شهاده لمجد ربنا احب اشارك اخواتى بيها

[Mary Naeem]

شهاده لمجد ربنا احب اشارك اخواتى بيها

انا بنت وحيده وكانت حياتى طبيعيه جداا بس مميزه بانى تعرفت على الرب مخلص شخصى لحياتى من صغرى وبحب ربنا ونفسى اعيش معاه وليه , دخلت الدراسه واتعلمت واشكر ربنا تفوقت فى سنين لغايه الثانويه العامه النظام القديم فحصلت على مجموع كبير فى سنه 2 ثانوى وحلمت انى هطلع دكتوره ورسمت البرستيج العالى ...اووى لنفسى على الرغم من الاحباط والفشل من اللى حواليا لكن كنت بصلى وبقول ربنا معايا وهكمل فشلت فى سنه 3 ثانوى انى اكمل فى نفس المستوى فزعلت اووى من ربنا واتكسرت جداا ودخلت كليه اقل مستوى بس كملت وبعد فتره شعرت انى محتاجه لاهتمام وتقدير وملقتهومش من الناس اللى حواليا كل شويه احتياجى بيكبر وقله التقدير لاى حاجه بعملها بتكبر يمكن الوقت دا اتعرفت على شاب على الفيس لكن حسيت قد ايه بسؤاله واهتمامه ليا وتقديره لتفكر وبيحب دايما يحكيلى وياخد رائى هو شخص كويس جداا لكن انا اتعلمت انى حياتى فى النور لانى بنت ليسوع نور العالم فارتحت جداا ليه وكملنا الكلام لغايه ما حاول يعبرلى عن مشاعره فرحت اووى بجد وحسيت اخيراا فى حد بيحبنى وبيهتم بيا وبيقدرنى بس فى مشكله هو لسه مش جاهز يعنى بمعنى اوضح هنعيش قصه حب سنتين ثلاثه فى السر لغايه ما يكون نفسه فرفضت قلتله متربيه طول عمرى على الاخلاق وفى محضر ربنا اتعلمت الحياه المسيحيه وانى معملش حاجه من وراء اهلى فاحترم كلامى جداا واتاسف انه مينفعش يعمل اى خطوه دلوقتى كبر اووى فى نظرى واكمان احترامه لمبادىء وقررنا نبعد فتره ولو اتكلمنا نبقى اخوات بس وفعلا حصل كده لكن جوايا كان فى احساس بالفراغ كبير وعدم التقدير والاهمال والتحقير من شخصيتى من اقرب الناس ليا ولانى فى نظرهم فشلت فى الدراسه فبيعتبرونى كائن مهمل
سورى طولت اووى عليكم
بس فى يوم صليت بدموع يارب انا تعبانه اوى ومحتاجه حد حبيب او حتى صديقه او صديق انت عارف وحاسس بالوحده الموجعه اللى انا فيها ملقتش رد فقمت افتح الفيس واقلب فى الصور لقيت الصوره دى وكانت رساله قويه جدااااااااااااااااااااااااااا من ربنا ليا غيرت مسار حياتى
**اوعى تشحت المشاعر والطبطبه من حد خليك شبعان بربنا وقتها بس بدل ما هتدور على الاهتمام من الناس هتبقى انت مصدر غنى وحب واهتمام ليهم **صدقونى قلتله انا عايزه كده وفعلا خدت شبعى من ربنا وملانى بحبه وادانى انى اسال على اخواتى واكون شخصيه اجتماعيه مش بشكر فيا لكن بشكر فى الهى وعمل ايده اللى غيرت شخصيتى وملانى بيه محتاجه صلواتكم وشكرا للرب على عمله فى كل صغيره وكبيره فى حياتنا

[nasser]

اوعى تشحت المشاعر والطبطبه من حد خليك شبعان بربنا
وقتها بس بدل ما هتدور على الاهتمام من الناس هتبقى انت مصدر غنى وحب واهتمام ليهم
رائعة رائعة رائعة
ربنا يفرح قلبك يا مارى

[Mary Naeem]

شكرا على المرور