبكم جدا جدا .. انا بطبيعة شخصيتى بحب الكل من صغرى وحتى لو حد اذنى او زعلنى من غير ميقصد او يقصد بسامحه حتى من غير ما عاتبه ..

بعترف انى ماليش صديق وده من صغرى ممكن يكون انطواء بس ملقتش حد يحبنى لذاتى وانه يكون مخلص .. زى مانا بكون مخلص فعلاقاتى مع الاخرين ..

يعترف انى حساس جداا وبزعل جدا من اى شخص يعاملنى معاملة وحشة من غير ما اذى شعوره وبسبب حساسيتى بزعل جدااا من نفسى وبشوف انا عملت ايه زعله وبراجع نفسى ..

بعترف انى صراحتى بتودينى فمصايب كبيرة وناس بتكرهنى لم اقول الصراحة بس دى طبيعتى .. بعترف انى عصبى جداا لم حد ينتقدنى فحاجة انا معملتهاش ..

انا ندمت كتيييير ع حاجات عملتها واتصدمت فناس كتييير ..

بعترف انى فكل حياتى وفكل مراحل حياتى كانت ناس بتتريق عليا وكل ده عشان ياما مسيحى او هادئ او عشان مش عاوز ابقا زيهم ..

انا فقلبى وفعقلى مش بكره اى حد لانى مش متعود اكره .. ولو لقيت حد مش عاوزانى او مش بيحبنى ببعد واتجنبه عشان مبقاش سبب مشكلة بالنسباله ..

بعترف انى ضعيف جداا وبسبب ضعفانى عندى خطاياى كتير صلوا من اجلى ضعفى .

ميرسى يا كاتى مرة تانيه

اولا انا عايز اشكرك فادى
قليل جدااااا انك تلاقى حد جرىء يقدر يغلط نفسه ويتكلم عن نفسه بشكل ده
وده مش ضعف بالعكس
لازم تعرف انك جرىء اوى ودى حاجه كويسه بجد
كل دى صفات حلوه فيك يافادى
بتحب كل الناس حته لو حد زعلك وكمان بتسامح من غير معاتبه
وده طبعا قليل جدا متلاقى حد كده
ولو ع الصراحه شكلها الناس مش بتحبها الايام دى
علشان انا زيك صريحه جداااااااا بس اغلبيه الناس دلوقتى بتحب المجامله للاسف
بس ايه ضعيف دى
مينفعش لازم تكون قوى علشان تعرف تواجه ان كانت مشاكل او خطايا

وبجد انا اللى بشكرك ع اعترفاتك
ربنا يفرح قلبك فادى