عاوزه تبقى زى القمر اعملي الــ15حاجة دول

[jooneer]

عاوزه تبقى زى القمر اعملي الــ15حاجة دول

1- عند غسل الشعر بالشامبو اقلبي راسك لأسفل واقلبي شعرك للإمام وادعكيه بينشط الدورة الدموية للشعر وبالتالي يمنع سقوطه .

2 - زبدة الكاكاو لدهن كعوب القدم ( اللي بنستخدمها للشفايف ) بتخلي الكعوب تحفة ادهنيها بالليل والبسي شراب وشوفي النتيجة الصبح .اوك.....

3 وانتى على الكرسي وقاعدة قدام الكمبيوتر قومي واقعدي 5 دقايق بتتخلصى من الإرداف والشحوم المتركزة في هذه المنطقة .

4 اغسلي وشك بالصابونة واتركي الرغوة وضعي أربع نقاط معجون أسنان على الرغوة وادعكي وشك وبعدين اشطفيه ( قومي جربى وارجعي ردى وادعيلى ) بيفتح البشرة ويديها لون وردى هحسى ان البشرة بتتنفس ( متجربة )


5 - للمعان الشعر قبل السشوار اشطفي شعرك أخر شطفه بالماء المضاف إلية الشاي المغلي بعد تبريده واتفرجى وادعيلى .

6 - دايما اشفطى بطنك للداخل كل ما تفتكرى شهر وبطنك هتختفى احسن من اى تمرين الشفط بيقوى عضلات البطن حتى مع الحمل والولاده .



7 - اخلطي كريم الأساس في كف يدك مع كريم مرطب واقفلي اليد الأخرى واخلطيهم مع بعض وضعيهم على الوجه يمنع تكتل كريم الأساس وهيديكى لمعة تحفة ويمنعه من التشقق مع الوقت الطويل ولا اغلي ماركة


8 - اغلي نصف فنجان ماء مع كركديه واخلطي المية بعد الغلي مع فازلين وادهني شفايفك كل يوم بالليل أسبوع شفايفك بتبقى وردى طبيعي لمدة شهر

9 - شرش الجبن ( أو الماء اللي بيكون في علبة ألجبنه ) حطيه في زجاجة وادهني وشك منة مرتين في اليوم وادعيلى تفتيح وترطيب وإزالة البقع والنمش .


10 - تغيير نوع الشامبو كل أربع شهور لان شعرك بياخد علية ولو بتحبى نفس النوع ابقي ارجعيلة بعد التغير عادى بس غيري وارجعي .



11 - ضعى طلاء الا ظافر فى الثلاجة قبل وضعة هينشف بسرعة ويتحط بسرعة ( من اسرارى )


12 - لو عضتك ناموسة او حبة فجاة وعندك خروجة بسرعة حطى عليها اى نوع من قطرة العين وادعيلى اوعوا تنسوا .

13 - خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مش هتلبسى شراب


14 - مزيل الماكياج خلص استخدمي الزبادي لإزالة الماكياج ومنة ماسك سريع هتتصدمى من النتيجة -


15 - قشر الرمان نشفيه فى البلكونة كويس ودقية واطحنية بودرة وضعية تحت الابط لمدة اربع ايام رائحة العرق بتختفى شهر

[Mary Naeem]

واااااااااااااااااااو
نصائح مفيدة جدا يا قمر
يبقى نجربها
شكرا يا سكرة

[كاتى]

شكرا على النصايح
بس انتى ضمنها ولا هترجبى فينا ههههههه
ربنا يبارك حياتك

[jooneer]

المشاركة الأصلية كتبت بواسطة كاتى

شكرا على النصايح
بس انتى ضمنها ولا هترجبى فينا ههههههه
ربنا يبارك حياتك

لا جربتها بجد وكلها حلوة جدا

[بنتك يايسوع]

نصايح تحفه بجد
ميرسي كتيييييييييير

[بنت معلم الاجيال]

كلام جميل اوي
شكرا ياقمر علي مشاركتك الجميلة

[ماريا تى ثيؤتوكوس]

نصايح جميله اوى وسهله كمان
ميرسى جوجو حبيبتى